Kpojemi 17:8 - BAIBLO ALOO NGMAMI KLƆUKLƆU Ɔ

⁸ Lohwe ɔ nɛ o na a, be ko ɔ, e hɛ ngɛ, se piɔ lɛɛ e be je mi hu. E be kɛe nɛ e maa je muɔ voo ɔ mi kɛ ba, nɛ a ma kpata e hɛ mi pɛsɛpɛsɛ. Nɛ nihi tsuo nɛ ngɛ je ɔ mi nɛ a ngmɛ a biɛ ngɛ wami womi ɔ mi loko a bɔ je ɔ, ke a na lohwe ɔ, a nya maa kpɛ a he saminya. E hi si be ko; amlɔ nɛ ɔ lɛɛ e be je mi, se e maa kpale ba ekohu.

Somi He Ɔ

⁸ Lohwe ɔ nɛ o na a hi si hyɛ, se e be hu. E maa je muɔ voo ɔ mi kɛ je kpo kɛ ba be kɛ ho hɛ mi kpatami mi ya; nɛ nihi nɛ a ngɛ zugba a nɔ nɛ a ngmɛ́ a biɛ ngɛ wami womi ɔ mi kɛ je je mi sisije ɔ nya maa kpɛ a he, ke a na lohwe ɔ nɛ hi si hyɛ nɛ e be hu nɛ e maa ba a.

Kpojemi 17:8 ပူးပေါင်းရင်းမြစ်များ

La 69:28

Ha nɛ a gbe a biɛ ngɛ nihi nɛ ngɛ je mi kɛ mwɔɔ ɔ a womi ɔ mi, nɛ a ko ngma a biɛ kɛ piɛ nihi nɛ peeɔ nɔ́ nɛ da a he.

Daniel 11:45

E maa ma matsɛ bo tsu agboagbohi ngɛ wo ɔ, kɛ yo ɔ nɛ Yawɛ we ɔ maa si ngɛ nɔ ɔ a kpɛti. Se e ma gbo ngɛ lejɛ ɔ, nɛ nɔ ko be bae nɛ e ba je ngmlaa ha lɛ.”

Daniel 7:11

Benɛ i ngɛ nɔ́ nɛ ɔ hyɛe ɔ, i nu nɛ koli nyafii ɔ ngɛ munyu tue putɛputɛɛ kɛ mwɔɔ. Tlukaa a, a gbe lohwe eywiɛne ɔ; a tsɔtslɔɔ e mi, nɛ a sake lɛ ngɔ fɔ la a mi.

Daniel 7:26

Pee se ɔ, kojoli ɔmɛ ma ba kojo; a maa ngɔ he wami ɔ ngɛ e dɛ, nɛ a ma kpata e hɛ mi kɛ gbe nya.

Daniel 7:3

Tlukaa a, lohwe nguangua munomuno eywiɛ je wo ɔ mi kɛ ba.

Daniel 7:7

Benɛ i ngɛ lɛ hyɛe ɔ, lohwe eywiɛne ba hia si. Lohwe nɛ ɔ he ngɛ gbeye kɛ nyakpɛ, nɛ e ngɛ he wami saminya. E kɛ e dade lungu vamvam ɔmɛ tsɔtslɔɔ lohwehi a mi kpɔ nya kpɔ nya nɛ e yeɔ. Ní nɛmɛ nɛ piɛ ɔ lɛɛ e naa a nɔ. Slo lɛ ngɛ lohwe ɔmɛ nɛ nyɛɛ e hɛ mi ɔ a he; lohwe nɛ ɔ lɛɛ e ngɛ koli nyɔngma.

Mateo 25:34

Kɛkɛ ɔ, matsɛ ɔ ma de nihi nɛ ngɛ e hiɔ nɔ ɔ ke, ‘Nyɛ nihi nɛ Tsaatsɛ gbaa nyɛ, nyɛɛ ba! Matsɛ yemi ɔ nɛ a dla ngɔ to nyɛ kɛ je be nɛ a to je ɔ sisi ɔ, nyɛ ba ngɔ.

Luka 10:20

Se, nyɛ ko na bua jɔmi kaa mumi yayami ɔmɛ buɔ nyɛ tue; nyɛ bua nɛ jɔ mohu kaa a ngma nyɛ biɛ ngɛ hiɔwe.”

Luka 8:31

Kɛkɛ nɛ mumi yayami ɔmɛ de Yesu ke, “Wa kpa mo pɛɛ, ko ha nɛ wa ya sɛ muɔ voo ɔ nɛ ngɛ zugba a sisi ɔ mi.”

Yohane 17:24

“Tsaatsɛ! Nihi nɛ o tu ngɔ wo ye dɛ mi ɔ, he nɛ i ngɛ ɔ, i suɔ kaa mɛ hu a hi lejɛ ɔ, bɔ nɛ pee nɛ a na ye hɛ mi nyami ɔ. O ha ye hɛ mi ba nyami, ejakaa benɛ o na we nɛ o bɔ je ɔ tete po o suɔ mi.

