Kpojemi 18:6 - BAIBLO ALOO NGMAMI KLƆUKLƆU Ɔ

⁶ Bɔ nɛ e pee mo ɔ, pee lɛ ja nɔuu ngɔ to nane mi. Níhi nɛ e pee ɔ, pee lɛ ja totoe enyɔ ngɔ to nane mi. Dã nɛ e futu ha mo ɔ, mo futu dã nɛ nya wa kaa ja totoe enyɔ ngɔ wo e kplu ɔ mi ha lɛ.

Somi He Ɔ

⁶ Nyɛɛ wo lɛ hiɔ kaa bɔ nɛ lɛ hu e wo nyɛ hiɔ ɔ, Nɛ nyɛɛ ku ngɔ bɔ he totoe enyɔ ha lɛ. Kaa bɔ nɛ sa e ni tsumi ɔmɛ; Kplu ɔ nɛ e futu ha nyɛ ɔ, Nyɛ futu lɛ totoe enyɔ ngɔ ha lɛ.

Kpojemi 18:6 ပူးပေါင်းရင်းမြစ်များ

Yeremia 50:29

“Nyɛ ha nɛ nihi nɛ le kɛ̃ɛ̃ tsɛ̃mi ɔ, a ya nɛ a ya tua Babilon. Nyɛ ha nɛ ni nɛmɛ tsuo nɛ tsuɔ kɛ̃ɛ̃ he ní ɔ, a ya sa ma a yi kɛ kpe, nɛ nɔ ko nɔ ko nɛ ko tu fo kɛ je. Nyɛɛ gbla e tue ngɛ níhi nɛ e pee ɔ tsuo he. Bɔ nɛ e pee ni kpa amɛ ɔ, nyɛɛ pee lɛ ngɔ to nane mi ja nɔuu; ejakaa e wo e he nɔ ngɛ imi Yawɛ, Israel Nɔ Klɔuklɔu ɔ, ye nɔ.

La 137:8

Mo Babilon, ja a kpata o hɛ mi kokooko! A gbaa nɔ nɛ maa pee mo kɛ to nane mi kaa bɔ nɛ o pee wɔ ɔ.

Yeremia 50:15

Nyɛ he ose kɛ wo ma a he! Jehanɛ lɛɛ Babilon ha yi. Ma a sisi tomi ɔmɛ, kɛ e gbogbo ɔmɛ ku kɛ pueɔ si. I ngɛ Babilonia bi ɔmɛ a tue gblae. Lɔ ɔ he ɔ, nyɛ hu nyɛɛ ye nyɛ nitsɛmɛ nyɛ he lue; bɔ nɛ a pee ni komɛ ɔ, nyɛ hu nyɛɛ pee mɛ kɛ to nane mi.

Kpojemi 16:19

Ma nguaa a mi gba etɛ, nɛ je ma amɛ a hɛ mi kpata. Mawu kai Babilon ma kpetekpleenyɛ ɔ, nɛ e ha nɛ e nu wai kɛ je e kplu ɔ mi. Wai nɛ ɔ daa si ha Mawu mi mi fumi nɛ nya wa a.

Yeremia 51:24

Yawɛ ke, “Yayamihi tsuo nɛ Babilonia kɛ Babilonia ma mi bi ɔmɛ pee Yerusalem he je ɔ, ma gbla a tue nɛ nyɛ maa na kɛ nyɛ hɛngmɛ.

Kpojemi 17:4

Yo ɔ wo tade he jua wawɛ nɛ hɛɛ alamua tu su, nɛ tsuɔ hulɔ; nɛ a kɛ sika tsu june, kɛ tɛ nɛ he jua wa, kɛ adiagba dla e he ha lɛ. E hɛɛ sika tsu kplu nɛ hyi tɔ kɛ zo ní ɔmɛ, kɛ e we ajuama bɔmi níhi nɛ a hiee ɔ.

