Kpojemi 18:13 - BAIBLO ALOO NGMAMI KLƆUKLƆU Ɔ

¹³ sinamon, tsopa kɛ e he via, mire, mimɛ, dã, nu, mamu, ngma, na, to, okpɔngɔ, zugba lɛ, nyɔguɛ, kɛ nimli nɛ a hɛ ngɛ tete.

Somi He Ɔ

¹³ kɛ sinamon kɛ amomon kɛ tsopahi kɛ a he viahi kɛ mimɛ kɛ ohɛ nɛ jee via, kɛ da kɛ nu, kɛ sikisiai kɛ ngma, kɛ nahi kɛ tohi, kɛ okpɔngɔhi kɛ zugba lɛhi, kɛ nyɔguɛhi kɛ nimli a klaahi.

Kpojemi 18:13 ပူးပေါင်းရင်းမြစ်များ

Matsɛmɛ I, 10:10

Enɛ ɔ se ɔ, Sheba manyɛ ɔ ke Matsɛ Salomo ní nɛ ɔmɛ nɛ e hɛɛ kɛ ba a: sika tsu kilo akpe eywiɛ, tsopa kɛ e he via babauu, kɛ tɛ nɛ he jua wa. Tsopa kɛ e he via nɛ Sheba manyɛ ɔ ba ke Matsɛ Salomo ɔ, Salomo na we eko nɛ hiɛ kaa ja hyɛ.

Matsɛmɛ I, 10:15

slo nɔ́ nɛ a tsuɔ ngɛ jua yeli a dɛ, kɛ se nami nɛ jeɔ jua yemi ní tsumi ɔ mi, kɛ tó nɛ Arabia matsɛmɛ ɔmɛ, kɛ Israel zugba a nɔ amlaalo ɔmɛ tsuɔ ha lɛ ɔ.

Matsɛmɛ I, 10:25

Nɔ tsuaa nɔ kɛ nike ní nɛ ɔmɛ eko baa: sika hiɔ, sika tsu níhi, tade, ta hwumi níhi, tsopa kɛ e he via, okpɔngɔ, kɛ teji okpɔngɔ. Nɔ́ nɛ ɔ ya nɔ daa jeha.

Kronika I, 5:21

A nuu a he nyɛli ɔmɛ a we afukpɔngɔ akpe nyingmi enuɔ, jijɔ akpe lafa enyɔ kɛ nyingmi enuɔ, teji akpe enyɔ, kɛ ta buli akpe lafa kɛ ho.

Kronika II, 9:9

Enɛ ɔ se ɔ, Sheba manyɛ ɔ ke Matsɛ Salomo ní nɛ ɔmɛ nɛ e hɛɛ kɛ ba a: sika tsu nɛ jiɔmi ji kilo akpe eywiɛ kɛ se, tsopa kɛ e he via babauu, kɛ tɛ nɛ he jua wa. Tsopa kɛ e he via nɛ Sheba manyɛ ɔ ba ke Salomo ɔ, a nɛ eko hyɛ nɛ kɛ lɛ sɔ.

Nehemia 5:8

I de ke, “Wɔɔ lɛɛ wa ngɛ mɔde bɔe kaa wa ma kpɔ wa nyɛmimɛ Yuda bi ɔmɛ nɛ hiami nya a, a jua a he ngɔ ha nibwɔhi ɔ. Se nyɛɛ lɛɛ nyɛ ngɛ nyɛ nitsɛmɛ nyɛ nyɛmimɛ ɔmɛ a nɔ nyɛe kaa a jua a he ngɔ ha nyɛ a nyɛmimɛ Yuda bi!” Ma nimeli ɔmɛ pee kɔ̃; ejakaa a be nya jemi ko.

Mose II, 21:16

“Nɔ tsuaa nɔ nɛ maa ju nɔmlɔ nɛ e maa jua, loo a maa na lɛ ngɛ e dɛ ɔ, a gbe lɛ.

Abɛ Womi 7:17

I kɛ tsopa kɛ e he via nɛ ɔmɛ wo sa a mi: mimɛ, aloe, kɛ sinamon.

Lahi 1:3

O he ngɛ via jee kaa nɔ́ ko; ke a wo o biɛ ta pɛ a kaiɔ o he via a; lɔ ɔ he nɛ yi ɔmɛ tsuo suɔ mo ɔ nɛ.

Lahi 3:6

Mɛni je nga kplanaa a nɔ kɛ ma nɛ ɔ? Mɛni lɛ ma kaa la su ku kusuu nɛ ɔ? Mɛni ji nɛ ɔ kɛ e he via kaa tsopa kɛ e he via, aloo mimɛ, aloo jua yeli a tsopa kpa komɛ nɛ jee via a?

