Kpojemi 19:10 - BAIBLO ALOO NGMAMI KLƆUKLƆU Ɔ

¹⁰ Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ tsuo. Odase ɔ nɛ Yesu ye ɔ, i kɛ nyɛ tsuo lɛ wa he ye. Já Mawu mohu!” Ejakaa odase ɔ nɛ Yesu ye ɔ, lɔ ɔ ji nɔ́ nɛ woɔ gbali ɔmɛ he wami nɛ a kɛ gbaa.

Somi He Ɔ

¹⁰ Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke: “Koo pee! O nyɛmi sɔmɔlɔ kɛ o nyɛmimɛ nɛ hɛɛ Yesu odase mi ɔ a ti nɔ ko ji mi. Ja Mawu mohu!” Ejakaa Yesu odase ɔ ji gbami mumi ɔ nɛ.

Kpojemi 19:10 ပူးပေါင်းရင်းမြစ်များ

Matsɛmɛ II, 17:36

Nyɛɛ ye imi Yawɛ mohu gbeye; ejakaa imi nɛ i kɛ he wami kɛ kɔni si wami je nyɛ kɛ je Egipt zugba a nɔ. Nyɛ ja mi, nɛ nyɛɛ sã bɔ kɛ ha mi.

La 45:11

kɛkɛ o he fɛu ɔ maa pee matsɛ ɔ akɔnɔ; lɛ ji o nyɔmtsɛ, lɔ ɔ he ɔ, ba o he si ha lɛ.

Mose II, 34:14

“Mo ko ja mawu kpa ko, ejakaa imi Yawɛ Mawu ɔ, a kɛ mi plee we nɔ́ he.

Daniel 2:46

Kɛkɛ nɛ Matsɛ Nebukadnezar kpla si ngɛ Daniel hɛ mi, nɛ e kɛ e hɛ mi bu si, nɛ e fa ke a sã bɔ kɛ tsopa kɛ e he via kɛ ha Daniel.

Daniel 7:10

La ngɛ tsoe gegeege ngɛ e hɛ mi kaa pa nɛ hia kɛ bee. Nihi akpeakpehi ngɛ lejɛ ɔ ngɛ lɛ sɔmɔe, nɛ akpe nyɔngma totoe akpe nyɔngma daa si ngɛ e hɛ mi. Kojoli ɔmɛ ba hi si, nɛ a bli womi ɔmɛ a nya.

Mateo 4:10

Kɛkɛ nɛ Yesu de lɛ ke, “Satan, jee hiɛmɛ nɛ ɔ! Ngmami ɔ ke, ‘Ja Nyɔmtsɛ o Mawu ɔ, nɛ o sɔmɔ lɛ pɛ!’ ”

Marko 5:22

Kɛkɛ nɛ kpe he ɔ nɔkɔtɔma nɛ a tsɛɛ lɛ Yairo ɔ ba lejɛ ɔ. Benɛ e na Yesu ɔ, e ba kpla si ngɛ e nane nya,

Marko 7:25

Yesu lejɛ ɔ sumi nɔuu kɛkɛ nɛ yo ko nɛ mumi yayami ngɛ e biyo wayoo ko mi nu e he, nɛ e ba kpla si ngɛ Yesu nane nya.

Luka 1:19

Bɔfo ɔ he nɔ ke, “Imi ji Gabriel, nɛ i daa si ngɛ Mawu hɛ mi. A tsɔ mi ke i kɛ mo ba sɛɛ ní, nɛ́ ma ngɔ manye munyu nɛ ɔ ba ha mo.

Luka 24:44

Enɛ ɔ se ɔ, e de mɛ ke, “Benɛ i kɛ nyɛ ngɛ ɔ, níhi nɛ i deɔ nyɛ ji nɛ ɔmɛ nɛ: níhi tsuo nɛ a ngma ngɛ ye he ngɛ Mose mlaa a, kɛ gbali ɔmɛ, kɛ La womi ɔ a mi ɔ, ja lɛ tsuo ba mi.”

Yohane 5:39

Nyɛ hlaa ngmami ɔmɛ a mi, ejakaa nyɛ susuɔ kaa a mi nyɛ ma na neneene wami ngɛ; nɛ lɔ ɔmɛ nɔuu yeɔ ye he odase.

