Kpojemi 18:16 - BAIBLO ALOO NGMAMI KLƆUKLƆU Ɔ

¹⁶ nɛ a ma de ke, “Tsaoo! Akuanyɛ! Babilon, ma nguaa! Ma kpetekpleenyɛ! Sa a, kploba nɛ ngɛ fɛu, bo he jua wawɛ nɛ hɛɛ alamua tu su, kɛ bo tsu lɛ e buɔ, nɛ sika tsu, june, kɛ adiagba e kɛ dlaa e he!

Somi He Ɔ

¹⁶ nɛ a ma de ke: “Musu tloo, musu tloo ma kpetekpleenyɛ ɔ nɛ buɔ kploba nɛ ngɛ fɛu kɛ bo nɛ ngɛ kaa alamua yumu kɛ bo nɛ tsuɔ tsutsuutsu, nɛ dlaa e he kɛ sika tsu kɛ tɛhi nɛ a he jua wa kɛ adiagba a; ejakaa ngmlɛfia kake pɛ mi ɔ kikɛmɛ a ni babauu nɛ ɔ kulaa plɛ ma doku.”

Kpojemi 18:16 ပူးပေါင်းရင်းမြစ်များ

Ezekiel 28:14

I ngɔ Mawu bɔfo ko nɛ he ngɛ gbeye kɛ to lejɛ ɔ, konɛ e bu o he. O hi ye yo klɔuklɔu ɔ nɔ; o slaa si ngɛ tɛhi nɛ ngɛ kpɛe nylamnylam ɔ a kpɛti.

Nahum 2:9

Nyɛɛ ha sika hiɔ! Nyɛɛ ha sika tsu! Juetli hyi ma a tɔ!

Kpojemi 17:3

Mumi ɔ ba ye nɔ, nɛ bɔfo ɔ ngɔ mi kɛ ho nga nɔ ya. Kɛkɛ nɛ i na yo ko nɛ hii si ngɛ lohwe awi yelɔ tsutsuu ko nɔ. A ngma biɛhi fuu kɛ tu musu bɔmi munyuhi kɛ si Mawu ngɛ lohwe ɔ he tsuo. Lohwe ɔ ngɛ yi kpaago, kɛ koli nyɔngma.

Kpojemi 17:4

Yo ɔ wo tade he jua wawɛ nɛ hɛɛ alamua tu su, nɛ tsuɔ hulɔ; nɛ a kɛ sika tsu june, kɛ tɛ nɛ he jua wa, kɛ adiagba dla e he ha lɛ. E hɛɛ sika tsu kplu nɛ hyi tɔ kɛ zo ní ɔmɛ, kɛ e we ajuama bɔmi níhi nɛ a hiee ɔ.

Kpojemi 18:18

Nɛ benɛ a sã ma a, nɛ a na la su ku nɛ je ɔ, a kpa ngmlaa, nɛ a de ke, “Ma ko ma ko be nɛ kle kaa ma kpetekpleenyɛ nɛ ɔ!”

Kpojemi 18:19

A kɛ zu wo a yi mi, nɛ a wo yana, nɛ a nya awe. A kpa ngmlaa, nɛ a de ke, “Tsaoo! Akuanyɛ ha ma kpetekpleenyɛ ɔ! Lɛtsɛmɛ tsuo nɛ yeɔ jua ngɛ wo hɛ mi ɔ gu ní babauu nɛ e na a nɔ ba plɛ niatsɛmɛ. Nɛ ngmlɛfia kake too mi ɔ, ní babauu nɛ e na a tsuo bɔ lɛ!”