Zakaria 9:12

Nyɛ nihi nɛ a nuu nyɛ nyɔguɛ, jehanɛ lɛɛ nyɛ ngɛ hɛ kɛ nɔ fɔmi. Nyɛɛ kpale kɛ ba nyɛ mɔ ɔ mi. I ngɛ dee jehanɛ ke yayami tsuo nɛ a pee nyɛ ɔ, nyɛ ma na gbaami kɛ bɔ he totoe enyɔ.

Yeremia 17:18

Ni nɛmɛ nɛ ngɛ mi yi mi wae ɔ, ha nɛ zo nɛ gbe mɛ; se imi lɛɛ ha nɛ ma ye ye he. Ha nɛ sawale nɛ nu mɛ, se imi lɛɛ koo wo ye he gbeye. Ngɔɔ haomi kɛ ba a nɔ, nɛ o kpata a hɛ mi pɛsɛpɛsɛ.

Yeremia 16:18

Ma gbla a tue si enyɔ ngɛ a yayami ɔmɛ, kɛ a yi wu tso ní ɔmɛ a he. A ngɔ amagahi nɛ ngɛ kaa ni gbogboehi nɛ wami ko be a mi ɔ kɛ ble ye zugba a; nɛ zugba a hyi tɔ kɛ a níhi nɛ a hiee ɔ.”

2 Timoteo 4:14

Aleksandro, sɔlɔ ɔ ye mi sane yaya ko; nɔ́ yeyee nɛ e pee mi ɔ, Nyɔmtsɛ ɔ nɛ wo lɛ hiɔ.

Yeremia 51:49

Babilonia kpata nihi babauu a hɛ mi ngɛ je ɔ mi tsuo. Enɛ ɔ he je ɔ, ja a kpata Babilonia hu hɛ mi kokooko, ejakaa e gbe Israel bi babauu. Imi, Yawɛ lɛ i de.”

Kpojemi 17:2

Matsɛmɛ ɔmɛ nɛ ngɛ je ɔ mi ɔ kɛ lɛ bɔ ajuama; nɛ nimli nɛ ngɛ zugba a nɔ ɔ pee kaa nihi nɛ tɔ dã, benɛ e kɛ mɛ fiɛ yakayaka fiɛmi ɔ.”

Kpojemi 13:10

Ke a to ke a nu nɔ ko nyɔguɛ ɔ, ja a nu lɛ nyɔguɛ. Ke nɔ ko kɛ klaate gbe nɔ ɔ, ja a kɛ klaate gbe lɛ. Enɛ ɔ tsɔɔ kaa e hia kaa Mawu we bi nɛ to a tsui si, nɛ a pɛtɛ a hemi kɛ yemi ɔ he wawɛɛ.”

Yesaya 40:2

Nyɛɛ wo Yerusalem ma a bua. Nyɛ de nɛ a nu kaa jehanɛ lɛɛ a nɔ́ nami babauu ɔ se po, nɛ a ngɔ a he yayami ɔmɛ ngɔ pa mɛ. I gbla a tue saminya ngɛ a tɔmi ɔmɛ tsuo a he.”

Yesaya 61:7

Zo nɛ gbe nyɛ, kɛ nyɛ hɛ mi nɛ pue si ɔ, lɛ tsuo nya maa be. Nyɛ maa hi nyɛ nitsɛmɛ nyɛ zugba nɔ jehanɛ; nyɛ ma na ní babauu nitsɛ pe sa a, nɛ nyɛ bua maa jɔ kɛ maa ya neneene.

La 28:4

Gbla a tue ngɛ a ní peemi ní ɔmɛ a he; gbla a tue ngɛ a yi wu tso ní ɔmɛ a he; wo mɛ hiɔ bɔ nɛ sa mɛ pɛ.

Kpojemi 18:20

Hiɔwe! Mo nya kaa a kpata Babilon hɛ mi! Nyɛ ni klɔuklɔuhi, bɔfohi, kɛ gbali, nyɛ nya! Ejakaa Mawu bu lɛ fɔ ha nyɛ ngɛ nɔ́ nɛ e pee nyɛ ɔ he!

Kɔmɔ Yemi 3:64

“Yawɛ lee, gbla a tue ngɛ níhi nɛ a pee ɔ a he.