Kpojemi 19:8 - BAIBLO ALOO NGMAMI KLƆUKLƆU Ɔ

⁸ Mawu ha lɛ tade nɛ a kɛ kploba ngmingmiingmi nɛ ngɛ kpɛe klaiklai pee.” Ní kpakpahi nɛ ni klɔuklɔu ɔmɛ peeɔ ɔ, lɔ ɔ ji kploba a nɛ.

Somi He Ɔ

⁸ Nɛ a hã lɛ kploba nɛ he tsɔ nɛ ngɛ kpee nylamnylam konɛ e bu.” (Ejakaa kploba ji klɔuklɔu bi ɔmɛ a ni tsumi kpakpa amɛ ɔ nɛ.)

Kpojemi 19:8 ပူးပေါင်းရင်းမြစ်များ

Yesaya 61:10

Yerusalem ngɛ nyae ngɛ nɔ́ nɛ Yawɛ Mawu pee ha lɛ ɔ he. Yerusalem pee kaa ayɛflo nɛ wo june, loo ayɛflo huno nɛ ngɔ mɔmɔ kɛ dla e he kɛ yaa yo kpeemi. Niinɛ, Mawu he Yerusalem yi wami, nɛ e ye kunimi ha lɛ.

Kpojemi 3:18

Lɔ ɔ he ɔ, i ngɛ mo ga woe nɛ o ba he sika tsu ngɛ ye dɛ; ee, ba he sika tsu ngmingmiingmi ngɛ ye dɛ, konɛ o na ní. He ní hiɔ hu nɛ o wo, nɛ a ko na kaa o hɛɛ o he gu, ejakaa e ngɛ zo. Jehanɛ, he tsopa nɛ o nga ngɔ pue o hɛngmɛ nɔ, konɛ o hyɛ nɔ́.

Romabi 13:14

Nyɛ ha Nyɔmtsɛ Yesu nɛ pee kaa tade nɛ nyɛ wo; nyɛ ko susu he lo nya níhi a he, ke pi ja a, e ma jlo nyɛ kaa nyɛ pee.

Marko 9:3

E tade ɔmɛ kpɛ nɛ a hiɛ futafuta bɔ nɛ níhi a he fɔlɔ ko be je nɛ ɔ mi nɛ ma nyɛ ha a hiɛ ja.

Mateo 22:12

Matsɛ ɔ bi lɛ ke, ‘Ye huɛ, kɛ o pee kɛɛ kɛ ba hiɛ ɔ nɛ o wui yo kpeemi tade ɔ?’ Se nyumu ɔ pɛ̃ e nya mi.

La 132:9

Ha nɛ o we osɔfo ɔmɛ nɛ a pee nɔ́ nɛ da be tsuaa be, nɛ o ni klɔuklɔu ɔmɛ nɛ a hwɔ lele!

Kpojemi 15:4

Nyɔmtsɛ, nihi tsuo maa wo o hɛ mi nyami! Nihi tsuo ma de ke o kle; ejakaa mo pɛ ji nɔ klɔuklɔu. Nihi tsuo nɛ ngɛ je ɔ mi ɔ maa ba nɛ a ma ba ja mo; ejakaa dami sane nɛ o ngɛ yee ɔ, nɔ tsuaa nɔ na paa!”

Ezekiel 16:10

Lɔ ɔ se ɔ, i ngɔ ní nɛ ɔmɛ kɛ dla o he ha mo: tade nɛ a lo ga níhi saminyayoo kɛ wo mi, tokota kpakpa, mlɛ mi fimi nɔ́, kploba falefale, kɛ sliiki bo.

Ni Tsumi 1:10

Benɛ e yaa nɛ a ngɛ hiɔwe hyɛe too kɛ mwɔɔ ɔ, tlukaa a, ne nyumuhi enyɔ nɛ wo tade hiɔ, nɛ daa si ngɛ a kasa nya.

Luka 24:4

Nɔ́ nɛ ɔ ha nɛ a pee yaa kɛ daa si. Tlukaa a, nyumuhi enyɔ nɛ wo tade nɛ ngɛ kpɛe klãiklãi ba da si ngɛ a kasa nya.

Romabi 3:22

Ke nɔ ko he Yesu Kristo ye kɛkɛ Mawu bu lɛ nɔ nɛ da. Nihi tsuo nɛ heɔ Kristo yeɔ ɔ, bɔ nɛ a peeɔ haa mɛ ji nɛ ɔ nɛ; slɔɔto ko kulaa be mi.

Mateo 17:2

Benɛ a ngɛ lɛ hyɛe ɔ, e nɔmlɔ tso su tsake; e hɛ mi ngɛ kpɛe kaa pu, nɛ e tade ɔmɛ hiɛ futaa.

Abɛ Womi 31:22

Lɛ nitsɛ e loɔ e sa nɔ bo; nɛ e buɔ kploba nɛ ngɛ fɛu, kɛ bo nɛ hɛɛ alamua tu su.

Ezekiel 44:17

Ke a maa ba Yawɛ we ɔ kpo nɔ je kue ɔmɛ a mi ɔ, a wo kploba tade. A ko wo kuutu nɔ́ ko kɛ ya sɔmɔ ngɛ kue ngua a nɛ ngɛ kpɛti ɔ mi; ye we ɔ nitsɛ mi hu, á pee ja kɛ.

Kpojemi 15:6

Bɔfo kpaago ɔmɛ nɛ hɛɛ haomi kpaago ɔmɛ ɔ je kpo kɛ je sɔlemi we ɔ. A wo tade nɛ a kɛ kploba ngmingmiingmi nɛ ngɛ kpɛe klaiklai pee; nɛ a ngɔ kpa nɛ a kɛ sika tsu pee kɛ fi a gugue.

Kpojemi 19:14

Hiɔwe ta buli ɔmɛ wo tade nɛ a kɛ kploba hiɔ ngmingmiingmi nɛ ngɛ kpɛe klaiklai kpɛ, nɛ a hi okpɔngɔ hiɔhi a nɔ kɛ nyɛɛ e se.

Yesaya 3:23

kploba heha ní ɔmɛ, mele duku ɔmɛ, yi duku ɔmɛ, kɛ hɛ mi hami nɔ́ gagaa amɛ tsuo ɔ, Nyɔmtsɛ ɔ ma je ngɛ a he.