Kpojemi 18:2 - BAIBLO ALOO NGMAMI KLƆUKLƆU Ɔ

² E kpa ngmlaa wawɛɛ ke, “Babilon hɛ mi kpata! Babilon ma kpetekpleenyɛ ɔ hɛ mi kpata! Piɔ lɛɛ e plɛ mumi yayamihi tsuo a si himi he; e plɛ lohwe pɛlitsɛmɛ, kɛ lohwe awi yeli nɛ a hiee tsuo a si himi he.

Somi He Ɔ

² E kɛ̃ e he nɛ e kpa ngmlaa kɛ gbi ngua ke: “E ywia, Babilon ngua a ywia, nɛ e plɛ mumi yayamihi a si himi he, kɛ mumi yayamihi kulaa a tsu, kɛ lohwe pɛlitsɛ tsuaa lohwe pɛlitsɛ nɛ he tsɔ we nɛ he ngɛ tai ɔ hu tsu.

Kpojemi 18:2 ပူးပေါင်းရင်းမြစ်များ

Yesaya 14:23

Ma ha Babilon ma plɛ pee zugba nɛ tɔ nyu, kɛ ablɛgogoehi a hi he. Ma kpata Babilon hɛ mi pɛsɛpɛsɛ. Babilon maa pee kaa ma nɛ a bɛɛ mi, nɛ nɔ ko nɔ ko be mi hie hu. Imi, Yawɛ lɛ i de.”

Yeremia 25:30

“Lɔ ɔ he ɔ, Yeremia, nɔ́ tsuaa nɔ́ nɛ i de mo ɔ, gbaa kɛ tsɔɔ nimli nɛ ɔmɛ. De mɛ ke, ‘Yawɛ ma huã kɛ je hiɔwe lokoo. E ma wo gbi kɛ je e hi he klɔuklɔu ɔ. E maa huã, nɛ e ma he ose wawɛɛ kɛ wo e ma a kaa bɔ nɛ wai ngali kpaa huhui ɔ. Nihi tsuo nɛ ngɛ zugba a nɔ maa nu nɔ́ nɛ ɔ,

Yeremia 51:37

Ma ha nɛ Babilon maa pee ma doku; e maa pee nga mi gbehi a hi he, nɛ nɔ ko nɔ ko be lejɛ ɔ hie hu. Nihi nɛ ma ba be ngɛ lejɛ ɔ, a nya maa kpɛ a he, nɛ a maa ye gbeye.

Yeremia 51:8

Babilonia nɔ si tlukaa, nɛ e hɛ mi kpata. Nyɛ nya awe ha lɛ! Nyɛɛ to e pa amɛ a nɔ tsopa kaa alini e ma na he wami lo.

Yoel 3:16

Yawɛ wo gbi kɛ je Zion yo ɔ nɔ; e gbi ɔ ké kɛ je Yerusalem. Kɛkɛ nɛ hiɔwe kɛ zugba mimiɛ. se Yawɛ ji wesa he kɛ ha e ma Israel ɔ.

Zefania 2:14

Nineve ma plɛ pee tohi kɛ pu mi lohwe slɔɔtoslɔɔtohi a hi he. Ablɛgogoe maa pee muɔ ngɛ lejɛ ɔ. Okpoku kɛ klomi maa hi hwɔe kɛ je saflɛ mi ngɛ mɔ kokoe ɔmɛ a nɔ, nɛ kuakualabite maa hi pɛe kuaakuaa ngɛ sinya tso ɔmɛ a yi mi. Seda ma kpɔ ngɛ tso ɔmɛ a he.

Kpojemi 1:15

E nane ngɛ kpɛe kaa ayawa nɛ a tsu he ngɛ flɔɔnɔɔ mi, nɛ e gbi ngɛ pɛe wawɛɛ kaa pa nɛ hia kɛ bee.

