Kpojemi 20:10 - BAIBLO ALOO NGMAMI KLƆUKLƆU Ɔ

¹⁰ Kɛkɛ nɛ a hɛ Abosiami ɔ nɛ sisi mɛ ɔ ngɔ fɔ taku kɛ e mi la nɛ ngɛ tsoe gegeege ɔ mi he nɛ lohwe awi yelɔ ɔ, kɛ lakpa gbalɔ ɔ ngɛ ɔ. Nɛ a ma pii mɛ nyɔ kɛ pia kɛ ya neneene.

Somi He Ɔ

¹⁰ Nɛ Abosiami ɔ nɛ sisi mɛ ɔ, a ngɔ lɛ ngɔ wo la gligliigli taku ɔ mi, he nɛ lohwe ɔ kɛ lakpa gbalɔ ɔ hu ngɛ ɔ, nɛ a ma pii mɛ nyɔ kɛ pia kɛ maa ya neneene kɛ neneene.

Kpojemi 20:10 ပူးပေါင်းရင်းမြစ်များ

Mateo 25:41

“Kɛkɛ ɔ, e ma de ni nɛmɛ nɛ ngɛ e muɔ nɔ ɔ ke, ‘Nyɛ nihi nɛ Mawu gbiɛ nyɛ, nyɛɛ je ye nɔ! Neneene la nɛ a dla ngɔ to Abosiami, kɛ e bɔfo ɔmɛ ɔ, nyɛ ya sɛ mi!

Kpojemi 19:20

A nu lohwe awi yelɔ ɔ, kɛ lakpa gbalɔ ɔ nɛ pee nyakpɛ níhi ngɛ e hɛ mi ɔ tsuo. E pee nyakpɛ ní ɔmɛ kɛ sisi nihi nɛ a kɛ lohwe ɔ kadi mɛ ɔ, kɛ ni nɛmɛ nɛ jaa lohwe ɔ we amaga a. A hɛ lohwe ɔ, kɛ lakpa gbalɔ ɔ tsuo ngɔ fɔ taku kɛ e mi la nɛ ngɛ tsoe gegeege ɔ mi hɛ ngmengmle.

Mateo 25:46

Lɔ ɔ he ɔ, nimli nɛ ɔmɛ maa ya neneene he hiami mi; se dali ɔmɛ lɛɛ a maa ya neneene wami mi.”

Kpojemi 20:8

nɛ e ma ya sisi je ma amɛ nɛ gbɛ fĩa je ɔ mi tsuo ɔ. A tsɛɛ je ma nɛ ɔmɛ ke Gog, kɛ Magog. Satan ma bua mɛ tsuo a nya kɛ ba nɛ a ba hwu ta. A hiɛ babauu kaa wo nya zia.

Kpojemi 16:13

Kɛkɛ nɛ i na mumi yayami etɛ nɛ a ngɛ kaa ovɔnɔhi. A je sinɔ nguaa a, kɛ lohwe awi yelɔ ɔ, kɛ lakpa gbalɔ ɔ a nya mi kɛ ma.

Daniel 7:11

Benɛ i ngɛ nɔ́ nɛ ɔ hyɛe ɔ, i nu nɛ koli nyafii ɔ ngɛ munyu tue putɛputɛɛ kɛ mwɔɔ. Tlukaa a, a gbe lohwe eywiɛne ɔ; a tsɔtslɔɔ e mi, nɛ a sake lɛ ngɔ fɔ la a mi.

Mateo 7:15

“Nyɛɛ hyɛ saminya ngɛ lakpa gbali a he. Ke a ba nyɛ ngɔ ɔ, a naa mɛ kaa jijɔ, se anɔkuale mi ɔ, a ngɛ kaa ogbeteehi;

Kpojemi 9:17

Bɔ nɛ i na okpɔngɔ ɔmɛ ngɛ nina mi ji nɛ ɔ nɛ. Okpɔngɔ nɔ hili ɔmɛ wo dama; ekomɛ tsu tsutsuu kaa la; ekomɛ hɛɛ alamua tu su, nɛ ekomɛ hu ngɛ kaa kungwɔ zɔ. Okpɔngɔ ɔmɛ a yi ngɛ kaa jata yi, nɛ la, kɛ la su ku, kɛ la hɛuu ngɛ a nya mi jee.

Marko 9:44

Lejɛ ɔ, ‘gɔgɔ nɛ yeɔ mɛ, kɛ la nɛ sãã mɛ ɔ gbo we gblegbleegble.’]