Kpojemi 21:10 - BAIBLO ALOO NGMAMI KLƆUKLƆU Ɔ

¹⁰ Kɛkɛ nɛ mumi ɔ ba ye nɔ, nɛ bɔfo ɔ ngɔ mi kɛ ho yo gagaa ko yi mi ya. E tsɔɔ mi Yerusalem, ma klɔuklɔu ɔ nɛ je hiɔwe ngɛ Mawu ngɔ kɛ ma zugba a;

Somi He Ɔ

¹⁰ Nɛ e ngɔ mi ngɛ mumi mi kɛ ho yoku ngua ko nɛ ya hiɔwe nɔ ya, nɛ e tsɔɔ mi ma ngua a nɛ ji Yerusalem klɔuklɔu ɔ nɛ je Mawu ngɔ ngɛ hiɔwe kɛ ngɛ si kplee,

Kpojemi 21:10 ပူးပေါင်းရင်းမြစ်များ

Matsɛmɛ I, 18:12

Ke i je o ngɔ kɛ ho piɔ ɔ, Yawɛ mumi ɔ ma ba ngɔ mo kɛ ho he ko ya nɛ i li. Nɛ e maa ba mi kaa ke i ya de Ahab ke o ngɛ hiɛ ɔ, nɛ e ba, nɛ e ba nɛ mo ɔ, e maa gbe mi. Mo kai kaa kɛ je ye jokuɛ mi tɔɔ ɔ, i yee Yawɛ gbeye.

Matsɛmɛ II, 2:16

nɛ a de lɛ ke, “Hyɛ, nyumuhi katsɛmɛ nyingmi enuɔ sɔuu ji wɔ ngɛ hiɛ ɔ. Wa kpa mo pɛɛ, ha nɛ waa ya nɛ wa ya hla o nyɔmtsɛ ɔ, kaa alini Yawɛ mumi ɔ nu lɛ nɛ e ya sake lɛ ngɔ fɔ yo ko nɔ, aloo kɔ́ ko mi lo.” Elisha he nɔ ke, “Dɛbi, nyɛ ko ya!”

Ezekiel 11:1

Jehanɛ, Mawu mumi ɔ ngɔ mi kɛ ba Yawɛ we ɔ beleku je agbo ɔ nya. I na nyumuhi nyingmi enyɔ kɛ enuɔ nɛ ganɔ nɛ ɔmɛ hu piɛ he ngɛ lejɛ ɔ: Yaazania, Azur bi ɔ, kɛ Pelatia, Benaya bi ɔ.

Ezekiel 11:24

Ngɛ nina a mi ɔ, Mawu mumi ɔ kɛ mi ba Babilonia ekohu ngɛ ni nɛmɛ nɛ a nuu kɛ ho ma se ya a a ngɔ.

Ezekiel 3:14

Yawɛ he wami ba ye nɔ wawɛɛ nitsɛ; nɛ benɛ mumi ɔ wo mi kɛ yaa a, e dɔ mi, nɛ ye bua jɔɛ kulaa.

Ezekiel 8:3

E je nɔ́ ko kpo kaa nine kɛ nu ye yi bwɔmi. Kɛkɛ nɛ ngɛ nina a mi ɔ, Mawu mumi ɔ wo mi kɛ gu kɔɔhiɔ mi kɛ ya su Yerusalem. E ngɔ mi kɛ ya ma Yawɛ we ɔ we omleyi je agbo ɔ mi. Amaga ko nɛ Mawu hiee wawɛɛ ɔ maa si ngɛ lejɛ ɔ.

Ni Tsumi 8:39

Benɛ a je nyu ɔ mi ɔ, Nyɔmtsɛ ɔ Mumi ɔ ngɔ Filipo kɛ je. Sɔmɔlɔ nɔkɔtɔma a nɛ́ lɛ hu; se e pue nɔ kɛ ho kɛ nyami babauu.

Galatabi 4:26

Se Yerusalem kaketsɛ ɔ nɛ lɛɛ a kɛ lɛ to hiɔwe he ɔ, lɛɛ e ji odehe. Lɛ ji wɔ tsuo wa nyɛ.

Kpojemi 1:10

Nyɔmtsɛ ɔ ligbi ɔ, mumi ɔ ba ye nɔ, nɛ i nu gbi ko nɛ ngɛ pɛe wawɛɛ kaa titimati ngɛ ye se.

Kpojemi 11:2

Se kue ɔ nɛ ngɛ sɔlemi we ɔ we agbo ɔ nya a lɛɛ ko susu. Si lɔ ɔ, ejakaa a ngɔ kɛ ha je ma amɛ, nɛ a ma si ako ngɛ ma klɔuklɔu ɔ mi nyɔhiɔ nyingmi eywiɛ kɛ enyɔ.

Kpojemi 17:3

Mumi ɔ ba ye nɔ, nɛ bɔfo ɔ ngɔ mi kɛ ho nga nɔ ya. Kɛkɛ nɛ i na yo ko nɛ hii si ngɛ lohwe awi yelɔ tsutsuu ko nɔ. A ngma biɛhi fuu kɛ tu musu bɔmi munyuhi kɛ si Mawu ngɛ lohwe ɔ he tsuo. Lohwe ɔ ngɛ yi kpaago, kɛ koli nyɔngma.

Kpojemi 21:2

Kɛkɛ nɛ i na ma klɔuklɔu ɔ, Yerusalem ma he ɔ nɛ je Mawu ngɔ ngɛ hiɔwe kɛ ma zugba. A dla e he ha lɛ kaa ayɛflo nɛ a wo lɛ ní ta nɛ a kɛ lɛ yaa ha e huno.

Kpojemi 3:12

Nɔ nɛ maa ye kunimi ɔ, ma ngɔ lɛ ngɔ pee titima ngɛ ye Mawu ɔ sɔlemi we ɔ, nɛ e be lejɛ ɔ jee gblegbleegble. Ma ngma ye Mawu ɔ biɛ, kɛ ye Mawu ɔ ma, Yerusalem he ɔ biɛ ngɛ e he. Ma he nɛ ɔ maa je ye Mawu ɔ ngɔ ngɛ hiɔwe kɛ ba. Jehanɛ, ma ngma ye biɛ he ɔ hu ngɛ e he.

Kpojemi 4:2

Amlɔ ɔ, mumi ɔ ba ye nɔ. Nɛ hyɛ, matsɛ sɛ ko ji nɛ ɔ ngɛ hiɔwe nɛ nɔ ko hii si ngɛ nɔ.