Kpojemi 20:12 - BAIBLO ALOO NGMAMI KLƆUKLƆU Ɔ

¹² Jehanɛ ɔ, i na nihi nɛ gbo ɔ tsuo nɛ daa si ngɛ matsɛ sɛ ɔ hɛ mi, ni nguahi, kɛ ni wawihi. A bli womihi a nya; womi nɛ ɔmɛ ɔ, níhi nɛ nimlihi tsuo pee ɔ, lɔ ɔmɛ a ngma kɛ wo mi. A bli womi kpa hu nya; nɛ enɛ ɔ lɛɛ nihi nɛ a hɛ ngɛ ɔ a biɛ nɛ a ngma kɛ wo mi. A kojo ni gbogboe ɔmɛ ngɛ níhi nɛ a pee ɔ a he kaa bɔ nɛ a ngma ngɔ wo womi ɔmɛ a mi ɔ.

Somi He Ɔ

¹² Nɛ i na ni gbogboe ɔmɛ, ni tsɔwi kɛ ni nguahi nɛ a daa si ngɛ matsɛ sɛ ɔ hɛ mi. A bli womihi a nya, nɛ a bli womi kpa ko nɛ ji wami womi ɔ hu nya. Nɛ akojo ni gbogboe ɔmɛ, ni tsɔwi kɛ ni nguahi, ngɛ nihi nɛ a ngma ngɛ womi ɔmɛ a mi ɔ nya, bɔ nɛ sa a ni tsumi ɔmɛ.

Kpojemi 20:12 ပူးပေါင်းရင်းမြစ်များ

La 28:4

Gbla a tue ngɛ a ní peemi ní ɔmɛ a he; gbla a tue ngɛ a yi wu tso ní ɔmɛ a he; wo mɛ hiɔ bɔ nɛ sa mɛ pɛ.

La 62:12

E de hu ke lɛ Nyɔmtsɛ ɔ, e suɔmi ɔ ngɛ daa. Ee, mo Nyɔmtsɛ nitsɛ lɛ o woɔ nɔ tsuaa nɔ hiɔ bɔ nɛ sa e ní tsumi.

La 69:28

Ha nɛ a gbe a biɛ ngɛ nihi nɛ ngɛ je mi kɛ mwɔɔ ɔ a womi ɔ mi, nɛ a ko ngma a biɛ kɛ piɛ nihi nɛ peeɔ nɔ́ nɛ da a he.

Abɛ Womi 24:12

Ko de ke o li he nɔ́ ko, ejakaa Mawu nɛ naa nɔmlɔ tsui mi ɔ lɛɛ e na, nɛ e le hulɔ. Nɛ e maa wo mo hiɔ ngɛ nɔ́ nɛ o pee ɔ he.

Abɛ Womi 24:29

Ko de ke, “Ma pee lɛ kaa bɔ nɛ e pee mi ɔ!” Ko de ke, “Nɔ́ nɛ e pee mi ɔ, imi hu ma pee lɛ kɛ to nya!”

Fiɛlɔ 12:14

Mawu maa kojo wɔ ngɛ níhi tsuo nɛ wa pee ɔ a he. Níhi nɛ wa pee ngɛ laami mi po, e maa kojo wɔ ngɛ a he; kpakpa jio, yaya jio.

Yeremia 17:10

Imi Yawɛ, i hlaa nimli a juɛmi, nɛ i kaa a tsui. I woɔ nɔ tsuaa nɔ hiɔ ngɛ e ní peepee, kɛ e je mi babɛ he.”

Yeremia 32:19

O toɔ nile gahi, nɛ o peeɔ ní nguanguahi. O naa níhi tsuo nɛ nimli adesahi peeɔ, nɛ o woɔ mɛ hiɔ bɔ pɛ nɛ sa mɛ.

Daniel 7:10

La ngɛ tsoe gegeege ngɛ e hɛ mi kaa pa nɛ hia kɛ bee. Nihi akpeakpehi ngɛ lejɛ ɔ ngɛ lɛ sɔmɔe, nɛ akpe nyɔngma totoe akpe nyɔngma daa si ngɛ e hɛ mi. Kojoli ɔmɛ ba hi si, nɛ a bli womi ɔmɛ a nya.

Mateo 11:22

I ngɛ nyɛ dee ke, kojomi ligbi ɔ, Mawu maa na Tiro kɛ Sidon bi mɔbɔ kulaa pe nyɛ!

Mateo 16:27

Ejakaa Nɔmlɔ Bi ɔ maa ba ngɛ e tsɛ hɛ mi nyami ɔ mi, kɛ e bɔfo ɔmɛ. Jamɛ a be ɔ, e maa wo nɔ tsuaa nɔ hiɔ ngɛ e ní tsumi nya.

Luka 10:20

Se, nyɛ ko na bua jɔmi kaa mumi yayami ɔmɛ buɔ nyɛ tue; nyɛ bua nɛ jɔ mohu kaa a ngma nyɛ biɛ ngɛ hiɔwe.”

Ni Tsumi 24:15

I heɔ Mawu yeɔ kaa adesahi tsuo maa te si kɛ je gbeje hwɔɔ se, ni kpakpahi jio, yayami peeli jio; nimli nɛ ɔmɛ heɔ enɛ ɔ yeɔ ja nɔuu.

Romabi 2:6

Ejakaa Mawu maa wo nɔ tsuaa nɔ hiɔ bɔ nɛ sa lɛ ngɛ e ní tsumi ɔ nya.

