Kpojemi 21:12 - BAIBLO ALOO NGMAMI KLƆUKLƆU Ɔ

¹² Gbogbo nɛ ti, nɛ ya hiɔwe saminya bɔle ma a kɛ kpe. Agbo nyɔngma kɛ enyɔ ngɛ he, nɛ bɔfohi nyɔngma kɛ enyɔ daa si ngɛ agbo ɔmɛ a nya. A ngma Israel wɛtso nyɔngma kɛ enyɔ ɔmɛ a biɛ ngɛ agbo ɔmɛ a nya.

Somi He Ɔ

¹² E ngɛ gbogbo ngua ko nɛ ya hiɔwe, kɛ agbohi nyɔngma kɛ enyɔ, nɛ bɔfohi nyɔngma kɛ enyɔ daa si ngɛ agbo ɔmɛ a nya, nɛ a ngma biɛhi ngɛ a nɔ nɛ ji Israel bi ɔmɛ a wɛtsohi nyɔngma kɛ enyɔ ɔ a biɛhi.

Kpojemi 21:12 ပူးပေါင်းရင်းမြစ်များ

Kpojemi 21:25

Agbohi nɛ ngɛ ma a mi ɔ, a be ngae ligbi ko ligbi ko, ejakaa diblii be woe ngɛ lejɛ ɔ.

Yesaya 54:12

Ma ngɔ tɛ nɛ he jua wa nɛ a tsɛɛ rubi tɛ kɛ ma gbogbo ɔmɛ a yi mi ngɛ saflɛ ɔmɛ a nɔ. Ma ngɔ tɛ nɛ kpɛɔ kaa la, nɛ a tsɛɛ karbunkle tɛ ɔ kɛ pee agbo ɔmɛ. Gbogbo nɛ bɔle mo ɔ, tɛ nɛ he jua wa sɔuu ma ngɔ kɛ fia.

La 122:7

Tue mi jɔmi nɛ ba ma a mi; he jɔmi nɛ hi mɔ ɔmɛ a mi.”

Yesaya 60:18

A be yi mi wami he nue ngɛ zugba a nɔ hu; a be ní puɛmi, kɛ hɛ mi kpatami he nue ngɛ o huza amɛ a nɔ hu. Ma bu o he, nɛ ma fa o he. Ma pee kaa gbogbo ngɛ o se. Nɛ o ma je ye yi, ejakaa i he o yi wami.

La 51:18

Mawu, naa Zion mɔbɔ, nɛ o piɛ e he koo; nɛ o fia Yerusalem gbogbo ɔmɛ ekohu.

Nehemia 12:27

Benɛ a maa julaa Yerusalem gbogbo ɔ, a ya kpee Levi bi ɔmɛ kɛ je hehi tsuo nɛ a ngɛ ɔ kɛ ba. A ba piɛ Yerusalem ma mi bi ɔmɛ a he, nɛ a fia gɔgɔ, kɛ saku, nɛ a la sina lahi nɛ a kɛ ye nyami ligbi ɔ.

Ni Tsumi 26:7

Wa wɛtso nyɔngma kɛ enyɔ ɔmɛ a hɛ ngɛ siwo nɛ ɔ nɔ. Enɛ ɔ he je nɛ a jaa Mawu saminya nyɔ kɛ pia, konɛ a nine nɛ su Mawu siwo ɔ nɔ. Nɛnɛ, kikɛmɛ a hɛ kɛ nɔ fɔmi nɛ ɔ he je nɛ Yuda bi ɔmɛ ngɛ ye nya poe nɛ ɔ nɛ!

Ezra 9:9

A pee wɔ nyɔguɛhi, se ngɛ wa nyɔguɛ si himi ɔ mi ɔ, o je o suɔmi nɛ ngɛ daa a kpo kɛ tsɔɔ wɔ. O ngmɛɛ we wa he, nɛ o ha Persia matsɛmɛ ɔmɛ na wɔ mɔbɔ, nɛ a ha wa nɔ gbagba te ekohu, bɔ nɛ pee nɛ Mawu we ɔ nɛ ku kɛ pue si ɔ, waa ma lɛ ekohu, nɛ waa hi hiɛmɛ nɛ ɔ ngɛ Yuda kɛ Yerusalem ngɛ tue mi jɔmi mi.

Hebribi 1:14

Mawu bɔfo ɔmɛ ɔ, mɛni ji a ní tsumi mɔ? Mumihi ji mɛ, nɛ a sɔmɔɔ Mawu. Ke Mawu ma he nɔ ko yi wami ɔ, mɛ lɛ Mawu tsɔɔ.

Luka 16:22

“Ohiatsɛ ɔ ba gbo, nɛ bɔfohi ba ngɔ lɛ kɛ ho Abraham mi si ya. Niatsɛ ɔ hu ba gbo, nɛ a pu lɛ.

Luka 15:10

I ngɛ nyɛ dee ke, jã nɔuu lɛ Mawu bɔfohi ma nya, ke yayami peelɔ kake tsake e tsui ɔ.”

Mateo 18:10

“Nyɛɛ hyɛ saminya nɛ nyɛ ko hie bimɛ tsɔwi nɛ ɔmɛ a ti nɔ ko. I ngɛ nyɛ dee ke a bɔfohi nɛ ngɛ hiɔwe ɔ daa si ngɛ Tsaatsɛ nɛ ngɛ hiɔwe ɔ hɛ mi daa. [

Mose II, 28:21

Tɛ ɔmɛ tsuo nɛ a pee nyɔngma kɛ enyɔ; nɛ Yakob binyumu ɔmɛ a biɛhi nɛ hi a nɔ kakaaka. Wɛtso nyɔngma kɛ enyɔ ɔmɛ ɔ, a kpɛ́ eko tsuaa eko biɛ ngɛ tɛ kake nɔ kaa bɔ nɛ a ngmaa ní ngɛ nguɛ ga nɔ ɔ.

Kpojemi 21:13

Agbo etɛ ngɛ beleku je, etɛ ngɛ omleyi je, etɛ ngɛ leneyi je, nɛ etɛ hu ngɛ bonyoku je.

Kpojemi 21:15

Bɔfo ɔ nɛ kɛ mi tu munyu ɔ hɛɛ sika tsu tso nɛ a kɛ susuɔ nɔ́ ngɛ e dɛ mi nɛ e kɛ ma susu ma a, kɛ agbo ɔmɛ, kɛ gbogbo ɔ.

Kpojemi 22:14

A gbaa nihi nɛ fɔ a tade ɔmɛ a he ɔ. Ee, a maa ye tso nɛ haa nɔ wami ɔ yiblii ɔ eko, nɛ a maa gu agbo ɔmɛ a mi kɛ ya ma a mi.

Kronika II, 9:19

A puɛ jatahi nyɔngma kɛ enyɔ kɛ ma si ngɛ kpoku ekpa amɛ a nya hiɛ kɛ hiɛ; jata kake ngɛ kpoku kake nya hiɛ, nɛ jata kake hu ngɛ kpoku kake nya hiɛ. A pee we matsɛ sɛ nɛ ɔ eko hyɛ ngɛ matsɛ yemi he kpa ko.