Kpojemi 18:3 - BAIBLO ALOO NGMAMI KLƆUKLƆU Ɔ

³ Ejakaa Babilon yakayaka ní peemi ɔmɛ ha nɛ je ɔ tsuo puɛ; ee, e ngɛ kaa nɔ́ nɛ wai nɛ nya wa nɛ e ha mɛ nɛ a nu. Je nɛ ɔ mi matsɛmɛ ɔmɛ tsuo kɛ lɛ bɔ ajuama, nɛ jua yeli tsuo gu e ní babauu ɔ nɔ nɛ a pee niatsɛmɛ.”

Somi He Ɔ

³ Ejakaa e ha je ma amɛ kulaa nu e ajuama bɔmi he mi mi fumi da a eko, nɛ zugba a nɔ matsɛmɛ ɔmɛ kɛ lɛ bɔ ajuama, nɛ zugba a nɔ jua yeli ɔmɛ plɛ niatsɛmɛ ngɛ e ya homi ɔ he wami ɔ mi.”

Kpojemi 18:3 ပူးပေါင်းရင်းမြစ်များ

Kpojemi 17:2

Matsɛmɛ ɔmɛ nɛ ngɛ je ɔ mi ɔ kɛ lɛ bɔ ajuama; nɛ nimli nɛ ngɛ zugba a nɔ ɔ pee kaa nihi nɛ tɔ dã, benɛ e kɛ mɛ fiɛ yakayaka fiɛmi ɔ.”

Kpojemi 14:8

Bɔfo enyɔne ba ngɛ kekleekle nɔ́ ɔ se, nɛ e ngɛ dee ke, “Babilon hɛ mi kpata! Babilon ma kpetekpleenyɛ ɔ hɛ mi kpata! Babilon yakayaka ní peemi ɔmɛ ha nɛ je ɔ tsuo puɛ; e ngɛ kaa dã nɛ nya wa nɛ e ha mɛ nɛ a nu.”

Kpojemi 18:9

Je nɛ ɔ mi matsɛmɛ ɔmɛ nɛ a kɛ Babilon bɔ ajuama, nɛ a fiɛ a yi nɔ ɔ, ke be nɛ a sã ma a, nɛ a na la su ku nɛ ngɛ jee ɔ, a maa wo yana, nɛ a ma nya awe ha ma a.

Kpojemi 18:23

Kane be tsoe ngɛ ma a mi hu; nɛ a be ayɛflo huno, kɛ ayɛflo nya nue hu. O jua yeli ɔmɛ ji nimli nguahi ngɛ je ɔ mi tsuo, nɛ o ngɔ kunya yemi kɛ sisi nihi tsuo ngɛ je ɔ mi!”

Yeremia 51:7

Babilonia ngɛ kaa sika tsu kplu ko ngɛ ye dɛ mi nɛ ha je ɔ tsuo tɔ dã. Je ma amɛ tsuo nu wai ngɛ kplu nɛ ɔ mi, nɛ a fo godo.

Kɔmɔ Yemi 4:5

Nihi nɛ ye ní kpakpahi be ko nɛ be ɔ, amlɔ nɛ ɔ, a hɛ mi kpata ngɛ gbɛjegbɛ ɔmɛ a nɔ. Nihi nɛ a lɛ mɛ ngɛ he kpakpahi be ko nɛ be ɔ, amlɔ nɛ ɔ, a ngɛ si kukuɔe ngɛ kuku nɔ.

Yeremia 51:34

Babilonia matsɛ, Nebukadnezar poo Yerusalem mi nɛ e ye. E muɔ níhi kɛ je ma a mi, nɛ ma a fɔɔ si kaa buɛ mi gu. E mi ma a kaa bɔ nɛ sinɔ ngua miɔ nɔ́ ɔ. E ye ma a mi ní kpakpa amɛ, nɛ e sake nɔ́ nɛ piɛ ɔ ngɔ pue he.

Yesaya 47:15

Nihi tsuo nɛ o gbo a he dengme ɔ, se nɛ o ma na ngɛ a he ji nɛ ɔ nɛ; nihi nɛ kɛ mo ye jua kɛ je o jokuɛwi a si ɔ, mɛ tsuo a maa ngmɛɛ o he; nɔ tsuaa nɔ ma wo lɛ nitsɛ e blɔ, nɛ nɔ ko nɔ ko be piɛe nɛ ma he o yi wami.”

Luka 7:25

Mɛni nyɛ ho hyɛmi ya? Nɔmlɔ nɛ wo ablade tade lo? Oo, nihi nɛ woɔ tade saminyawiiwi, nɛ a ngɛ gbɔjɔ si himi mi ɔ, matsɛmɛ a wehi a mi a naa mɛ ngɛ.

Nahum 3:4

Mɛni kɛ ní nɛ ɔmɛ tsuo ba? Nineve, ma nɛ ngɛ fɛu ɔ mi bi kunya yeli, kɛ azetsɛmɛ ya sisi je ma amɛ, nɛ a ya ja a wɔ ɔmɛ kaa bɔ nɛ yo yaholɔ puɛɔ ma a.

1 Timoteo 5:11

Se yalɔyi nɛ wɛ ɔ, koo ngma a biɛ, ejakaa ke gba ngɛ mɛ jloe ɔ, a maa ngmɛɛ Kristo he ma ya gba.

Kpojemi 18:7

Bɔ nɛ e pee ní nguahi, nɛ e fiɛ e yi nɔ ɔ, pii lɛ, nɛ e ye aywilɛho ja nɔuu. Ejakaa e pɔɔ e he demi ke, ‘Manyɛ ji mi, nɛ i hii si ngɛ ye sɛ ɔ nɔ! Pi yalɔyo ji mi; i be aywilɛho yee gblegbleegble!’

Kpojemi 18:19

A kɛ zu wo a yi mi, nɛ a wo yana, nɛ a nya awe. A kpa ngmlaa, nɛ a de ke, “Tsaoo! Akuanyɛ ha ma kpetekpleenyɛ ɔ! Lɛtsɛmɛ tsuo nɛ yeɔ jua ngɛ wo hɛ mi ɔ gu ní babauu nɛ e na a nɔ ba plɛ niatsɛmɛ. Nɛ ngmlɛfia kake too mi ɔ, ní babauu nɛ e na a tsuo bɔ lɛ!”