Kpojemi 19:17 - BAIBLO ALOO NGMAMI KLƆUKLƆU Ɔ

¹⁷ Jehanɛ ɔ, i na bɔfo ko nɛ daa si ngɛ pu ɔ nɔ. E kpa ngmlaa wawɛɛ, nɛ e tsɛ lohwe pɛlitsɛmɛ tsuo nɛ teɔ ngɛ kɔɔhiɔ mi ɔ, nɛ e de mɛ ke, “Nyɛɛ ba nɛ nyɛ ba bua ngɛ Mawu we okplɔɔ nguaa a he!

Somi He Ɔ

¹⁷ Kɛkɛ nɛ i na hiɔwe bɔfo ko nɛ daa si ngɛ pu mi, nɛ e kpa ngmlaa wawɛɛ kɛ de lohwe pɛlitsɛmɛ nɛ ngɛ tee ngɛ hiɔwe ɔ tsuo ke: “Nyɛɛ ba nɛ nyɛ ba bua nyɛ he nya ngɛ Mawu okplɔɔ ngua a he,

Kpojemi 19:17 ပူးပေါင်းရင်းမြစ်များ

Yesaya 29:2

ma nɛ a tsɛɛ “Mawu bɔ sami la tɛ ɔ”, Mawu ma ha e maa na amanehlu. Ma mi bi ɔmɛ maa ye kɔmɔ, nɛ a maa wo yana. Ma a tsuo maa pee kaa bɔ sami la tɛ ko nɛ a kpa muɔ ngɔ pue nɔ.

Yesaya 56:9

Yawɛ de je ma amɛ nɛ je ma se ɔ ke á ba kaa lohwe dikali, nɛ a ba tsɔtslɔɔ e ma mi bi ɔmɛ a mi.

Yeremia 12:9

Ma nɛ i je blɔ hla a, a ngɛ kaa lohwe pɛlitsɛmɛ nɛ kayohi ba tua kɛ je he slɔɔtohi. Nyɛ yá kpee pu mi lohwehi tsuo kɛ ba, nɛ a kɛ mɛ ba tsɔtslɔɔ e mi.

Ezekiel 31:13

Lohwe pɛlitsɛmɛ ma ba ma tso nɛ a hɛ ngɔ fɔ si ɔ nɔ, nɛ pu mi lohwehi ma ba hi e kɔni ɔmɛ a nɔ.

Kpojemi 14:6

Jehanɛ ɔ, i na bɔfo kpa nɛ te ngɛ hiɔwe lokoo kɛ bee. E hɛɛ sɛ gbi ko nɛ ngɛ kɛ yaa neneene. Sɛ gbi ɔ kɔɔ sane kpakpa a he, nɛ e yaa nɛ e ya fiɛ sɛ gbi nɛ ɔ ha nihi tsuo nɛ ngɛ je ɔ mi, mahi kɛ wɛtsohi, kɛ gbihi kɛ nimli tsuo.

Kpojemi 19:21

A kɛ klaate nɛ ngɛ nɔ nɛ hii si ngɛ okpɔngɔ ɔ nɔ nya mi ɔ gbe a ta buli ɔmɛ tsuo. Nɛ lohwe pɛlitsɛmɛ ɔmɛ tsuo ye a lo ɔ bɔ nɛ a ma nyɛ.

Kpojemi 8:13

Kɛkɛ nɛ i hyɛ, nɛ i nu kɔle ko he nɛ te kɛ bee ngɛ hiɔwe lokoo. Kɔle ɔ ngɛ munyu tue kɛ gbi wawɛɛ ke, “Musu oo musu! Musu oo musu! Nihi tsuo nɛ maa hi je ɔ mi be mi nɛ bɔfo etɛ ɔmɛ ma kpa titimati ɔmɛ nɛ piɛ ɔ, musu tloo mɛ!”

Samuel I, 17:44

nɛ e de lɛ ke, “Ba hiɛ ɔ, nɛ ma ngɔ o he lo ɔ ngɔ ha lohwe pɛlitsɛmɛ, kɛ pu mi lohwehi.”