Kpojemi 10:3

nɛ e kpa ngmlaa wawɛɛ kaa jata nɛ ngɛ huãe. Benɛ e pee ja a, hiɔwe wo gbi, nɛ e si si kpaago.

Kpojemi 11:8

nɛ a gbogboe ɔmɛ ma pue si ngɛ magbɛ nɔ, ngɛ ma nguaa a nɛ a sɛu a Nyɔmtsɛ ɔ ngɛ mi ɔ mi. A tsɛɛ jamɛ a ma a ngɛ abɛ gbi mi ke Sodom, loo Egipt.

Kpojemi 14:15

Kɛkɛ nɛ bɔfo kpa je sɔlemi we ɔ kɛ ba, nɛ e kpa ngmlaa wawɛɛ nɛ e de nɔ nɛ hii si ngɛ bɔku ɔ nɔ ɔ ke, “Ngɔɔ o ngma kpami ha a nɛ o kɛ kpa ní! Jehanɛ lɛɛ ní ba saminya ngɛ zugba a nɔ, nɛ be su nɛ a ma kpa ní!”

Kpojemi 14:8

Bɔfo enyɔne ba ngɛ kekleekle nɔ́ ɔ se, nɛ e ngɛ dee ke, “Babilon hɛ mi kpata! Babilon ma kpetekpleenyɛ ɔ hɛ mi kpata! Babilon yakayaka ní peemi ɔmɛ ha nɛ je ɔ tsuo puɛ; e ngɛ kaa dã nɛ nya wa nɛ e ha mɛ nɛ a nu.”

Kpojemi 16:13

Kɛkɛ nɛ i na mumi yayami etɛ nɛ a ngɛ kaa ovɔnɔhi. A je sinɔ nguaa a, kɛ lohwe awi yelɔ ɔ, kɛ lakpa gbalɔ ɔ a nya mi kɛ ma.

Kpojemi 16:19

Ma nguaa a mi gba etɛ, nɛ je ma amɛ a hɛ mi kpata. Mawu kai Babilon ma kpetekpleenyɛ ɔ, nɛ e ha nɛ e nu wai kɛ je e kplu ɔ mi. Wai nɛ ɔ daa si ha Mawu mi mi fumi nɛ nya wa a.

Kpojemi 17:18

“Yo ɔ nɛ o na a daa si ha ma kpetekpleenyɛ ɔ nɛ e matsɛ ɔ yeɔ ma amɛ tsuo a nɔ ngɛ je ɔ mi ɔ.”

Kpojemi 17:5

A ngma biɛ ko nɛ ji laami sane ngɛ e hɛ nya ke, “Babilon kpetekpleenyɛ, ajuamahi a nyɛ, kɛ níhi nɛ a hiee tsuo a je he.”

Kpojemi 18:10

A maa da si ngɛ se lokoo, ejakaa a maa ye gbeye kaa a maa gbla a kɛ Babilon tsuo a tue. A ma de ke, “Tsaoo! Akuanyɛ! Babilon, ma nguaa! Ma kpetekpleenyɛ! Ngmlɛfia kake too mi ɔ, hyɛ bɔ nɛ gbla o tue ha!”

Kpojemi 18:21

Jehanɛ ɔ, bɔfo kpetekpleenyɛ ko wo tɛ nɛ ngɛ kaa wɛ nguaa ko, nɛ e hɛ ngɔ fɔ wo mi, nɛ e de ke, “Kikɛ nɛ ɔ a maa hɛ Babilon ma kpetekpleenyɛ ɔ ngɔ fɔ he, nɛ a be lɛ nae hu gblegbleegble.

Kpojemi 5:2

Nɛ i na bɔfo kpetekpleenyɛ ko nɛ ngɛ fiɛe kɛ ngmlaa ke, “Mɛnɔ lɛ sa kaa e tsɔ womi nya sɔumi ní ɔmɛ, nɛ e bli womi kpo ɔ nya?”