Kpojemi 17:14 - BAIBLO ALOO NGMAMI KLƆUKLƆU Ɔ

¹⁴ Lohwe ɔ, kɛ matsɛmɛ ɔmɛ ma ya tua To bi ɔ. Se To bi ɔ, kɛ e se nyɛɛli ɔmɛ maa ye a nɔ kunimi. Lɛ ji nyɔmtsɛmɛ a nyɔmtsɛ, kɛ matsɛmɛ a matsɛ, nɛ e se nyɛɛli ɔmɛ ji nihi nɛ Mawu tsɛ, nɛ e hla mɛ ngɔ to, nɛ a yeɔ lɛ anɔkuale.”

Somi He Ɔ

¹⁴ Ni nɛ ɔmɛ kɛ Tobi ɔ maa huw ta, nɛ Tobi ɔ maa ye a nɔ, ejakaa lɛ ji nyɔmtsɛmɛ a Nyɔmtsɛ kɛ matsɛmɛ a Matsɛ, nɛ nihi nɛ a kɛ lɛ ngɛ ɔ ji ninɛmɛ nɛ a tsɛ kɛ ninɛmɛ nɛ a hia kɛ ninɛmɛ nɛ heɔ yeɔ ɔ.”

Kpojemi 17:14 ပူးပေါင်းရင်းမြစ်များ

La 110:5

Nyɔmtsɛ ɔ ngɛ o hiɔ nɔ; ligbi ɔ nɛ e mi mi maa wo la a, e ma kpata matsɛmɛ ɔmɛ a hɛ mi.

Yeremia 1:15

I ngɛ je ma amɛ tsuo nɛ ngɛ omleyi je ɔ kpee kɛ ma Yerusalem. Matsɛ tsuaa matsɛ kɛ e sɛ ma ba ma Yerusalem agbo ɔmɛ a nya, kɛ gbogbo ɔmɛ a he kɛ kpe. A maa pee ja nɔuu ngɛ Yuda ma kpa amɛ hu a mi.

Yeremia 50:44

“Kaa bɔ nɛ jata hiaa kpo vlai kɛ jeɔ pu mi ngɛ Yordan pa a he kɛ baa lohwehi a ní yemi he ɔ, ja imi Yawɛ, ma ba tlukaa nɛ ma ba fie Babilonia bi ɔmɛ kɛ je a ma a mi kɛ fo. Kɛkɛ ɔ, hɛ mi nyɛɛlɔ ɔ nɛ ma hla a, lɛ ji nɔ nɛ maa ye ma a nɔ. Mɛnɔ lɛ e kɛ mi sɔ? Mɛnɔ ma nyɛ nɛ e kɛ mi maa to ní? Te nɔ yelɔ nɛ ma nyɛ ye hɛ mi maa da?

Daniel 2:44

Matsɛmɛ nɛ ɔmɛ a yi nɔ ɔ, Mawu nɛ ngɛ hiɔwe ɔ maa to matsɛ yemi ko sisi, nɛ e se be poe gblegbleegble. Matsɛ yemi nɛ ɔ, nɔ ko nɔ ko be nyɛe maa ye e nɔ; e ma kpata matsɛ yemi kpa amɛ tsuo a hɛ mi, nɛ e maa hi si kɛ maa ya neneene.

Daniel 2:47

Matsɛ ɔ de Daniel ke, “Niinɛ, o Mawu ɔ kle pe mawu ɔmɛ tsuo; matsɛmɛ a nyɔmtsɛ ji lɛ, nɛ lɛ ji nɔ nɛ jeɔ laami sanehi kpo ngɔ tsɔɔ nɔ. I na le nɔ́ nɛ ɔ, ejakaa o nyɛ́ tsɔɔ mi laami sane nɛ ɔ sisi.”

Daniel 7:21

I na nɛ jamɛ a koli ɔ kɛ ni klɔuklɔu ɔmɛ hwu ta, nɛ e ye a nɔ kunimi.

Zakaria 2:8

Nyɛ he jua wa ha mi saminya; lɔ ɔ he ɔ, nɔ nɛ maa ta nyɛ he ɔ, i be lɛ kplɛɛe.” Enɛ ɔ he je ɔ, Yawɛ Tabohiatsɛ ɔ tsɔ mi ke ma ba de je ma amɛ nɛ ba ha e ma a ní ɔ ke,

Mateo 22:14

Yesu gbe e munyu ɔ nya ke, “A tsɛ nihi fuu, se bɔɔ pɛ a hla.”

