Kpojemi 21:24 - BAIBLO ALOO NGMAMI KLƆUKLƆU Ɔ

²⁴ Nimli tsuo nɛ ngɛ je ɔ mi ɔ maa nyɛɛ ngɛ la a mi, nɛ zugba a nɔ matsɛmɛ ɔmɛ maa ngɔ a hɛ mi nyami babauu ɔ kɛ ba ma a mi.

Somi He Ɔ

²⁴ Nɛ maje li ɔmɛ maa nyɛɛ ngɛ e la a mi, nɛ zugba a nɔ matsɛmɛ ɔmɛ maa ngɔ a hɛ mi nyami kɛ ba mi.

Kpojemi 21:24 ပူးပေါင်းရင်းမြစ်များ

La 22:27

Je mahi tsuo ma kai Yawɛ; a maa je he tsuaa he kɛ ba e ngɔ ba ja lɛ.

Yesaya 2:2

Hwɔɔ se ko ɔ, Yawɛ we ɔ maa ma yo gagaa ko yi mi; yo nɛ ya hiɔwe gojoo pe yo ɔmɛ tsuo yi mi e maa ma. Je ma amɛ tsuo ma bu yuu kɛ ba e he,

Yesaya 2:5

Jehanɛ, nyɛ Yakob nina, nyɛ ha waa nyɛɛ ngɛ la nɛ Yawɛ ha wɔ ɔ mi!

Yesaya 49:23

Matsɛmɛ ma plɛ pee tsɛmɛ kɛ ha mo, nɛ manyɛmɛ ma plɛ pee nyɛmɛ kɛ ha mo. A ma kpla si ha mo, nɛ a maa wo o hɛ mi nyami. A maa ba a he si ha mo, nɛ a maa bu mo. Kɛkɛ ɔ, o maa le kaa imi ji Yawɛ niinɛ. Nihi nɛ ngɔɔ a hɛ ngɔ fɔɔ ye nɔ ɔ, zo be mɛ gbee.”

Yesaya 52:15

Se jehanɛ lɛɛ e he maa pee je mahi babauu nyakpɛ; nɛ matsɛmɛ pohu a nya maa kpɛ a he wawɛɛ. Ejakaa nɔ́ ko nɛ a de we mɛ hyɛ ɔ, a maa na, nɛ nɔ́ ko nɛ a nui hyɛ ɔ, a maa nu sisi jehanɛ.”

Yesaya 55:10

“Ye munyu ngɛ kaa snoo kɛ hiɔmi nɛ nɛɔ kɛ jeɔ hiɔwe kɛ pueɔ zugba. Ní nɛ ɔmɛ haa dumi níhi puɛɔ. Wa naa wu nɛ wa duɔ, kɛ ngma nɛ wa yeɔ.

Yesaya 55:5

Jehanɛ lɛɛ, o ma tsɛ je mahi nɛ li mo kɛ ba; sa a, a li mo, se jehanɛ lɛɛ a ma wo fo kɛ ba o ngɔ! Imi Yawɛ, Israel Mawu klɔuklɔu ɔ ma ha ní nɛ ɔmɛ tsuo maa ba mi.”

Yesaya 60:13

“A maa poo Lebanon tso kpakpa nɛ ɔmɛ kɛ ba ma Yerusalem ekohu: sɛsɛo, odum kɛ tsohi nɛ da tlɔmɔɔ ɔ tsuo. Enɛ ɔ ma ha nɛ ye we klɔuklɔu ɔ maa pee fɛu, nɛ ye ma a hɛ mi maa ba nyami.

Yesaya 60:16

Je mahi, kɛ matsɛmɛ maa lɛ mo kaa bɔ nɛ binyɛ haa e bi nyɔ ɔ. O maa le jehanɛ kaa imi Yawɛ nɛ i ha o yi na wami. O maa le kaa imi, Israel Mawu kpetekpleenyɛ ɔ nɛ i ha o ye o he.

Yesaya 66:18

I le níhi nɛ a ngɛ susue, kɛ níhi nɛ a ngɛ pee. Be ma nɛ ma bua je ma amɛ tsuo, kɛ gbi slɔɔtoslɔɔto ɔmɛ tsuo a nya. Ke a ba a, a ma ba na ye hɛ mi nyami ɔ.

Yeremia 4:2

nɛ nyɛ ma ka kita ngɛ ye biɛ mi anɔkuale mi, nɛ nyɛ maa ye dami sane, nɛ nyɛ maa pee nɔ́ nɛ da a, lɛɛ je ma amɛ tsuo ma ba je ye yi, nɛ a ma de mi ke ma gbaa mɛ.”

Zakaria 2:11

Jamɛ a be ɔ, je mahi babauu maa ngɔ a he kɛ ba mɛtɛ Yawɛ he. E kɛ mɛ maa hi si, nɛ nyɛ maa le kaa lɛ nɛ e tsɔ mi nyɛ ngɔ.

Romabi 15:16

i ba pee Kristo Yesu tsɔlɔ nɛ ma tsu ma je li ɔmɛ a he ní. Ma tsu ní kaa osɔfo kɛ fiɛ sane kpakpa a nɛ je Mawu ngɔ ɔ, konɛ Mumi Klɔuklɔu ɔ nɛ tsu ma je li ɔmɛ a he, nɛ a pee kaa bɔ nɛ a sã, nɛ maa sa Mawu hɛ mi.

Romabi 15:26

Ejakaa nyɛmimɛ ɔmɛ nɛ ngɛ Makedonia, kɛ Akaya a kɛ bua jɔmi bua nɔ́ ko nya nɛ a kɛ ya ye bua ohiatsɛmɛ nɛ ngɛ ni klɔuklɔu ɔmɛ a kpɛti ngɛ Yerusalem ɔ.

Mose V, 32:43

“Je mahi lee, nyɛ je Yawɛ ma a yi; nihi tsuo nɛ gbee e ma a, Yawɛ gblaa a tue. E yeɔ lue ngɛ e he nyɛli ɔmɛ a nɔ, nɛ e kɛ e ma a he yayami paa mɛ.”

Kpojemi 21:26

Nɛ je ma amɛ maa ngɔ a hɛ mi nyami, kɛ agboje kɛ ba ma a mi.

Kpojemi 22:2

kɛ ba be ngɛ gbɛjegbɛ nɛ ngɛ ma a mi ɔ kpɛti. Tso nɛ haa nɔ wami ɔ ngɛ pa a tue hiɛ kɛ hiɛ. E woɔ yiblii si nyɔngma kɛ enyɔ ngɛ jeha mi; nyɔhiɔ tsuaa nyɔhiɔ ɔ, e woɔ si kake, nɛ a kɛ e ba a tsaa nihi ngɛ je ɔ mi.