Kpojemi 18:21 - BAIBLO ALOO NGMAMI KLƆUKLƆU Ɔ

²¹ Jehanɛ ɔ, bɔfo kpetekpleenyɛ ko wo tɛ nɛ ngɛ kaa wɛ nguaa ko, nɛ e hɛ ngɔ fɔ wo mi, nɛ e de ke, “Kikɛ nɛ ɔ a maa hɛ Babilon ma kpetekpleenyɛ ɔ ngɔ fɔ he, nɛ a be lɛ nae hu gblegbleegble.

Somi He Ɔ

²¹ Kɛkɛ nɛ hiɔwe bɔfo ko nɛ he wa wo tɛ ko nɛ ngɛ kaa wɛ ngua, nɛ e sake ngɔ fɔ wo mi nɛ e ke: “Kikɛ nɛ ɔ a ma sake Babilon ma ngua a ngɔ fɔ he tlukaa, nɛ a be lɛ nae kulaa hu.

Kpojemi 18:21 ပူးပေါင်းရင်းမြစ်များ

Nehemia 9:11

O je blɔ kɛ gu wo ɔ mi kɛ ha o ma a, nɛ o kpaka mɛ kɛ nyɛɛ wo ɔ mi ngɛ zugba gbigbli nɔ. Nihi nɛ nyɛɛ a se ɔ gbo tlɔ nyu nɛ mi kuɔ ɔ sisi, kaa bɔ nɛ tɛ muɔ kɛ yaa wo nɛ gli sisi ɔ.

Hiob 20:8

E maa laa kaa nlami, aloo nina nɛ a na nyɔ mi; nɛ nɔ ko be lɛ nae hu.

La 37:36

Be ko se ɔ, i ya gu he nɛ e hii ɔ, se e be lejɛ ɔ. I hla lɛ, se i nɛ lɛ.

Mose II, 15:5

Nyu kpekpemi ɔ ha a nɔ, nɛ a mu kɛ ho nyu ɔ sisi lokoo ya kaa tɛ.

Ezekiel 26:21

Ma ha o nyagbe maa pee gbeye; o be je mi hie hu. Ke a bi o si ɔ, a be mo nae; o maa laa gbidii kɛ yaa neneene.” Nyɔmtsɛ Yawɛ lɛ de.

Daniel 11:19

E ma pue blɔ kɛ ya e mɔ ɔ mi ngɛ lɛ nitsɛ e zugba nɔ. Se haomi maa ba e nɔ ngɛ lejɛ ɔ, nɛ a be lɛ nae hu.

Kpojemi 10:1

Jehanɛ ɔ, i na Mawu bɔfo kpetekpleenyɛ kpa nɛ je hiɔwe kɛ ma. Bɔku bɔle lɛ kɛ kpe, nɛ alale ngɛ e yi je; e hɛ mi ngɛ kaa pu, nɛ e nanehi ngɛ kaa la titimahi.

Kpojemi 12:8

Se a ye sinɔ nguaa a, kɛ e bɔfo ɔmɛ a nɔ, nɛ a ngmɛ́ mɛ blɔ nɛ a hi hiɔwe hu.

Kpojemi 16:20

Zugba kpɔhi tsuo nɛ wo bɔle mɛ ɔ laa, nɛ a nɛ yokuhi hu.

Kpojemi 18:10

A maa da si ngɛ se lokoo, ejakaa a maa ye gbeye kaa a maa gbla a kɛ Babilon tsuo a tue. A ma de ke, “Tsaoo! Akuanyɛ! Babilon, ma nguaa! Ma kpetekpleenyɛ! Ngmlɛfia kake too mi ɔ, hyɛ bɔ nɛ gbla o tue ha!”

Kpojemi 18:22

Babilon, la be pɛe gblegbleegble ngɛ ma a mi hu! A be kpa saku, loo adesa gbi, loo bɛ, loo titimati he nue hu gblegbleegble ngɛ ma a mi! A be ga ní tsulɔ ko ga ní tsulɔ ko kulaa nae ngɛ ma a mi hu; wɛ tɛ hu a be e nya nue hu!

Kpojemi 20:11

Enɛ ɔ se ɔ, i na Mawu nɛ hii si ngɛ matsɛ sɛ hiɔ kpetekpleenyɛ ko nɔ. Tlukaa a, hiɔwe kɛ zugba laa, nɛ a nɛ mɛ hu.

Kpojemi 5:2

Nɛ i na bɔfo kpetekpleenyɛ ko nɛ ngɛ fiɛe kɛ ngmlaa ke, “Mɛnɔ lɛ sa kaa e tsɔ womi nya sɔumi ní ɔmɛ, nɛ e bli womi kpo ɔ nya?”