Kpojemi 19:18 - BAIBLO ALOO NGMAMI KLƆUKLƆU Ɔ

¹⁸ Nyɛɛ ba nɛ nyɛ ba ye matsɛmɛ, asafoatsɛmɛ, ta buli, kɛ okpɔngɔhi kɛ a nɔ hili a lo. Nyɛɛ ba nɛ nyɛ ba ye nimli tsuo a lo, nyɔguɛ, kɛ odehe, nimli wawi, kɛ nimli nguahi!”

Somi He Ɔ

¹⁸ konɛ nyɛ ba ye matsɛmɛ a lo kɛ asafoatsɛmɛ a lo kɛ he wali a lo kɛ okpɔngɔhi a lo kɛ nihi nɛ hii a nɔ ɔmɛ a lo kɛ odehehi kɛ nyɔguɛhi kɛ nimli tsɔwi kɛ nimli nguahi kulaa a lo.”

Kpojemi 19:18 ပူးပေါင်းရင်းမြစ်များ

Kpojemi 6:15

Kɛkɛ nɛ je nɛ ɔ mi matsɛmɛ ɔmɛ, nɔ yeli ɔmɛ, asafoatsɛmɛ ɔmɛ, niatsɛmɛ, nihi nɛ hɛɛ biɛ, odehehi, nyɔguɛhi, kɛ nɔ tsuaa nɔ ya laa a he ngɛ tɛ puɔhi a mi, kɛ tɛ sahi a sisi ngɛ yo ɔmɛ a nɔ.

Yeremia 34:20

Ma je mɛ kɛ wo a he nyɛli, kɛ ni nɛmɛ nɛ ngɛ mɛ hlae nɛ a gbe ɔ, a dɛ mi. A gbogboe ɔmɛ maa pee lohwe pɛlitsɛmɛ, kɛ pu mi lohwehi a niye ní.

Yeremia 19:7

Ma ha nɛ yi mi nɛ Yuda ma a, kɛ Yerusalem ma mi bi ɔmɛ to ɔ maa pee yaka ngɛ hiɛmɛ nɛ ɔ. Ma ha a he nyɛli maa ye a nɔ ngɛ ta mi, nɛ a maa gbe mɛ; nɛ ma ngɔ a gbogboe ɔmɛ kɛ ha lohwe pɛlitsɛmɛ, kɛ pu mi lohwehi nɛ a ye.

Yeremia 16:4

Hiɔ yaya maa gbe mɛ. Nɔ ko be kɔmɔ yee ha mɛ, nɛ nɔ ko be mɛ pue hulɔ; a gbogboe ɔmɛ maa pee kaa kuku ngɛ zugba. Ni komɛ maa nɔ ta, nɛ hwɔ hu maa gbe ni komɛ, nɛ a nɔmlɔ tso ɔmɛ ma plɛ pee niye ní ha lohwe pɛlitsɛmɛ, kɛ pu mi lohwehi.

Yeremia 7:33

Ni gbogboe ɔmɛ maa pee lohwe pɛlitsɛmɛ, kɛ nga mi lohwehi a niye ní, nɛ nɔ ko nɔ ko be mɛ fiee.

Samuel I, 17:46

Mwɔnɛ ligbi nɛ ɔ, Yawɛ ma je mo ngɔ wo ye dɛ mi; ma gbe mo, nɛ ma po o yi. Nɛ ma ngɔ Filisti ta buli ɔmɛ a gbogboehi kɛ ha lohwe pɛlitsɛmɛ, kɛ pu mi lohwehi nɛ a ye. Nɛ je ɔ tsuo maa le kaa Mawu ko ngɛ Israel,

Samuel I, 17:44

nɛ e de lɛ ke, “Ba hiɛ ɔ, nɛ ma ngɔ o he lo ɔ ngɔ ha lohwe pɛlitsɛmɛ, kɛ pu mi lohwehi.”

Mose V, 28:26

Ke nyɛ gbo ɔ, lohwe pɛlitsɛmɛ ma ba ye nyɛ, nɛ a be nɔ ko nae nɛ maa fie mɛ ngɛ nyɛ gbogboe ɔ he.

Kpojemi 13:16

Jehanɛ se hu, lohwe awi yelɔ enyɔne ɔ nyɛ ni ɔmɛ tsuo a nɔ, nimli wawihi kɛ nimli nguahi, niatsɛmɛ kɛ ohiatsɛmɛ, odehehi kɛ nyɔguɛhi tsuo; nɛ a kadi a hiɔ nine, loo a hɛ nya.

Luka 17:37

Kaseli ɔmɛ bi lɛ ke, “Nyɔmtsɛ, jije?” Yesu he nɔ ke, “He nɛ nɔ́ gbogboe fɔɔ si ngɛ ɔ, lejɛ ɔ okpokuhi ma bua a he nya ngɛ.”

Mateo 24:28

“He tsuaa he nɛ gbogboe fɔɔ si ngɛ ɔ, lejɛ ɔ okpokuhi ma bua a he nya ngɛ.

Ezekiel 29:5

Ma sake mo, kɛ lo ɔmɛ tsuo ngɔ fɔ nga a nɔ. O ma ya nɔ si, nɛ o ma gbo kɛ fɔ lejɛ ɔ. A be mo pue; ma ha lohwe awi yeli, kɛ lohwe pɛlitsɛmɛ mohu maa ye mo.

Ezekiel 39:17

Nyɔmtsɛ Yawɛ de mi ke, “Nɔmlɔ adesa, tsɛ lohwe pɛlitsɛmɛ ɔmɛ, kɛ lohwe nane eywiɛɛywiɛtsɛmɛ ɔmɛ kɛ je he tsuaa he nɛ a ngɛ ɔ kɛ ba nɛ a ba ye ní. Ma sã bɔ nguaa ko ngɛ Israel yo ɔmɛ a nɔ ha mɛ, konɛ a ye lo, nɛ a nu muɔ.

Kpojemi 11:18

Je ma amɛ a mi mi fu mo, se jehanɛ ɔ, be su nɛ mo hu o mi mi ma fu mɛ. Be su nɛ o maa kojo nihi tsuo nɛ gbo ɔ, nɛ o tsɔli nɛ ji gbali ɔmɛ, ni klɔuklɔu ɔmɛ, kɛ nimli wawihi kɛ nimli nguahi tsuo nɛ yee mo gbeye ɔ, be su nɛ o maa wo mɛ hiɔ. Nihi nɛ kpataa zugba a hɛ mi ɔ, be su nɛ o ma kpata mɛ hu a hɛ mi.”

Kpojemi 17:16

Koli nyɔngma amɛ nɛ o na a, kɛ lohwe awi yelɔ ɔ maa te si ngɔ wo yo ajuama a; a maa ngɔ e níhi tsuo nɛ e ngɛ ɔ, nɛ e maa hɛɛ e he gu. A maa ye e he lo ɔ, nɛ a kɛ la ma kpata e hɛ mi pɛsɛpɛsɛ.

Kpojemi 19:5

Enɛ ɔ se ɔ, gbi ko pɛ kɛ je matsɛ sɛ ɔ he, nɛ e de ke, “Nyɛ je wa Mawu ɔ yi, nyɛ e tsɔli tsuo! Nyɛ nihi nɛ nyɛ yeɔ lɛ gbeye, nimli wawi, kɛ nimli nguahi tsuo, nyɛ je e yi!”