Kpojemi 2:20 - BAIBLO ALOO NGMAMI KLƆUKLƆU Ɔ

²⁰ Se kɛ̃ ɔ, i kɛ mo ngɛ sane. O ngmɛ blɔ nɛ Yezebel, jamɛ a yo ɔ nɛ tsɛɔ e he gbalɔ ɔ ngɛ ye ma a ní tsɔɔe. E kɛ tsɔɔmi nɛ ɔ sisi mɛ, nɛ a ya ngɛ yo kɛ nyumu yakayaka fiɛmi fiɛe; nɛ a ngɛ wɔ nya ní hu yee.

Somi He Ɔ

²⁰ Se kɛ ɔ, i kɛ mo ngɛ sane ko, kaa o ngmɛ yo Yesabel nɛ tsɛɛ e he gbalɔ ɔ blɔ, nɛ e tsɔɔ ye sɔmɔli ɔmɛ ni, nɛ e mlɔɔ mɛ, nɛ a bɔ ajuama, nɛ a ye ni nɛ a kɛ sa bɔ ha wɔhi.

Kpojemi 2:20 ပူးပေါင်းရင်းမြစ်များ

Matsɛmɛ I, 16:31

E pi ha Ahab kaa e maa pee yayami kaa bɔ nɛ Yeroboam pee ɔ kɛkɛ, se e ya nɔ pee yayami kɛ be nɔ. E ya ngɔ Sidon matsɛ, Etbaal biyo Yezebel, nɛ e ya ja Baal.

Matsɛmɛ I, 17:13

Se Eliya de lɛ ke, “Koo ye tsui! Yaa nɛ o ya pee kaa bɔ nɛ o de ɔ. Ngɔɔ mamu ɔ eko kɛ pee abolo nɛ o ngɔ kɛ ba ha mi kekle; lɔ ɔ se loko o pee o kɛ o binyumu ɔ nyɛ nɔ́.

Matsɛmɛ I, 17:4

O maa nu pa a mi nyu, nɛ niye ní nɛ kuakualabitehi kɛ maa ba a, o maa ye; ejakaa i fa mɛ ke a ngɔ niye ní ba ha mo ngɛ lejɛ ɔ.”

Matsɛmɛ II, 9:22

Benɛ Yoram na Yehu ɔ, e bi lɛ ke, “Yehu, o ba kɛ tue mi jɔmi lo?” Yehu he nɔ ke, “Tue mi jɔmi? Yayami babauu nɛ o nyɛ Yezebel pee, nyuami kɛ amaga jami nɛ ɔmɛ a se ɔ, mɛni tue mi jɔmi ma pa hi si?”

Matsɛmɛ II, 9:7

O ma kpata o nyɔmtsɛ Ahab we ɔ hɛ mi; nɛ i kɛ nɔ́ nɛ ɔ maa ye ye tsɔli gbali ɔmɛ, kɛ imi Yawɛ, ye tsɔli kpa amɛ tsuo a muɔ nɛ Yezebel pue si ɔ he lue.

Mose II, 34:15

O kɛ nihi nɛ ngɛ zugba a nɔ ɔ kó so somi ko. Ke pi ja a, ke a ngɛ a mawu ɔmɛ jae nɛ a ngɛ bɔ sãe kɛ ngɛ mɛ hae ɔ, a ti nɔ ko kɛ̃ ma tsɛ mo ní yemi, nɛ o ma ya ye ní nɛ a kɛ sã bɔ ha a mawu ɔmɛ ɔ eko.

Ezekiel 13:17

Yawɛ ke, “Jehanɛ, nɔmlɔ adesa, gbaa kɛ si o ma a mi yi ɔmɛ nɛ toɔ a yi mi kɛ deɔ nɔ́ nɛ mɛ nitsɛmɛ a suɔ ke a ngɛ gbae ɔ.

Ni Tsumi 15:20

Mohu ɔ, waa ngma mɛ womi ke a ko ye niye ní nɛ he tsɔ we, a ko ye wɔ nya lo, a hyɛ a he nɔ saminya, nɛ a ko fiɛ nyumu kɛ yo yakayaka fiɛmi. A nyɛ lohwehi nɛ a kika a kuɛ kɛ gbe mɛ, nɛ a ko ye lo nɛ muɔ ngɛ mi kɛ mwɔɔ.

Ni Tsumi 15:29

Nyɛɛ nyɛ wɔ nya lo; nyɛ ko ye lo nɛ muɔ ngɛ mi kɛ mwɔɔ, loo lohwe nɛ a kika e kuɛ; nɛ nyɛɛ hyɛ nyɛ he nɔ saminya, nɛ nyɛ ko fiɛ nyumu kɛ yo kayakaya fiɛmi. Nyɛɛ bɔ mɔde nɛ nyɛɛ yu nyɛ he kɛ je ní nɛ ɔmɛ a he. Nyɛɛ hi si saminya.”

1 Korintobi 10:28

Se ke nɔ ko de nyɛ ke, “Niye ní nɛ ɔ, a kɛ sã bɔ ha amaga” a, lɔ ɔ lɛɛ nyɛ ko ye. Pi nyɛ nitsɛmɛ, loo nyɛ he nile he je nɛ i ngɛ nyɛ enɛ ɔ dee, se nɔ kpa a nɛ de nyɛ lo ɔ he sane ɔ, lɛ mohu e he nile he je.

Kpojemi 2:14

Se kɛ̃ ɔ, i kɛ mo ngɛ sane bɔɔ ko. Ni komɛ ngɛ nyɛ kpɛti nɛ ya wo Balaam tsɔɔmi ɔ. Balam lɛ tsɔɔ Balak kaa e tsɔ Israel bi ɔmɛ klama nɛ a ye wɔ nya lo, nɛ a fiɛ yo kɛ nyumu yakayaka fiɛmi.

Kpojemi 2:4

Se kɛ̃ ɔ, i kɛ mo ngɛ sane ko. O sume mi hu kaa bɔ nɛ o suɔ mi sa a.