Ni Tsumi 10:43

Gbali ɔmɛ tsuo ye Yesu he odase, nɛ a de ke nɔ tsuaa nɔ nɛ ma he lɛ maa ye ɔ, a maa ngɔ e he yayami kɛ pa lɛ ngɛ Yesu biɛ mi.”

Ni Tsumi 13:27

Se nihi nɛ ngɛ Yerusalem, kɛ ma nimeli ɔmɛ li Yesu, nɛ jehanɛ ɔ, gbali ɔmɛ a munyu ɔmɛ nɛ a kaneɔ daa Hejɔɔmi ligbi ɔ hu a nui sisi. Lɔ ɔ he ɔ, a bu lɛ fɔ; enɛ ɔ ha gbali ɔmɛ a munyu ɔ ba mi.

2 Korintobi 8:7

Nyɛ ngɛ ni kpa amɛ a hɛ mi kulaa ngɛ nɔ́ tsuaa nɔ́ mi, hemi kɛ yemi ngɛ Kristo mi, munyu tumi, anɔkuale ɔ lemi, hɛdɔ kɛ ha sɔmɔmi, kɛ suɔmi nɛ nyɛ ngɛ kɛ ha wɔ. Lɔ ɔ he ɔ, kikɛmɛ a ní tsumi nɛ nyɛ ngɛ tsue kɛ je nyɛ tsui mi ɔ hu, nyɛɛ hyɛ konɛ nyɛɛ be ni kpa amɛ a he jã nɔuu.

Efesobi 5:15

Lɔ ɔ he ɔ, nyɛɛ hyɛ nyɛ je mi bami nɛ hi! Nyɛ ko hi si kaa nihi nɛ li nɔ́ ko nɔ́ ko, se mohu kaa ní leli.

Efesobi 5:33

Se kɛ̃ ɔ, nɔ́ nɛ ngɛ mi ji, e sa kaa nyɛ ti nɔ tsuaa nɔ nɛ suɔ e yo kaa bɔ nɛ e suɔ lɛ nitsɛ e he, nɛ yogbayo tsuaa yogbayo nɛ bu e huno.

Filipibi 3:3

Wɔ mohu ji nihi nɛ a po mɛ anɔkuale mi. Ejakaa wɔɔ lɛɛ wa jaa Mawu kɛ guu e mumi ɔ nɔ, nɛ wa fĩaa kɛ fɔɔ Kristo Yesu nɔ. Wa ngɔɛ wa hɛ kɛ fɔɛ he lo nya ní peemi níhi a nɔ.

1 Tesalonikabi 5:15

Nyɛɛ hyɛ nɛ nyɛ ti nɔ ko kó pee yayami kɛ to yayami nane mi. Se mohu daa nɛ ɔ, nyɛɛ bɔ mɔde kaa nyɛ maa pee kpakpa ha nyɛ sibi, kɛ nihi tsuo.

Hebribi 1:14

Mawu bɔfo ɔmɛ ɔ, mɛni ji a ní tsumi mɔ? Mumihi ji mɛ, nɛ a sɔmɔɔ Mawu. Ke Mawu ma he nɔ ko yi wami ɔ, mɛ lɛ Mawu tsɔɔ.

Hebribi 12:25

Lɔ ɔ he ɔ, nɔ nɛ kɛ nyɛ ngɛ munyu tue ɔ, nyɛɛ bu lɛ tue. Nihi nɛ bui nɔ nɛ bɔ mɛ kɔkɔ ngɛ zugba a nɔ tue ɔ, a yi a he. Nɛ wɔɔ lɛɛ ke nɔ nɛ je hiɔwe ɔ kɛ wɔ ngɛ munyu tue nɛ wa bui lɛ tue ɔ, kɛ wa maa pee kɛ ye wa he kɛɛ?

1 Yohane 5:10

Lɔ ɔ he ɔ, nɔ tsuaa nɔ nɛ heɔ Mawu Bi ɔ yeɔ ɔ ngɔɔ odase nɛ ɔ kɛ toɔ lɛ nitsɛ e tsui mi, nɛ e hii he susue. Se nɔ nɛ he we Mawu yi ɔ ha nɛ Mawu plɛ lakpatsɛ; ejakaa nɔ́ nɛ Mawu de ngɛ e Bi ɔ he ɔ, nɔ ɔ he we yi.

