Kpojemi 2:9 - BAIBLO ALOO NGMAMI KLƆUKLƆU Ɔ

⁹ I le o haomi ɔmɛ! I le kaa nɔ́ ko be o dɛ lɛɛ, se kɛ̃ ɔ, niatsɛ ji mo. Nihi nɛ deɔ ke Yuda bi ji mɛ, pohu e be mi ja a, ní yayahi nɛ a deɔ ngɛ o he ɔ, i le lɛ tsuo. Abosiami jali a kuu ji mɛ!

Somi He Ɔ

⁹ I le o ni tsumi ɔmɛ kɛ o dengme gbomi ɔmɛ kɛ o hia a, — se kɛ ɔ niatsɛ ji mo — nɛ i le ni yayahi nɛ nihi nɛ deɔ ke Yudafohi ji mɛ se a pi ja se mohu a ji Satan kpe mi bimɛ ɔ deɔ ngɛ o he ɔ.

Kpojemi 2:9 ပူးပေါင်းရင်းမြစ်များ

Mateo 4:10

Kɛkɛ nɛ Yesu de lɛ ke, “Satan, jee hiɛmɛ nɛ ɔ! Ngmami ɔ ke, ‘Ja Nyɔmtsɛ o Mawu ɔ, nɛ o sɔmɔ lɛ pɛ!’ ”

Luka 12:21

Yesu de kɛ gbe nya ke, “Nɔ nɛ buaa níhi a nya kɛ haa e he, se e pi niatsɛ ngɛ Mawu níhi a mi ɔ, nɔ́ nɛ baa e nɔ ji nɛ ɔ nɛ.”

Luka 22:65

Nɛ a de ní kpahi fuu kɛ bɔ lɛ ahlua.

Luka 4:18

“Nyɔmtsɛ ɔ Mumi ɔ ngɛ ye nɔ; Nyɔmtsɛ ɔ hla mi ke ma ngɔ sane kpakpa a ba ha nihi nɛ a ni ngɛ mɔbɔ. E tsɔ mi ke ma ba fiɛ ke, ‘Nyɛ nyɔguɛhi, nyɛ ye nyɛ he oo nyɛ ye nyɛ he! Hɛ yuyuili, nyɛ maa hyɛ nɔ́ oo nyɛ maa hyɛ nɔ!’ E tsɔ mi ke ma ba kpɔ nihi nɛ a ngɛ mɛ yi mi wae ɔ,

Luka 6:20

Yesu plɛ e hɛ mi ngɔ kpee e kaseli ɔmɛ, nɛ e de mɛ ke, “A gbaa nyɛ, ohiatsɛmɛ, ejakaa nyɛ nɔ́ ji Mawu matsɛ yemi ɔ nɛ!

Yohane 16:33

I de nyɛ ní nɛ ɔmɛ, konɛ nyɛɛ kɛ mi nɛ hi si, konɛ nyɛ na he jɔmi. Benɛ nyɛ ngɛ je ɔ mi ɔ, haomi maa ba nyɛ nɔ; se nyɛ tsui nɛ nɔ nyɛ mi, ejakaa i ye je ɔ nɔ kunimi.”

Ni Tsumi 14:22

A wo nihi nɛ he ye ɔ he wami, konɛ a hemi kɛ yemi mi nɛ wa. A tsɔɔ mɛ hulɔ kaa, “E sa kaa waa gblee amanehlu babauu mi kɛ sɛ Mawu matsɛ yemi ɔ mi.”

Ni Tsumi 26:11

I ha nɛ a wa mɛ yi mi si abɔ ngɛ kpe he ɔmɛ tsuo; nɛ i bɔ mɔde kaa a ngmɛɛ a hemi kɛ yemi ɔ he. Ye hɛ dɔ wo mɛ, nɛ i tiu mɛ kɛ ya ma se zugbahi a nɔ tɔɔ ya wa mɛ yi mi.

Romabi 12:12

Akɛnɛ nyɛ ngɔ nyɛ hɛ ngɔ fɔ Mawu nɔ ɔ, nyɛ bua nɛ jɔ. Ke haomi ba a, nyɛɛ to nyɛ tsui si nɛ nyɛɛ hi sɔlee daa.

Romabi 2:17

Nyɛɛ lɛɛ kɛ nyɛ sane ngɛ kɛɛ? Nyɛ tsɛɔ nyɛ he Yuda bi, nɛ nyɛ daa mlaa a nɔ kɛ fĩaa kaa Mawu nihi ji nyɛ.

Romabi 5:3

Wa le kaa dengme nɛ wa ngɛ gboe ɔ be yaka pee. Pi enɛ ɔ kɛkɛ, se ke wa ngɛ nɔ́ nae po, wa naa bua jɔmi, ejakaa wa le kaa nɔ́ nami haa nɛ wa toɔ wa tsui si;

Romabi 8:35

Mɛnɔ ma gba wɔ kɛ maa je suɔmi nɛ Kristo ngɛ kɛ ha wɔ ɔ mi? Haomi loo, nɔ nami loo, yi mi wami loo, hwɔ loo, oslã loo, aloo klaate?

Romabi 9:6

I tsɔɔ we kaa Mawu siwo ɔ peeɔ yaka. Ejakaa pi Israel ma a tsuo ji Israel bi anɔkuale mi.

