Kpojemi 2:1 - BAIBLO ALOO NGMAMI KLƆUKLƆU Ɔ

¹ Nɛ e de ke, “Bɔfo ɔ nɛ ngɛ Efeso asafo ɔ nya a, ngmaa womi nɛ ɔ ya ha lɛ ke, “Nɔ nɛ hɛɛ dodoe kpaago ɔmɛ ngɛ e hiɔ nine mi, nɛ e ngɛ nyɛɛe ngɛ sika tsu kane tso kpaago ɔmɛ a kpɛti ɔ, sɛ gbi nɛ je e ngɔ ji nɛ ɔ nɛ.

Somi He Ɔ

¹ “Ngmaa ya ha Efeso asafo ɔ bɔfo ɔ, ke: “Nihi nɛ nɔ nɛ hɛɛ dodoehi kpaago ɔ ngɛ e hiɛ ɔ nine mi nɛ e nyɛɛ sika kane tso kpaago ɔmɛ a kpɛti ɔ de ji nɛ ɔ nɛ:

Kpojemi 2:1 ပူးပေါင်းရင်းမြစ်များ

Ezekiel 46:10

Ke ma a ma ja Yawɛ ɔ, ganɔ ɔ kɛ mɛ nɛ ba; ke a maa kpale kɛ ya a, e kɛ mɛ nɛ ho.

Mateo 18:20

Ejakaa he nɛ ni enyɔ, loo ni etɛ bua a he nya ngɛ ngɛ ye biɛ mi ɔ, i ngɛ a kpɛti ngɛ lejɛ ɔ.”

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Yohane 5:35

Yohane ba kaa la nɛ ngɛ tsoe, nɛ ngɛ kpɛe ha nyɛ. Se be bɔɔ pɛ nɛ nyɛ ná e he bua jɔmi.

Ni Tsumi 18:19

Benɛ a ba su Efeso ɔ, Paulo si Priskila kɛ Akuila ngɛ lejɛ ɔ; se loko e je ɔ, lɛ nitsɛ lɛɛ e ya kpe he ɔ, nɛ e kɛ Yuda bi ɔmɛ ya hla ní a nya.

Ni Tsumi 18:21

Benɛ a ngɛ sɛ yee ɔ, e de mɛ ke, “Ke Mawu suɔ ɔ, ma kpale kɛ ba nyɛ ngɔ ekohu.” Kɛkɛ nɛ e wó lɛ, nɛ e je Efeso.

Ni Tsumi 19:1

Benɛ Apolo ngɛ Korinto ɔ, Paulo ya kpa ni ɔmɛ a nɔ kɛ ba su Efeso. E ba na nihi nɛ he Yesu ye ɔ a ti ni komɛ ngɛ lejɛ ɔ,

2 Korintobi 6:16

Mɛni kake peemi ngɛ Mawu sɔlemi we ɔ kɛ amagahi a kpɛti? Ejakaa wɔɔ lɛɛ Mawu hɛ kalɔ ɔ sɔlemi we ji wɔ! Mawu de ke, “I kɛ ye ma a maa hi si; ma pee a Mawu, nɛ mɛ hu a maa pee ye ma.”

Kpojemi 1:16

E hɛɛ dodoe kpaago ngɛ e hiɔ nine mi, nɛ klaate nya enyɔtsɛ nɛ nya ba ngɛ e nya mi, nɛ e hɛ mi ngɛ kpɛe kaa piani pu.

Kpojemi 1:20

Dodoe kpaago ɔmɛ nɛ o na ngɛ ye hiɔ nine mi, kɛ sika tsu kane tso kpaago ɔmɛ ɔ, laami sane nɛ kɔɔ a he ji nɛ ɔ nɛ: dodoe kpaago ɔmɛ daa si ha asafo kpaago ɔmɛ a bɔfohi, nɛ kane tso kpaago ɔmɛ daa si ha asafo kpaago ɔmɛ.”

Kpojemi 12:1

Enɛ ɔ se ɔ, nyakpɛ okadi nguaa ko je kpo ngɛ hiɔwe. I na yo ko; tade nɛ e wo ji pu. Nɛ nyɔhiɔ ngɛ e nane si, nɛ jlasi kɛ e mi dodoe nyɔngma kɛ enyɔ fi e yi.

Kpojemi 2:12

“Bɔfo ɔ nɛ ngɛ asafo ɔ nya ngɛ Pergamo ɔ, ngmaa womi nɛ ɔ ya ha lɛ ke, “Sɛ gbi nɛ je nɔ nɛ ngɛ klaate nya enyɔtsɛ nɛ nya ba a ngɔ ji nɛ ɔ nɛ.

Kpojemi 2:18

“Bɔfo ɔ nɛ ngɛ asafo ɔ nya ngɛ Tiatira a, ngmaa womi nɛ ɔ ya ha lɛ ke, “Mawu Bi ɔ, nɔ nɛ e hɛngmɛ ngɛ kpɛe kaa la, nɛ e nane hu ngɛ kpɛe kaa ayawa nɛ a tsu he ɔ, sɛ gbi nɛ je e ngɔ ji nɛ ɔ nɛ.

Kpojemi 2:8

Nɛ e de ke, “Bɔfo ɔ nɛ ngɛ asafo ɔ nya ngɛ Smirna a, ngmaa womi nɛ ɔ ya ha lɛ ke, “Sɛ gbi nɛ je nɔ nɛ ji kekleekle no kɛ nyagbe no ɔ ngɔ ji nɛ ɔ nɛ; e gbo, nɛ e kpale ba wami mi ekohu.

Kpojemi 3:1

“Bɔfo ɔ nɛ ngɛ asafo ɔ nya ngɛ Sarde ɔ, ngmaa womi nɛ ɔ ya ha lɛ ke, “Nɔ nɛ yeɔ Mawu mumi kpaago ɔmɛ a nɔ, nɛ e hɛɛ dodoe kpaago ɔmɛ ɔ, sɛ gbi nɛ je e ngɔ ji nɛ ɔ nɛ. I le ní nɛ o ngɛ tsue ɔ. I le kaa o he biɛ kaa nɔ nɛ hɛ ngɛ, pohu o gbo.

Kpojemi 3:14

Bɔfo ɔ nɛ ngɛ asafo ɔ nya ngɛ Laodikea a, ngmaa womi nɛ ɔ ya ha lɛ ke, “Sɛ gbi nɛ je Amen, odase ɔ nɛ yeɔ anɔkuale ɔ ngɔ ji nɛ ɔ nɛ. Lɛ ji níhi tsuo nɛ Mawu bɔ ɔ sisije.

Kpojemi 3:7

“Bɔfo ɔ nɛ ngɛ asafo ɔ nya ngɛ Filadelfia a, ngmaa womi nɛ ɔ ya ha lɛ ke, “Sɛ gbi nɛ je nɔ klɔuklɔu nɛ yeɔ anɔkuale ɔ ngɔ ji nɛ ɔ nɛ. Lɛ nɛ e hɛɛ David safe ɔ nɛ. Ke e bli sinya a, nɔ ko nɔ ko be nyɛe ma nga; nɛ ke e nga a, nɔ ko nɔ ko be nyɛe ma bli.