Kpojemi 19:3 - BAIBLO ALOO NGMAMI KLƆUKLƆU Ɔ

³ Nɛ a kpa ngmlaa ekohu nɛ a de ke, “A je Mawu yi! La nɛ maa sã ma kpetekpleenyɛ ɔ be gboe gblegbleegble!”

Somi He Ɔ

³ Nɛ a kpa ngmlaa nɔ́ nɛ ji si enyɔ ke: “Haleluya! E lasuku ɔ tee si kɛ yaa neneene kɛ neneene.”

Kpojemi 19:3 ပူးပေါင်းရင်းမြစ်များ

Mose I, 19:28

E hyɛ Sodom kɛ Gomora, kɛ kɔ̃ ɔ mi tsuo, nɛ e na la su ku nɛ ngɛ zugba a jee kaa flɔɔnɔɔ nguaa ko mi la su ku.

La 104:35

Yayami peeli tsuo a hɛ mi nɛ kpata, konɛ yiwutsotsɛmɛ ko hi je ɔ mi hu. Ma je Yawɛ yi. Ee, nyɛ je Yawɛ yi.

Yesaya 34:10

E maa tso nyɔ kɛ pia, nɛ e be gboe. Zugba a nɔ maa je gu yi nɔhi babauu, nɛ nɔ ko nɔ ko be nɔ nyɛɛe hu.

Yuda 1:7

Nyɛ kai Sodom kɛ Gomora, kɛ mahi nɛ bɔle mɛ kɛ kpe ɔ. Ma nɛ ɔmɛ a mi bi ɔmɛ fiɛ yo kɛ nyumu yakayaka fiɛmi, nɛ a ya nyɛɛ akɔnɔ yayahi a se kaa bɔ nɛ jamɛ a bɔfo ɔmɛ pee ɔ nɔuu. Nimli nɛ ɔmɛ a tue gblami ji kaa a ngɔ mɛ ngɔ wo la nɛ gbo we mi, konɛ a pee okadi kɛ ha nihi tsuo.

Kpojemi 14:11

La a nɛ a ma pii mɛ ngɛ mi ɔ maa tso gegeege kɛ maa ya neneene. He jɔmi ko be ha nihi nɛ jaa lohwe awi yelɔ ɔ kɛ e we amaga a, loo ni nɛmɛ nɛ a kɛ e biɛ kadi mɛ ɔ; a maa na nɔ́ nyɔ kɛ pia tsuo.”

Kpojemi 18:18

Nɛ benɛ a sã ma a, nɛ a na la su ku nɛ je ɔ, a kpa ngmlaa, nɛ a de ke, “Ma ko ma ko be nɛ kle kaa ma kpetekpleenyɛ nɛ ɔ!”

Kpojemi 18:9

Je nɛ ɔ mi matsɛmɛ ɔmɛ nɛ a kɛ Babilon bɔ ajuama, nɛ a fiɛ a yi nɔ ɔ, ke be nɛ a sã ma a, nɛ a na la su ku nɛ ngɛ jee ɔ, a maa wo yana, nɛ a ma nya awe ha ma a.

Kpojemi 19:1

Enɛ ɔ se ɔ, i nu nɛ nɔ́ ko ngɛ pɛe ngɛ hiɔwe boboobo kaa nihi babauu a gbi ke, “A je Mawu yi! Mawu ji wa yi wami helɔ! E je agbo, nɛ e ngɛ he wami!

Kpojemi 19:4

Kɛkɛ nɛ nikɔtɔma nyingmi enyɔ kɛ eywiɛ ɔmɛ, kɛ hɛ kali eywiɛ ɔmɛ ngɔ a hɛ mi ngɔ bu si nɛ a ja Mawu nɛ hii si ngɛ e matsɛ sɛ ɔ nɔ ɔ, nɛ a de ke, “Amen! A je Mawu yi!”