2 Korintobi 6:10

A naa wɔ kaa kɔmɔ yeli, se daa nɛ ɔ, wa bua jɔ; wa ngɛ kaa ohiatsɛmɛ, se wa haa nɛ nihi babauu peeɔ niatsɛmɛ; wa ngɛ kaa dɛgutsɛmɛ, se wa ngɛ nɔ́ tsuaa nɔ́.

2 Korintobi 8:2

Wa nyɛmimɛ ɔmɛ nɛ ngɛ Makedonia nɛ heɔ Kristo yeɔ ɔ ba na amanehlu wawɛɛ; se be tsuaa be ɔ, a bua jɔ. Jehanɛ hu, nɔ́ ko be a dɛ, se kɛ̃ ɔ, a ha nɔ́ faa kɛ je a tsui mi.

2 Korintobi 8:9

Nyɛ le suɔmi agbo nɛ wa Nyɔmtsɛ Yesu Kristo ngɛ kɛ ha wɔ. Niatsɛ mi niatsɛ ji lɛ. Se nyɛ he ɔ, e pee e he ohiatsɛ, konɛ nyɛɛ lɛɛ nyɛɛ pee niatsɛmɛ.

1 Tesalonikabi 3:4

Benɛ waa kɛ nyɛ ngɛ ɔ, wa de nyɛ ngɔ to kaa wa maa na amanehlu. Nɛ kaa bɔ nɛ nyɛ le ɔ, lɔ ɔ pɛ lɛ ba mi nɛ ɔ nɛ.

1 Timoteo 1:13

E ngɛ mi kaa sa a, i tu musu bɔmi munyuhi kɛ si Mawu; i wa lɛ yi mi, nɛ i pee níhi basabasa. Se Mawu na mi mɔbɔ, ejakaa jamɛ a be ɔ, i he we yi lolo; nɛ nɔ́ nɛ i ngɛ pee ɔ hu i li.

1 Timoteo 6:18

A ko pee kpɛle, se a bɔle nine ha nɔ tsuaa nɔ.

Kpojemi 1:9

Imi nyɛ nyɛmi Yohane lɛ i ngma womi nɛ ɔ. Kaa Kristo se nyɛɛlɔ ɔ, a ngɛ mi yi mi wae kaa nyɛ nɔuu. I kɛ nyɛ tsuo nɛ wa ngɛ Kristo matsɛ yemi ɔ blɔ hyɛe, nɛ e sa kaa waa to wa tsui si ngɛ amanehlu nɛ wa ngɛ nae ɔ mi. A ngɔ mi ya fɔ Patmo zugba kpɔ nɛ wo bɔle lɛ ɔ nɔ, ejakaa i fiɛ Mawu munyu ɔ, nɛ i ye Yesu he odase.

Kpojemi 2:13

I le o hi he ɔ kaa Abosiami matsɛ sɛ ɔ ngɛ lejɛ ɔ. Se o pɛtɛ ye biɛ he. Nɛ benɛ a gbe Antipa tete po ɔ, hemi kɛ yemi nɛ o ngɛ ngɛ ye mi ɔ, o ngmɛɛ we he. Niinɛ, Antipa ye ye he odase nɛ e ye mi anɔkuale. Nɛ sane kpakpa a nɛ e ngɛ fiɛe ɔ he je ɔ, a gbe lɛ ngɛ nyɛ kpɛti ngɛ he nɛ Abosiami ngɛ ɔ.

Kpojemi 2:2

I le ní nɛ o tsuɔ, dengme nɛ o gboɔ, kɛ bɔ nɛ o toɔ o tsui si. I le hu kaa o ha we yayami peeli hɛ mi. Nihi nɛ tsɛɔ a he bɔfohi, se pi bɔfohi ji mɛ ɔ, bɔ nɛ o ka mɛ, nɛ o na kaa lakpatsɛmɛ ji mɛ ɔ, i le lɛ tsuo pɛpɛɛpɛ.

Kpojemi 2:24

“Se nyɛ ni nɛmɛ nɛ piɛ ngɛ Tiatira a, nyɛɛ lɛɛ nyɛ ya nyɛɛ we tsɔɔmi nɛ ɔ se; nɔ́ nɛ ni kpa amɛ tsɛɔ Abosiami laami sanehi nɛ a mi kuɔ ɔ hu, nyɛ kase we. Nyɛɛ lɛɛ i ngɛ nyɛ dee ke, i hla we nɔ́ kpa ko ngɛ nyɛ dɛ

Kpojemi 3:9

Hyɛ! Ni ɔmɛ nɛ je Abosiami jali a kuu ɔ mi ɔ, lakpatsɛmɛ ɔmɛ nɛ deɔ ke Yuda bi ji mɛ, pohu e be mi ja a, nɔ́ nɛ ma pee mɛ ji nɛ ɔ nɛ. Ma ha nɛ a maa ba nɛ a ma ba kpla si ngɛ o nane nya. Nɛ mɛ tsuo a ma na le kaa i suɔ mo.

Kpojemi 7:14

I de lɛ ke, “Ye Nyɔmtsɛ, i li; mo lɛ o le!” E de mi ke, “Haomi kpetekpleenyɛ ɔ, nimli nɛ ɔmɛ ji ni nɛmɛ nɛ gblee mi kɛ be slɔkee. A fɔ a tade ɔmɛ a he, nɛ a ha nɛ a hiɛ futaa ngɛ To bi ɔ muɔ ɔ mi.