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

2 Korintobi 5:10

Ejakaa ja wɔ tsuo wa pue ngɛ Kristo hɛ mi, nɛ e kojo wɔ. Nɔ tsuaa nɔ ma na nɔ́ nɛ e tsu ngɛ je nɛ ɔ mi ɔ he hiɔwo, kpakpa jio, yayami jio.

Filipibi 4:3

Nɛ mo, ye nyɛmi sɔmɔlɔ anɔkualetsɛ, i ngɛ mo pɛɛ kpae nɛ o ye bua yi nɛ ɔmɛ. Ejakaa a kɛ Klemente, kɛ nyɛmimɛ kpahi nɛ waa kɛ mɛ sɔmɔ ɔ, piɛ ye he kɛ tsu ní wawɛɛ kɛ fiɛ sane kpakpa a. A ngma nimli nɛ ɔmɛ tsuo a biɛ ngɛ Mawu wami womi ɔ mi.

Kpojemi 11:18

Je ma amɛ a mi mi fu mo, se jehanɛ ɔ, be su nɛ mo hu o mi mi ma fu mɛ. Be su nɛ o maa kojo nihi tsuo nɛ gbo ɔ, nɛ o tsɔli nɛ ji gbali ɔmɛ, ni klɔuklɔu ɔmɛ, kɛ nimli wawihi kɛ nimli nguahi tsuo nɛ yee mo gbeye ɔ, be su nɛ o maa wo mɛ hiɔ. Nihi nɛ kpataa zugba a hɛ mi ɔ, be su nɛ o ma kpata mɛ hu a hɛ mi.”

Kpojemi 13:8

Nihi tsuo nɛ ngɛ je ɔ mi ɔ ma ja lɛ. Ni nɛmɛ nɛ a ngma a biɛ kɛ wo hɛ kali a womi ɔ mi loko a bɔ je ɔ, mɛ pɛ lɛ a be lɛ jae. To bi ɔ nɛ a gbe ɔ nɔ́ ji jamɛ a womi ɔ.

Kpojemi 17:8

Lohwe ɔ nɛ o na a, be ko ɔ, e hɛ ngɛ, se piɔ lɛɛ e be je mi hu. E be kɛe nɛ e maa je muɔ voo ɔ mi kɛ ba, nɛ a ma kpata e hɛ mi pɛsɛpɛsɛ. Nɛ nihi tsuo nɛ ngɛ je ɔ mi nɛ a ngmɛ a biɛ ngɛ wami womi ɔ mi loko a bɔ je ɔ, ke a na lohwe ɔ, a nya maa kpɛ a he saminya. E hi si be ko; amlɔ nɛ ɔ lɛɛ e be je mi, se e maa kpale ba ekohu.

Kpojemi 19:5

Enɛ ɔ se ɔ, gbi ko pɛ kɛ je matsɛ sɛ ɔ he, nɛ e de ke, “Nyɛ je wa Mawu ɔ yi, nyɛ e tsɔli tsuo! Nyɛ nihi nɛ nyɛ yeɔ lɛ gbeye, nimli wawi, kɛ nimli nguahi tsuo, nyɛ je e yi!”

Kpojemi 2:23

Ma gbe e se nyɛɛli ɔmɛ hulɔ. Kɛkɛ ɔ, asafo ɔmɛ tsuo maa na kaa imi ji nɔ nɛ le adesahi tsuo a juɛmi, kɛ a tsui mi. Ma wo nyɛ ti nɔ tsuaa nɔ hiɔ ngɛ nɔ́ nɛ e tsu ɔ he.

Kpojemi 20:11

Enɛ ɔ se ɔ, i na Mawu nɛ hii si ngɛ matsɛ sɛ hiɔ kpetekpleenyɛ ko nɔ. Tlukaa a, hiɔwe kɛ zugba laa, nɛ a nɛ mɛ hu.

Kpojemi 20:13

Kɛkɛ nɛ wo jé ni gbogboehi tsuo nɛ ngɛ e mi ɔ ngɔ ha. Gbenɔ, kɛ gbeje hu jé ni gbogboehi tsuo nɛ a kɛ to ɔ ngɔ ha. Nɛ a kojo mɛ ngɛ nɔ́ nɛ nɔ tsuaa nɔ pee ɔ he.

Kpojemi 20:15

Nɔ tsuaa nɔ nɛ a nɛ kaa a ngma e biɛ ngɛ hɛ kali a womi ɔ mi ɔ, kɛkɛ a hɛ lɛ ngɔ fɔ taku kɛ e mi la nɛ ngɛ tsoe gegeege ɔ mi.

Kpojemi 21:27

Nɔ́ ko nɛ he tsɔ we be ma a mi bae. Nɔ nɛ peeɔ níhi nɛ a hiee, loo e yeɔ lakpa hu be mi bae. Nihi nɛ a ngma a biɛ ngɛ To bi ɔ hɛ kali a womi ɔ mi ɔ, mɛ pɛ lɛ a maa ba ma a mi.

Kpojemi 22:12

Yesu ke, “Bu tue! I ma nɔuu! I hɛɛ ye hiɔwo ɔ kɛ ma, nɛ ma wo nɔ tsuaa nɔ hiɔ ngɛ ní nɛ e tsu ɔ nya.

Kpojemi 3:5

Nihi nɛ maa ye kunimi ɔ, a maa wo ní hiɔ ha mɛ kaa kikɛ nɛ ɔ, nɛ i be a biɛ gbee ngɛ hɛ kali a womi ɔ mi. Nɛ ma jaje ngɛ Tsaatsɛ kɛ e bɔfo ɔmɛ a hɛ mi paa kaa ye nihi ji mɛ.