Kpojemi 18:10 - BAIBLO ALOO NGMAMI KLƆUKLƆU Ɔ

¹⁰ A maa da si ngɛ se lokoo, ejakaa a maa ye gbeye kaa a maa gbla a kɛ Babilon tsuo a tue. A ma de ke, “Tsaoo! Akuanyɛ! Babilon, ma nguaa! Ma kpetekpleenyɛ! Ngmlɛfia kake too mi ɔ, hyɛ bɔ nɛ gbla o tue ha!”

Somi He Ɔ

¹⁰ A maa da se lokoo ngɛ e piimi ɔ he gbeye yemi ɔ he, nɛ a ma de ke: “Musu tloo, musu tloo, ma kpetekpleenyɛ ɔ, Babilon, ma nɛ he wa a! ejakaa ngmlɛfia kake mi nɛ o kojomi ɔ ba nɛ ɔ nɛ.

Kpojemi 18:10 ပူးပေါင်းရင်းမြစ်များ

Yesaya 21:9

Tlukaa a, ta zugba lɛ kɛ e mi nimli, kɛ okpɔngɔ ta buli nɛ to enyɔɔnyɔ ji nɛ ɔ nɛ ba hia kpo. Kɛkɛ nɛ bulɔ ɔ kpa ngmlaa ekohu ke, “Babilon hɛ mi kpata oo, e hɛ mi kpata! Amaga amɛ nɛ a ngɛ jae ɔ tsuo ku pueɔ si!”

Yesaya 47:9

Se tlukaa, ligbi kake mi ɔ, nɔ́ enyɔ nɛ ɔmɛ maa ba o nɔ; o maa ye kunya, nɛ o maa fi kablɛ babauu, se o huno, kɛ o bimɛ tsuo maa laa mo.

Yeremia 30:7

Ligbi ko ma nɛ ngɛ gbeye; ligbi nɛ ɔ eko bɛ hyɛ. E ji amanehlu be kɛ ha Yakob nina, ye ma a, se kɛ̃ ɔ, a yi ma na wami.”

Ezekiel 32:9

“Je mahi babauu, ngɛ zugbahi a nɔ he nɛ o li tete po, ke a nu bɔ nɛ i kpata o hɛ mi ɔ, a maa ye tsui.

Yoel 1:15

Yawɛ ligbi ɔ su ta; ligbi nɛ Ope ɔ ma kpata wa hɛ mi ɔ su. E maa pee gbeye jamɛ a ligbi ɔ!

Amos 5:16

Nyɛ yayami ɔmɛ a he je ɔ, bɔ nɛ Nyɔmtsɛ Yawɛ Tabohiatsɛ Mawu ɔ ngɛ dee ji nɛ ɔ nɛ: “A maa wo yana ngɛ kpe he ɔmɛ, kɛ gbɛjegbɛ ɔmɛ a nɔ, nɛ nihi maa hi dee ke, ‘Ao! Ao!’ A ma tsɛ ngmɔ huli po kɛ ba, nɛ a ma ba ye kɔmɔ ha nyɛ; a ma tsɛ nihi nɛ laa kɔmɔ yemi la kɛ ba, nɛ a ba nya awe.

Mose IV, 16:34

Israel bi tsuo nɛ ngɛ lejɛ ɔ tu fo benɛ a nu ni ɔmɛ a ngmlaa kpami ɔ. A de ke, “Nyɛ ha waa tu fo, ke pi ja a wɔ hu zugba a maa mii wɔ!”

Kpojemi 11:8

nɛ a gbogboe ɔmɛ ma pue si ngɛ magbɛ nɔ, ngɛ ma nguaa a nɛ a sɛu a Nyɔmtsɛ ɔ ngɛ mi ɔ mi. A tsɛɛ jamɛ a ma a ngɛ abɛ gbi mi ke Sodom, loo Egipt.

Kpojemi 14:8

Bɔfo enyɔne ba ngɛ kekleekle nɔ́ ɔ se, nɛ e ngɛ dee ke, “Babilon hɛ mi kpata! Babilon ma kpetekpleenyɛ ɔ hɛ mi kpata! Babilon yakayaka ní peemi ɔmɛ ha nɛ je ɔ tsuo puɛ; e ngɛ kaa dã nɛ nya wa nɛ e ha mɛ nɛ a nu.”

Kpojemi 16:19

Ma nguaa a mi gba etɛ, nɛ je ma amɛ a hɛ mi kpata. Mawu kai Babilon ma kpetekpleenyɛ ɔ, nɛ e ha nɛ e nu wai kɛ je e kplu ɔ mi. Wai nɛ ɔ daa si ha Mawu mi mi fumi nɛ nya wa a.

Kpojemi 17:12

“Koli nyɔngma amɛ nɛ o na a daa si ha matsɛmɛ nyɔngma nɛ mɛɛ lɛɛ a yi tsɛ lolo. Se kɛ̃ ɔ, a ma ha mɛ blɔ nya nɛ a kɛ lohwe awi yelɔ ɔ maa ye tsɛ ngmlɛfia kake.

Kpojemi 18:18

Nɛ benɛ a sã ma a, nɛ a na la su ku nɛ je ɔ, a kpa ngmlaa, nɛ a de ke, “Ma ko ma ko be nɛ kle kaa ma kpetekpleenyɛ nɛ ɔ!”

Kpojemi 18:19

A kɛ zu wo a yi mi, nɛ a wo yana, nɛ a nya awe. A kpa ngmlaa, nɛ a de ke, “Tsaoo! Akuanyɛ ha ma kpetekpleenyɛ ɔ! Lɛtsɛmɛ tsuo nɛ yeɔ jua ngɛ wo hɛ mi ɔ gu ní babauu nɛ e na a nɔ ba plɛ niatsɛmɛ. Nɛ ngmlɛfia kake too mi ɔ, ní babauu nɛ e na a tsuo bɔ lɛ!”

Kpojemi 18:21

Jehanɛ ɔ, bɔfo kpetekpleenyɛ ko wo tɛ nɛ ngɛ kaa wɛ nguaa ko, nɛ e hɛ ngɔ fɔ wo mi, nɛ e de ke, “Kikɛ nɛ ɔ a maa hɛ Babilon ma kpetekpleenyɛ ɔ ngɔ fɔ he, nɛ a be lɛ nae hu gblegbleegble.

Kpojemi 18:8

Enɛ ɔ he je ɔ, haomi nɛ ɔmɛ maa ba e nɔ ligbi kake too: gbenɔ hiɔ, aywilɛho, kɛ hwɔ. Nɛ a kɛ la maa sã lɛ, ejakaa Nyɔmtsɛ Mawu ɔ nɛ maa kojo lɛ ɔ, e kle.”