Kpojemi 20:3 - BAIBLO ALOO NGMAMI KLƆUKLƆU Ɔ

³ Kɛkɛ nɛ e hɛ lɛ ngɔ fɔ muɔ voo ɔ mi, nɛ e nga sinya ngɔ wo e yi, nɛ e sɔu muɔ ɔ nya, konɛ e hi lejɛ ɔ jeha akpe. Jamɛ a be ɔ, e be nyɛe maa sisi je ma amɛ hu. Jeha akpe ɔ se ɔ, a maa pɛne lɛ be bɔɔ ko.

Somi He Ɔ

³ nɛ e ngɔ lɛ ngɔ wo muɔ voo ɔ mi, nɛ e nga e yi nɛ e sɔu nya, konɛ e ko sisi je mi ma amɛ hu kɛ yaa su be nɛ a maa gbe jeha akpe ɔ nya. Lɔ ɔ se ɔ ja a pɛne lɛ be bɔɔ ko.

Kpojemi 20:3 ပူးပေါင်းရင်းမြစ်များ

Kpojemi 20:1

Jehanɛ ɔ, i na bɔfo ko nɛ je hiɔwe kɛ ma; e hɛɛ muɔ voo ɔ nya safe, kɛ kɔsɔkɔsɔ nɛ jiɔ ngɛ e dɛ mi.

Kpojemi 17:8

Lohwe ɔ nɛ o na a, be ko ɔ, e hɛ ngɛ, se piɔ lɛɛ e be je mi hu. E be kɛe nɛ e maa je muɔ voo ɔ mi kɛ ba, nɛ a ma kpata e hɛ mi pɛsɛpɛsɛ. Nɛ nihi tsuo nɛ ngɛ je ɔ mi nɛ a ngmɛ a biɛ ngɛ wami womi ɔ mi loko a bɔ je ɔ, ke a na lohwe ɔ, a nya maa kpɛ a he saminya. E hi si be ko; amlɔ nɛ ɔ lɛɛ e be je mi, se e maa kpale ba ekohu.

Daniel 6:17

Kɛkɛ nɛ a ya ngɔ tɛ kɛ ba fɔ muɔ ɔ nya, nɛ matsɛ ɔ kɛ lɛ nitsɛ e nɔ́ nya sɔumi nɔ́, kɛ e ma nimeli ɔmɛ hu a nɔ́ nya sɔumi nɔ́ sɔu muɔ ɔ nya. A pee nɔ́ nɛ ɔ, konɛ nɔ ko kó ya je Daniel ngɛ muɔ ɔ mi.

Kpojemi 12:9

A sake sinɔ nguaa a ngɔ fɔ he. Ee, jamɛ a blema sinɔ nguaa a nɛ a tsɛɛ lɛ Abosiami, loo Satan nɛ sisi nihi tsuo ngɛ je ɔ mi ɔ, a sake lɛ kɛ e bɔfo ɔmɛ tsuo ngɔ fɔ je ɔ mi.

Mateo 27:66

Lɔ ɔ he ɔ, a pue nɔ kɛ ho nɛ a ya sɔu yɔkɔ ɔ nya. Nɛ a ha ta buli ɔmɛ bu he.

2 Korintobi 11:3

I ngɛ gbeye yee kaa nɔ́ nɛ ba Hawa nɔ be ko ɔ maa ba nyɛ hu nyɛ nɔ. Sinɔ ya sisi Hawa, nɛ Hawa pee yayami. Jã kɛ̃ lɛ a ma puɛ nyɛ tue, nɛ nyɛ be Kristo anɔkuale yee kɛ pi si hu.

2 Petro 3:8

Se ye nyɛmimɛ nɛ i suɔ! Nɔ́ kake nɛ nyɛ hɛ ko je nɔ ji kaa ngɛ Nyɔmtsɛ ɔ hɛ mi ɔ, ligbi kake ngɛ kaa jeha akpe, nɛ jeha akpe hu ngɛ kaa ligbi kake.

La 90:4

Moo lɛɛ jeha akpe ngɛ kaa ligbi kake ha mo; e ngɛ kaa hiɛmɛ a je hiɛ nɛ be momo, aloo be bɔɔ kɛkɛ ngɛ nyɔ mi.

Kpojemi 17:2

Matsɛmɛ ɔmɛ nɛ ngɛ je ɔ mi ɔ kɛ lɛ bɔ ajuama; nɛ nimli nɛ ngɛ zugba a nɔ ɔ pee kaa nihi nɛ tɔ dã, benɛ e kɛ mɛ fiɛ yakayaka fiɛmi ɔ.”

Kpojemi 13:14

Mawu ngmɛ lohwe awi yelɔ enyɔne ɔ blɔ nɛ e pee nyakpɛ níhi ngɛ kekleekle lohwe ɔ hɛ mi. Kɛ gu nyakpɛ ní nɛ ɔmɛ a nɔ ɔ, e sisiɔ nihi tsuo nɛ ngɛ je ɔ mi ɔ, nɛ e haa a peeɔ yayami. E nyɛ a nɔ nɛ a puɛ amaga nɛ ngɛ kaa lohwe awi yelɔ kake ɔ nɛ a kɛ klaate plaa lɛ wawɛɛ se e gbo we ɔ.

Mateo 24:24

Ejakaa lakpa kristohi, kɛ lakpa gbali maa te si. A maa pee okadi nguahi, kɛ nyakpɛ níhi kɛ mlɔɔ nihi nɛ Mawu hla a tete.

Marko 4:15

Ni komɛ ngɛ kaa wu nɛ ya nɔ blɔ mi. Ke a nu munyu ɔ, kɛkɛ Abosiami ba je munyu ɔ ngɛ a mi.

Luka 8:31

Kɛkɛ nɛ mumi yayami ɔmɛ de Yesu ke, “Wa kpa mo pɛɛ, ko ha nɛ wa ya sɛ muɔ voo ɔ nɛ ngɛ zugba a sisi ɔ mi.”