Kpojemi 17:15 - BAIBLO ALOO NGMAMI KLƆUKLƆU Ɔ

¹⁵ Bɔfo ɔ ya nɔ nɛ e de mi ke, “Nyu kpekpemi ɔ nɛ o na nɛ yo ajuama a hii si ngɛ nɔ ɔ daa si ha mahi, je mahi, nimli slɔɔtoslɔɔtohi, kɛ gbi munomunohi.

Somi He Ɔ

¹⁵ Nɛ hiɔwe bɔfo ɔ de mi ke: “Nyu ɔ nɛ o na nɛ yo ajuama a hii si ngɛ nɔ ɔ ji mahi kɛ asafohi kɛ je mahi kɛ mahi a nɔ gbihi.

Kpojemi 17:15 ပူးပေါင်းရင်းမြစ်များ

Kpojemi 17:1

Enɛ ɔ se ɔ, bɔfo kpaago ɔmɛ nɛ hɛɛ kplu kpaago ɔmɛ a ti nɔ kake ba de mi ke, “Ba nɛ ma tsɔɔ mo bɔ nɛ Mawu maa gbla ajuama kpanaku ɔ tue ha. Jamɛ a ma kpetekpleenyɛ ɔ nɛ a ma ngɔ fɔ pahi babauu a tue ɔ i ngɛ tsɔɔe ɔ nɛ.

Yeremia 51:55

I ngɛ Babilon hɛ mi kpatae nɛ nɔ ko pa be e he nue hu. Ta buli ɔmɛ a he sɔ kɛ ba sɛ ma a mi, nɛ a ba tua a he nyɛli ɔmɛ gidigidi kɛ ngmlaa kaa bɔ nɛ oslɔke kuɔ kɛ ba pueɔ wo dɔ mi ɔ.

Yeremia 51:13

Pahi fuu ngɛ jamɛ a zugba a nɔ, nɛ a juetli hu hiɛ babauu. Se a nyagbe ɔ su; a po a wami kpa a.

Kpojemi 11:9

Nɛ ma amɛ, wɛtso ɔmɛ, gbi slɔɔto ɔmɛ, kɛ je ma amɛ tsuo maa hi a gbogboe ɔmɛ hyɛe gaa kikɛ nɛ ɔ ligbi etɛ kɛ fa nɛ a be kplɛɛe nɛ a pu mɛ.

Kpojemi 10:11

Nɛ a de mi ke, “Mawu sɛ gbi ɔ nɛ kɔɔ mahi, je mahi, gbihi, kɛ matsɛmɛ babauu a he ɔ, e sa kaa o fiɛ ekohu.”

Yeremia 51:42

Wo ɔ te si kɛ wo Babilon, nɛ wo oslɔke ɔmɛ nɛ ngɛ pɛe ɔ ha e nɔ.

La 65:7

Ke wo gli, nɛ oslɔke ɔmɛ pee hamahama a, mo lɛ o jɔɔ a he lɛ a peeɔ dii kulaa. Nimli adesahi nɛ ngɛ basabasa hu mo nɔuu lɛ o jɔɔ a he.

La 18:4

Gbenɔ oslaa bɔle mi kɛ kpe; niinɛ, nimli yayamihi babauu bɔle mi kaa pa nɛ hia kɛ bee.

Yeremia 47:2

Yawɛ ke, “Hyɛ! Nyu babauu je omleyi je kɛ ma kaa pa nɛ hia lalaala. Nyu nɛ ɔ ma ba ha zugba a nɔ tsuo; e maa ha mahi, nimli, kɛ nɔ́ tsuaa nɔ́ nɔ. Ngmlaa maa je nyumuhi po a nya, nɛ nɔ tsuaa nɔ maa wo yana ngɛ zugba a nɔ.

Ezekiel 31:4

Nyu babaaba ngɛ lejɛ ɔ, kɛ zugba a mi tsuo; lɔ ɔ he ɔ, e na niye ní bɔ nɛ sa. Nyu ɔ ha tso kpa amɛ tsuo bɔ ngɛ lejɛ ɔ.

Kpojemi 5:9

Hɛ kali ɔmɛ, kɛ ni kpa amɛ la la he kɛ ha To bi ɔ ke, “Mo nɛ o sa kaa o heɔ womi kpo ɔ, nɛ o tsɔɔ nya sɔumi ní ɔmɛ. Ejakaa a gbe mo, nɛ o kɛ o muɔ ɔ he adesahi tsuo, wɛtsohi, gbihi, mahi, kɛ je mahi kɛ ha Mawu.