Lahi 5:5

I te si, konɛ ma bli sinya a ha ye suɔlɔ ɔ. I kpa ye kɔni ɔmɛ a he mimɛ, nɛ e he nyu ɔ ngɛ dɛe ngɛ ye nine nguɛ nya kɛ ngɛ sinya a se lami nɔ́ ɔ nɛ i pɛtɛ he ɔ nɔ puee.

Yesaya 50:1

Yawɛ ke, “Anɛ nyɛ susuɔ kaa i ha ye ma a je ye he kɛ ho kaa bɔ nɛ nyumu kɛ e yo poɔ gba mi, nɛ e haa yo ɔ gba mi pomi womi ɔ lo? Ke ja nyɛ susu ɔ, jije gba mi pomi womi ɔ ngɛ mɔ? Anɛ nyɛ susuɔ kaa i jua nyɛ kɛ ho ma se ya kaa bɔ nɛ a juaa bimɛ kaa nyɔguɛhi lo? Dɛbi, nyɛ yayami ɔmɛ a he nɛ a jua nyɛ ɔ nɛ; nyɛ mlaa tɔmi ɔmɛ a he a fie nyɛ kɛ ho ɔ nɛ.

Ezekiel 27:13

O kɛ Hela, Tubal, kɛ Meshek hu ye jua. A ngɔɔ nɔmlɔ adesa po, akɔblee níhi, okpɔngɔhi, kɛ teji okpɔngɔhi kɛ ba tsakee o guɛ ní ɔmɛ.

Amos 2:6

Yawɛ ke, “Nyɛ Israel ma, nyɛ pee yayamihi nɔtonɔto babauu. Nimli kpakpahi nɛ a hɛɛ hiɔ, kɛ dɛgutsɛmɛ nɛ a nyɛ we nɛ a wo tokota nane hiɛ kɛ hiɛ he hiɔ ɔ, nyɛ juaa mɛ kaa nyɔguɛhi. Enɛ ɔmɛ a he je ɔ, ja i gbla nyɛ tue.

Amos 6:6

Nyɛ nuɔ dã bami ngɛ tsimi agboagbohi a mi, nɛ nyɛ kpaa nu je via kpakpahi. Se nyɛ yi kɔmɔ kaa a ma kpata Israel hɛ mi.

Amos 8:6

Wa maa jua ngma bibliwi po kɛ he jua wawɛ. Wa ma he ohiatsɛmɛ kɛ pee wa nyɔguɛhi, ejakaa a be nyɛe maa wo a hiɔ ɔmɛ. Ke ohiatsɛ ko hɛɛ hiɔ nɛ e nya maa su kaa tokota nane hiɛ kɛ hiɛ po, e be nyɛe maa wo.”

Mose V, 24:7

“Nɔ tsuaa nɔ nɛ maa ju e nyɛmi Israel no, nɛ e maa pee lɛ nyɔguɛ, aloo e maa jua lɛ ɔ, á gbe lɛ. Bɔ nɛ o maa pee kɛ je yayami nɛ ɔ kɛ je nyɛ kpɛti ji nɛ ɔ nɛ.

Mose V, 28:68

E ngɛ mi kaa Yawɛ de ke nyɛ be kpalee kɛ ya Egipt gblegbleegble lɛɛ, se e maa wo nyɛ lɛ, nɛ e maa kpale nyɛ kɛ ya lejɛ ɔ. Nyɛ ma hla kaa nyɛ maa jua nyɛ he kaa nyɔguɛ ha nyɛ he nyɛli ɔmɛ ngɛ lejɛ ɔ, se a be nɔ ko nae nɛ ma he nyɛ.”

1 Timoteo 1:10

Ni kpahi hu nɛ a woɔ mlaa ha mɛ ji nihi nɛ fiɛɔ yo kɛ nyumu yakayaka fiɛmi, nyumuhi nɛ kɛ nyumuhi hwɔɔ, nɔmlɔ juli, nihi nɛ ngɔɔ nya, nihi nɛ kaa kita kɛ yeɔ lakpa odase, kɛ nihi tsuo nɛ peeɔ níhi nɛ kɛ tsɔɔmi kpakpa a yɛ́.

2 Petro 2:3

Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.

Kpojemi 18:14

Jua yeli ɔmɛ ma de ke, “Ní kpakpahi nɛ e jlo mo kaa o ná a, lɛ tsuo se po; ní babauu nɛ o ná, kɛ o yi nɔ nɛ o fiɛ saminya a, lɛ tsuo bɔ mo, nɛ o be nae hu gblegbleegble.”

Kpojemi 18:15

Jua yeli nɛ ye jua ngɛ jamɛ a ma a mi, nɛ ba pee niatsɛmɛ ɔ, a maa da se lokoo, ejakaa a maa ye gbeye kaa a maa gbla a kɛ Babilon tsuo a tue. A maa wo yana, nɛ a ma nya awe boboobo;