Kpojemi 18:7 - BAIBLO ALOO NGMAMI KLƆUKLƆU Ɔ

⁷ Bɔ nɛ e pee ní nguahi, nɛ e fiɛ e yi nɔ ɔ, pii lɛ, nɛ e ye aywilɛho ja nɔuu. Ejakaa e pɔɔ e he demi ke, ‘Manyɛ ji mi, nɛ i hii si ngɛ ye sɛ ɔ nɔ! Pi yalɔyo ji mi; i be aywilɛho yee gblegbleegble!’

Somi He Ɔ

⁷ Nyɛ pii lɛ nɛ nyɛɛ wo lɛ aywlɛho Kaa bɔ nɛ e wo lɛ nitsɛ e hɛ mi nyami kɛ ya homi ɔ Ja nɔuu nyɛ ha e piimi kɛ e ywlɛho ɔ nɛ pee. Ejakaa e deɔ ngɛ e tsui mi ke: ‘I hii si kaa manye! I pi yalɔyo, Nɛ i be aywlɛho ko nae!’

Kpojemi 18:7 ပူးပေါင်းရင်းမြစ်များ

Ester 6:10

Kɛkɛ nɛ matsɛ ɔ de Haman ke, “Ngɔɔ ablade tade ɔ, kɛ okpɔngɔ ɔ esɔ, nɛ o ya pee ní nɛ ɔmɛ kɛ wo Yuda no ɔ nɛ a tsɛɛ lɛ Mordekai ɔ hɛ mi nyami. Pee kaa bɔ nɛ o de ɔ pɛpɛɛpɛ ha lɛ. O maa na lɛ nɛ hii si ngɛ matsɛ we ɔ agbo ɔ nya.”

La 10:6

E deɔ ngɛ e yi mi ke, “Nɔ́ ko nɔ́ ko be mi pee; haomi ko be ye nɔ bae gblegbleegble.”

La 45:9

O yi kpakpa amɛ ɔ, matsɛmɛ a bimɛ ngɛ mi; manyɛ ɔ dla e he kɛ sika tsu kpakpa kɛ daa si ngɛ o hiɔ nine nɔ.

Yeremia 13:18

Yawɛ de mi ke, “De matsɛ ɔ kɛ e nyɛ ɔ ke, a ba a he si, ejakaa a jlasi saminyawiiwi ɔmɛ je a yi nɔ si.

Kɔmɔ Yemi 1:1

Yerusalem, ma nɛ sa be ko ɔ, nihi babauu ngɛ mi ɔ, hyɛ bɔ nɛ e mi je gu kɛ fɔɔ si ha! Be ko nɛ be ɔ, je ma amɛ buu lɛ ma nguaa, se jehanɛ lɛɛ e ngɛ kaa yalɔyo. Ma nɛ ngɛ kaa matsɛ biyo ngɛ je ma amɛ tsuo a kpɛti ɔ ba plɛ pee je ma amɛ a nyɔguɛ.

Ezekiel 23:34

Ma ha o maa nu, nɛ o ma lɔ kplu ɔ mi. O kɛ he hiami maa fa o yi bwɔmi, nɛ o kɛ kplu kokoe ɔmɛ maa plaa o nyɔ. Imi, Nyɔmtsɛ Yawɛ lɛ i de.”

Obadia 1:3

O he nɔ womi ɔ sisi mo. O matsɛ ma a, a fia gbogbo kɛ wo he ngɛ tɛ sa nɔ; o hi he ngɛ yo ɔmɛ a nɔ tsitsaa, lɔ ɔ he ɔ, o deɔ ngɛ o yi mi ke, ‘Mɛnɔ po ma nyɛ maa gbla mi kɛ ba zugba?’

Zefania 2:15

Ma nɛ e mi bi woɔ a he nɔ, nɛ a fĩaa ngɔ fɔɔ mɛ nitsɛmɛ a he wami nɔ, nɛ a deɔ a he ke ma ko be nɛ kɛ mɛ sɔ ɔ, nɔ́ nɛ maa ba jamɛ a ma a nɔ ji nɛ ɔ nɛ. Nineve maa pee ma doku, nɛ pu mi lohwehi ma ba jɔɔ a he ngɛ lejɛ ɔ. Nɔ tsuaa nɔ nɛ ma ba be ngɛ lejɛ ɔ, ma huanya e yi, nɛ e ma de ke, “Tsia!”

1 Timoteo 5:11

Se yalɔyi nɛ wɛ ɔ, koo ngma a biɛ, ejakaa ke gba ngɛ mɛ jloe ɔ, a maa ngmɛɛ Kristo he ma ya gba.

Kpojemi 18:3

Ejakaa Babilon yakayaka ní peemi ɔmɛ ha nɛ je ɔ tsuo puɛ; ee, e ngɛ kaa nɔ́ nɛ wai nɛ nya wa nɛ e ha mɛ nɛ a nu. Je nɛ ɔ mi matsɛmɛ ɔmɛ tsuo kɛ lɛ bɔ ajuama, nɛ jua yeli tsuo gu e ní babauu ɔ nɔ nɛ a pee niatsɛmɛ.”

Kpojemi 18:9

Je nɛ ɔ mi matsɛmɛ ɔmɛ nɛ a kɛ Babilon bɔ ajuama, nɛ a fiɛ a yi nɔ ɔ, ke be nɛ a sã ma a, nɛ a na la su ku nɛ ngɛ jee ɔ, a maa wo yana, nɛ a ma nya awe ha ma a.