1 Yohane 5:21

Ye bimɛ nɛ i suɔ! Nyɛɛ hyɛ nyɛ he nɛ hi ngɛ amagahi a he!

Kpojemi 1:1

Ní komɛ nɛ Yesu Kristo je tsɔɔ ɔ, a he sane lɛ ngɛ womi nɛ ɔ mi. Mawu je nina a ngɔ tsɔɔ Kristo, konɛ lɛ hu e tsɔɔ e tsɔli ɔmɛ nɔ́ nɛ maa ba mi ngɛ be kpiti mi. Kristo tsɔ e bɔfo ɔ kɛ ya e tsɔlɔ Yohane ngɔ, nɛ e ya ha nɛ e le ní nɛ ɔmɛ tsuo.

Kpojemi 1:9

Imi nyɛ nyɛmi Yohane lɛ i ngma womi nɛ ɔ. Kaa Kristo se nyɛɛlɔ ɔ, a ngɛ mi yi mi wae kaa nyɛ nɔuu. I kɛ nyɛ tsuo nɛ wa ngɛ Kristo matsɛ yemi ɔ blɔ hyɛe, nɛ e sa kaa waa to wa tsui si ngɛ amanehlu nɛ wa ngɛ nae ɔ mi. A ngɔ mi ya fɔ Patmo zugba kpɔ nɛ wo bɔle lɛ ɔ nɔ, ejakaa i fiɛ Mawu munyu ɔ, nɛ i ye Yesu he odase.

Kpojemi 12:11

Wa nyɛmimɛ ɔmɛ ye e nɔ kunimi kɛ gu To bi ɔ muɔ ɔ, kɛ odase ɔ nɛ a ye ɔ nɔ. A de we ke a maa baa mɛ nitsɛmɛ a wami yi, se mohu a suɔ kaa a maa ngɔ a wami tete ngɔ ha, nɛ a gbe mɛ.

Kpojemi 12:17

Sinɔ nguaa a mi mi fu yo ɔ, nɛ e pue nɔ kɛ ho, konɛ e kɛ yo ɔ nina nɛ piɛ ɔ, nihi tsuo nɛ yeɔ Mawu mlaa amɛ a nɔ, kɛ ni nɛmɛ hu nɛ fiɛɔ sɛ gbi ɔ nɛ kɔɔ Yesu he ɔ ya hwu ta.

Kpojemi 14:7

Bɔfo ɔ de kɛ gbi nɛ wa ke, “Nyɛɛ ye Mawu gbeye, nɛ nyɛɛ wo e hɛ mi nyami! Ejakaa be ɔ su nɛ e maa kojo nihi tsuo nɛ ngɛ je ɔ mi. Nyɛ ja nɔ nɛ pee hiɔwe kɛ zugba, kɛ wo kɛ nyu hɛngmɛhi nɛ baa a!”

Kpojemi 15:4

Nyɔmtsɛ, nihi tsuo maa wo o hɛ mi nyami! Nihi tsuo ma de ke o kle; ejakaa mo pɛ ji nɔ klɔuklɔu. Nihi tsuo nɛ ngɛ je ɔ mi ɔ maa ba nɛ a ma ba ja mo; ejakaa dami sane nɛ o ngɛ yee ɔ, nɔ tsuaa nɔ na paa!”

Kpojemi 19:9

Kɛkɛ nɛ bɔfo ɔ de mi ke, “Ngmaa nɔ́ nɛ ɔ. Nihi nɛ a kpee mɛ kɛ ba To bi ɔ yo kpeemi okplɔɔ ɔ he ɔ, a gbaa mɛ!” Bɔfo ɔ ya nɔ nɛ e de ke, “Anɔkuale munyu nɛ je Mawu ngɔ ji nɛ ɔ nɛ.”

Kpojemi 4:10

nikɔtɔma nyingmi enyɔ kɛ eywiɛ ɔmɛ ngɔɔ a hɛ mi kɛ buɔ si ngɛ nɔ nɛ hii si ngɛ matsɛ sɛ ɔ nɔ, nɛ ngɛ kɛ yaa neneene ɔ hɛ mi, nɛ a jaa lɛ. A ngɔɔ a jlasi ɔmɛ kɛ pueɔ matsɛ sɛ ɔ hɛ mi, nɛ a deɔ ke,