Kpojemi 19:11 - BAIBLO ALOO NGMAMI KLƆUKLƆU Ɔ

¹¹ Jehanɛ ɔ, i na nɛ a bli hiɔwe nya, kɛkɛ nɛ ma hyɛ ɔ, okpɔngɔ hiɔ ko ji nɛ. Nɔ nɛ hii si ngɛ nɔ ɔ biɛ ji Anɔkualetsɛ kɛ Dalɔ; dami nya e kojoɔ, nɛ e hwuɔ ta.

Somi He Ɔ

¹¹ Kɛkɛ nɛ i na nɛ a bli hiɔwe nya, nɛ oʼɛ, okpɔngɔ hiɔ, nɛ nɔ nɛ hii si ngɛ nɔ ɔ, a tsɛɛ lɛ ke: Anɔkualetsɛ kɛ Dalɔ; dami nya e kojo ɔ nɛ e hwuɔ ta ngɛ.

Kpojemi 19:11 ပူးပေါင်းရင်းမြစ်များ

La 50:6

Hiɔwe tsuo ngɛ dee ke Mawu ɔ, dalɔ kɛ kojolɔ ji lɛ.

La 96:13

ngɛ Yawɛ hɛ mi, ejakaa e ma! Ee, Yawɛ ma nɛ e ba kojo je ɔ. Yawɛ maa kojo je ɔ ngɛ dami kɛ anɔkuale nya.

La 98:9

ejakaa e ma nɛ e ba kojo je ɔ. Yawɛ maa kojo je ɔ ngɛ dami, kɛ anɔkuale nya.

La 99:4

Matsɛ kpetekpleenyɛ, mo nɛ o suɔ nɔ́ nɛ da! O to anɔkuale, kɛ dami sane yemi si ngɛ Israel.

Mose II, 15:3

Yawɛ ɔ, tatsɛ ji lɛ; e biɛ ji Yawɛ.

Yesaya 32:1

Be ma nɛ matsɛ ko ma ba ye tsɛ. E maa ye ma a nɔ saminya, nɛ e ganɔ ɔmɛ tsuo maa ye dami sane.

Yesaya 45:21

Nyɛɛ kɛ nyɛ sane ɔ nɛ ba nɛ waa hyɛ mi. Nihi nɛ ma je a sane ɔ nya a, nyɛ ha nɛ a ya kpe yi! Nyɛ mawu ɔmɛ a kpɛti mɛnɔ nyɛ́ de nɔ́ ko kɛ to blema lokoo? Nɔ ko nɔ ko be. Anɛ pi imi Yawɛ lo? Anɛ pi imi Mawu nɛ da, nɛ heɔ e ma a yi wami ɔ lo? Ye se ɔ, Mawu kpa ko be hu.

Yeremia 33:15

Jamɛ a be ɔ mi ɔ, ma hla dalɔ ko kɛ je David nina a a kpɛti nɛ e ye matsɛ. Matsɛ nɛ ɔ maa ye dami sane, nɛ e maa pee nɔ́ nɛ da ngɛ zugba a nɔ tsuo.

Ezekiel 1:1

Jeha nyingmi etɛne ɔ we nyɔhiɔ eywiɛne ɔ we ligbi enuɔne ɔ, imi osɔfo Ezekiel, Buzi bi ɔ, i kɛ Yuda bi ɔmɛ nɛ a nuu kɛ ho ma se ya a, wa ngɛ Kebar pa a nya ngɛ Babilonia. Hiɔwe nya bli, nɛ i na Mawu he ninahi.

Zakaria 1:8

Nyɔ mi ɔ, i na Yawɛ bɔfo ko ngɛ okpɔngɔ tsutsuu ko nɔ. E ha e we okpɔngɔ ɔ da si ngɛ mɔmɔ tso komɛ a kpɛti ngɛ kɔ̃ ko mi. Okpɔngɔ kpahi daa si ngɛ a se, okpɔngɔ tsutsuuhi, okpɔngɔ futaahi, kɛ ekomɛ nɛ hɛɛ kɔbɛi su.

Yohane 1:51

Nyagbe ɔ, e de mɛ ke, “I ngɛ nyɛ dee anɔkuale mi ke hiɔwe nya ma bli, nɛ nyɛ maa na Mawu bɔfo ɔmɛ nɛ a ngɛ kuɔe kɛ ngɛ imi Nɔmlɔ Bi ɔ ye ngɔ bae, nɛ a ngɛ kpalee kɛ ngɛ yae.”