Ni Tsumi 15:18

Nyɔmtsɛ ɔ, nɔ nɛ ha nɛ a le enɛ ɔmɛ tsuo kɛ je blema lokoo ɔ lɛ de.’ ”

Efesobi 1:4

Benɛ a na we nɛ a bɔ je ɔ tete po ɔ, Mawu hla wɔ ngɔ pee lɛ nitsɛ e nihi momo ngɛ Kristo mi. E pee enɛ ɔ, konɛ wa he nɛ tsɔ, nɛ piami ko kó hi wa he ngɛ e hɛ mi. Mawu suɔ wɔ saminya, enɛ ɔ he ɔ,

Tito 1:2

Wa ngɛ hɛ kɛ nɔ fɔmi kaa enɛ ɔ ma ha wɔ neneene wami. Mawu nɛ yi lakpa a wo si kaa e ma ha wɔ kikɛmɛ a neneene wami nɛ ɔ be nɛ a na we nɛ a bɔ nɔ́ ko nɔ́ ko.

1 Petro 1:20

Mawu hla lɛ momo loko a to je ɔ sisi, nɛ a je lɛ kpo ngɛ nyagbe be nɛ ɔmɛ a mi ngɛ nyɛ he.

Kpojemi 11:7

Ke a gbe odase yemi ɔ nya a, lohwe awi yelɔ ɔ nɛ jeɔ muɔ voo ɔ mi ɔ kɛ mɛ ma ba hwu ta. E maa ye a nɔ, nɛ e maa gbe mɛ,

Kpojemi 17:11

Lohwe awi yelɔ ɔ nɛ ngɛ sa a, nɛ piɔ lɛɛ e be je mi hu ɔ, e maa pee matsɛ kpaanyɔne; e ye tsɛ momo kaa matsɛmɛ kpaago ɔmɛ a ti nɔ kake, nɛ a ma kpata e hɛ mi pɛsɛpɛsɛ.

Kpojemi 17:2

Matsɛmɛ ɔmɛ nɛ ngɛ je ɔ mi ɔ kɛ lɛ bɔ ajuama; nɛ nimli nɛ ngɛ zugba a nɔ ɔ pee kaa nihi nɛ tɔ dã, benɛ e kɛ mɛ fiɛ yakayaka fiɛmi ɔ.”

Kpojemi 20:10

Kɛkɛ nɛ a hɛ Abosiami ɔ nɛ sisi mɛ ɔ ngɔ fɔ taku kɛ e mi la nɛ ngɛ tsoe gegeege ɔ mi he nɛ lohwe awi yelɔ ɔ, kɛ lakpa gbalɔ ɔ ngɛ ɔ. Nɛ a ma pii mɛ nyɔ kɛ pia kɛ ya neneene.

Kpojemi 20:12

Jehanɛ ɔ, i na nihi nɛ gbo ɔ tsuo nɛ daa si ngɛ matsɛ sɛ ɔ hɛ mi, ni nguahi, kɛ ni wawihi. A bli womihi a nya; womi nɛ ɔmɛ ɔ, níhi nɛ nimlihi tsuo pee ɔ, lɔ ɔmɛ a ngma kɛ wo mi. A bli womi kpa hu nya; nɛ enɛ ɔ lɛɛ nihi nɛ a hɛ ngɛ ɔ a biɛ nɛ a ngma kɛ wo mi. A kojo ni gbogboe ɔmɛ ngɛ níhi nɛ a pee ɔ a he kaa bɔ nɛ a ngma ngɔ wo womi ɔmɛ a mi ɔ.

Kpojemi 20:15

Nɔ tsuaa nɔ nɛ a nɛ kaa a ngma e biɛ ngɛ hɛ kali a womi ɔ mi ɔ, kɛkɛ a hɛ lɛ ngɔ fɔ taku kɛ e mi la nɛ ngɛ tsoe gegeege ɔ mi.

Kpojemi 3:10

I wo mo mlaa ke o to o tsui si ngɛ nɔ́ nami mi; nɛ o ye nɔ. Enɛ ɔ he je ɔ, amanehlu nguaa a nɛ ma je ɔ tsuo nɔ ɔ, ke be ɔ su ɔ, imi hu ma ha nɛ o maa ye o he. Ee, a kɛ amanehlu nɛ ɔ maa ka nihi tsuo ngɛ je ɔ mi.

Kpojemi 3:5

Nihi nɛ maa ye kunimi ɔ, a maa wo ní hiɔ ha mɛ kaa kikɛ nɛ ɔ, nɛ i be a biɛ gbee ngɛ hɛ kali a womi ɔ mi. Nɛ ma jaje ngɛ Tsaatsɛ kɛ e bɔfo ɔmɛ a hɛ mi paa kaa ye nihi ji mɛ.