Kpojemi 18:8 - BAIBLO ALOO NGMAMI KLƆUKLƆU Ɔ

⁸ Enɛ ɔ he je ɔ, haomi nɛ ɔmɛ maa ba e nɔ ligbi kake too: gbenɔ hiɔ, aywilɛho, kɛ hwɔ. Nɛ a kɛ la maa sã lɛ, ejakaa Nyɔmtsɛ Mawu ɔ nɛ maa kojo lɛ ɔ, e kle.”

Somi He Ɔ

⁸ Lɔ ɔ he ɔ, ligbi kake nɔ e haomi ɔmɛ maa ba, Gbenɔ kɛ aywlɛho kɛ hwɔ, Nɛ a kɛ la maa sa lɛ, Ejakaa Nyɔmtsɛ Mawu nɛ kojoɔ ɔ he wa.”

Kpojemi 18:8 ပူးပေါင်းရင်းမြစ်များ

Yeremia 50:34

Se nɔ nɛ ma ba kpɔ mɛ ɔ, e he wa; e biɛ ji Yawɛ Tabohiatsɛ. Lɛ nitsɛ e maa ye a sane ɔ ha mɛ; e kɛ he jɔmi maa ba zugba a nɔ, se Babilonia bi ɔmɛ lɛɛ e maa hao mɛ.”

Yeremia 50:31

“Babilonia bi, nyɛ woɔ nyɛ he nɔ. Enɛ ɔ he je ɔ, imi Nyɔmtsɛ Yawɛ Tabohiatsɛ ɔ, i kɛ nyɛ maa to ní. Nyɛ be ɔ su; be ɔ nɛ ma gbla nyɛ tue ɔ su.

Kpojemi 17:16

Koli nyɔngma amɛ nɛ o na a, kɛ lohwe awi yelɔ ɔ maa te si ngɔ wo yo ajuama a; a maa ngɔ e níhi tsuo nɛ e ngɛ ɔ, nɛ e maa hɛɛ e he gu. A maa ye e he lo ɔ, nɛ a kɛ la ma kpata e hɛ mi pɛsɛpɛsɛ.

Kpojemi 18:19

A kɛ zu wo a yi mi, nɛ a wo yana, nɛ a nya awe. A kpa ngmlaa, nɛ a de ke, “Tsaoo! Akuanyɛ ha ma kpetekpleenyɛ ɔ! Lɛtsɛmɛ tsuo nɛ yeɔ jua ngɛ wo hɛ mi ɔ gu ní babauu nɛ e na a nɔ ba plɛ niatsɛmɛ. Nɛ ngmlɛfia kake too mi ɔ, ní babauu nɛ e na a tsuo bɔ lɛ!”

1 Korintobi 10:22

Pe wa ngɛ hlae nɛ waa wo Nyɔmtsɛ ɔ mi mi la nɛ e je hunga lo? Anɛ wa he wa pe lɛ lo?

Yeremia 51:58

A maa hule Babilonia gbogbohi kɛ a hɛ mi gbajagbajaa a ngɔ pue si, nɛ a maa mɛ agbo gagaaga amɛ a he la. Je ma amɛ tsu yaka ní pɛ; a gbo dengme kɛ ha la nɛ e ba sã. Imi, Yawɛ Tabohiatsɛ ɔ lɛ i de.”

Yeremia 51:6

Nyɛɛ tu fo kɛ je Babilonia nɛ nyɛ kɛ he nyɛ yi wami. Nyɛ ko ha nɛ a gbe nyɛ ngɛ Babilonia bi ɔmɛ a he yayami ɔ he. Amlɔ nɛ ɔ, i ngɛ ye he lue yee ngɛ a nɔ, nɛ i ngɛ a tue gblae bɔ nɛ sa mɛ.

Kpojemi 19:3

Nɛ a kpa ngmlaa ekohu nɛ a de ke, “A je Mawu yi! La nɛ maa sã ma kpetekpleenyɛ ɔ be gboe gblegbleegble!”

Kpojemi 18:17

Nɛ ngmlɛfia kake too mi ɔ, ní babauu nɛ e na a tsuo bɔ lɛ!” Lɛ kudɔɔtsɛmɛ ɔmɛ, nihi nɛ sɛ lɛ kɛ yaa he, lɛ mi bi, kɛ nihi nɛ yeɔ jua ngɛ wo nɔ tsuo ya da se lokoo.

Kpojemi 17:18

“Yo ɔ nɛ o na a daa si ha ma kpetekpleenyɛ ɔ nɛ e matsɛ ɔ yeɔ ma amɛ tsuo a nɔ ngɛ je ɔ mi ɔ.”

Kpojemi 11:17

nɛ a de ke, “Nyɔmtsɛ Mawu Ope, Mo nɛ o ngɛ amlɔ nɛ ɔ, nɛ o hi si hyɛ hulɔ ɔ, Wa naa mo si kaa o tsu o he wami kpetekpleenyɛ ɔ he ní, nɛ o bɔni matsɛ yemi!

La 62:11

Pi si kake pɛ nɛ Mawu tu munyu nɛ ɔ; e de si abɔ ke, he wami ɔ, lɛ Mawu ɔ e ngɔ e jee.

Hiob 9:19

Ke a ngɛ nɔ nɛ he wa hlae ɔ, lɛ ji nɛ ɔ nɛ. Ke e ba lɛ dami sane yemi hu, mɛnɔ kɛ lɛ maa ba kojomi he ɔ?

Yesaya 27:1

Jamɛ a ligbi ɔ, Yawɛ kɛ e klaate kpetekpleenyɛ ɔ maa gbe wo mi sinɔ agbo langalanga a.

Yesaya 9:14

lɔ ɔ he ɔ, ligbi kake too ɔ, Yawɛ gbla Israel ma a tue. E po mɛ ngɔ hɛɛ fɔ, yi kɛ hlemi tsuo.

Yoel 2:11

Yawɛ maa wo gbi kɛ fa e tabo ɔ he. E ta buli ɔmɛ a he hiɛ babauu; nihi nɛ buɔ Yawɛ tue ɔ, a li a yibɔ. Yawɛ ligbi ɔ maa pee gbeye. Mɛnɔ ma nyɛ nya maa da?