Yohane 14:6

Yesu he nɔ ke, “Imi ji blɔ ɔ, imi ji anɔkuale ɔ, nɛ imi ji wami ɔ hulɔ. Nɔ ko nɔ ko yɛ Tsɛ ɔ ngɔ kaa ja e gu ye nɔ.

Kpojemi 1:5

kɛ Yesu Kristo nɛ yeɔ anɔkuale odase ɔ, nɛ lɛ ji kekleekle nɔ nɛ Mawu tle si kɛ je gbeje, nɛ lɛ nɛ e yeɔ zugba a nɔ matsɛmɛ ɔmɛ a nɔ ɔ nɛ dloo nyɛ, nɛ e ha nyɛ he jɔmi ja nɔuu. Nɔ nɛ suɔ wɔ, nɛ e kɛ lɛ nitsɛ e muɔ kpɔ wɔ kɛ je wa he yayami ɔmɛ a mi, nɛ

Kpojemi 11:19

Mawu sɔlemi we ɔ nɛ ngɛ hiɔwe ɔ nya bli, nɛ a na e somi daka a nɛ fɔɔ si ngɛ lejɛ ɔ. Kɛkɛ nɛ oslabai gba; hiɔwe si, zugba mimiɛ, nɛ gbiɛ ngo ngu agboagbo nɛ pue zugba a nɔ.

Kpojemi 19:19

Enɛ ɔ se ɔ, i na lohwe awi yelɔ ɔ, kɛ je nɛ ɔ mi matsɛmɛ ɔmɛ, kɛ a tabo ɔmɛ nɛ a bua a he nya, konɛ a gba ta ngɔ wo nɔ nɛ hii si ngɛ okpɔngɔ ɔ nɔ ɔ, kɛ lɛ hu e tabo ɔ.

Kpojemi 19:21

A kɛ klaate nɛ ngɛ nɔ nɛ hii si ngɛ okpɔngɔ ɔ nɔ nya mi ɔ gbe a ta buli ɔmɛ tsuo. Nɛ lohwe pɛlitsɛmɛ ɔmɛ tsuo ye a lo ɔ bɔ nɛ a ma nyɛ.

Kpojemi 3:14

Bɔfo ɔ nɛ ngɛ asafo ɔ nya ngɛ Laodikea a, ngmaa womi nɛ ɔ ya ha lɛ ke, “Sɛ gbi nɛ je Amen, odase ɔ nɛ yeɔ anɔkuale ɔ ngɔ ji nɛ ɔ nɛ. Lɛ ji níhi tsuo nɛ Mawu bɔ ɔ sisije.

Kpojemi 3:7

“Bɔfo ɔ nɛ ngɛ asafo ɔ nya ngɛ Filadelfia a, ngmaa womi nɛ ɔ ya ha lɛ ke, “Sɛ gbi nɛ je nɔ klɔuklɔu nɛ yeɔ anɔkuale ɔ ngɔ ji nɛ ɔ nɛ. Lɛ nɛ e hɛɛ David safe ɔ nɛ. Ke e bli sinya a, nɔ ko nɔ ko be nyɛe ma nga; nɛ ke e nga a, nɔ ko nɔ ko be nyɛe ma bli.

Kpojemi 4:1

Enɛ ɔ se ɔ, i na nina kpa. I na nɛ a bli sinya ko ngɔ fɔ si ngɛ hiɔwe. Nɛ gbi ɔ nɛ i nu nɛ pɛ kaa titimati, nɛ e kɛ mi ba tu munyu be ko ɔ de ke, “Ba hiɛ ɔ nɛ ma tsɔɔ mo níhi nɛ maa ba mi be kpiti mi.”

Kpojemi 6:2

Benɛ i ke i hyɛɛ ɔ, nyumu ko ji nɛ ɔ nɛ hii si ngɛ okpɔngɔ hiɔ ko nɔ kɛ e dɛ mi kɛ̃ɛ̃. A ha lɛ jlasi, nɛ e je kpo kaa kunimi yelɔ nɛ yaa nɛ e ya ye kunimi.