Mateo 25:40

Matsɛ ɔ ma he nɔ ke, ‘Niinɛ, i ngɛ nyɛ dee ke, be abɔ nɛ nyɛ pee ngɔ ha ye nyɛmimɛ nɛ ɔmɛ a ti nɔ nyafii pe kulaa a, imi nyɛ pee ngɔ ha a nɛ!’

Mateo 28:18

Yesu hɛ lɛ kɛ su a he, nɛ e de mɛ ke, “A ha mi he blɔ ngɛ níhi tsuo nɛ ngɛ hiɔwe kɛ zugba a nɔ.

Yohane 15:16

Pi nyɛ nɛ nyɛ hla mi. Imi mohu nɛ i hla nyɛ nɛ i tsɔ nyɛ, konɛ nyɛ ya wo yiblii nɛ maa hi si daa. Kɛkɛ ɔ, nɔ́ tsuaa nɔ́ nɛ nyɛ ma kpa he pɛɛ ngɛ ye biɛ mi ɔ, Tsɛ ɔ ma ha nyɛ.

Romabi 1:6

Nyɛ nihi nɛ nyɛ ngɛ Roma, nɛ Mawu tsɛ nyɛ nɛ nyɛ ba pee Kristo we bi ɔ, nyɛ hu nyɛ piɛ he.

Romabi 8:30

Lɔ ɔ he ɔ, nihi nɛ Mawu hla a, mɛ nɔuu e tsɛ, nihi nɛ e tsɛ ɔ, mɛ nɔuu e wo nguɔ, nɛ nihi nɛ e wo nguɔ ɔ, e wo mɛ nɔuu a hɛ mi nyami.

Romabi 8:37

Dɛbi! Ngɛ enɛ ɔmɛ tsuo a mi ɔ, nɔ nɛ suɔ wɔ ɔ haa wa yeɔ kunimi babauu.

1 Korintobi 15:24

Lɔ ɔ se ɔ, je mi nyagbe maa ba. Kristo maa ye mumi mi nɔ yeli, kɛ blɔ nyahi, kɛ he wami tsuo a nɔ, nɛ e maa ngɔ matsɛ yemi ɔ ngɔ ha Mawu nɛ ji Tsɛ ɔ.

Mose V, 10:17

Yawɛ, nyɛ Mawu ɔ ji Mawu nɛ pe mawuhi tsuo kulaa, nɛ e he wami se be. E ji Mawu nɛ kle, nɛ e he wa; nɛ e sa nɛ a ye lɛ gbeye. E hyɛ we nɔ hɛ mi, nɛ e he we nyɔ mi ní.

1 Timoteo 6:15

Mawu pɛ ji je ɔ tsuo nɔ yelɔ nɛ pe kulaa. Lɛ ji matsɛmɛ a matsɛ, kɛ nyɔmtsɛmɛ tsuo a nyɔmtsɛ. E ma je Kristo kpo kɛ tsɔɔ ngɛ lɛ nitsɛ e be nɛ e to nɛ sa a mi.

2 Timoteo 2:4

Ke ta bulɔ ngɛ ta hwue ɔ, e suɔ kaa e maa pee nɔ́ nɛ maa sa e tatsɛ ɔ hɛ mi be tsuaa be; lɔ ɔ he ɔ, e peeɔ klaalo kɛ haa e tatsɛ ɔ pɛ; e kɛ e he wui ma mi sanehi a mi.

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

Kpojemi 1:5

kɛ Yesu Kristo nɛ yeɔ anɔkuale odase ɔ, nɛ lɛ ji kekleekle nɔ nɛ Mawu tle si kɛ je gbeje, nɛ lɛ nɛ e yeɔ zugba a nɔ matsɛmɛ ɔmɛ a nɔ ɔ nɛ dloo nyɛ, nɛ e ha nyɛ he jɔmi ja nɔuu. Nɔ nɛ suɔ wɔ, nɛ e kɛ lɛ nitsɛ e muɔ kpɔ wɔ kɛ je wa he yayami ɔmɛ a mi, nɛ

Kpojemi 11:7

Ke a gbe odase yemi ɔ nya a, lohwe awi yelɔ ɔ nɛ jeɔ muɔ voo ɔ mi ɔ kɛ mɛ ma ba hwu ta. E maa ye a nɔ, nɛ e maa gbe mɛ,

Kpojemi 16:14

Abosiami mumi nɛ tsuɔ nyakpɛ ní ji mɛ. Mumi yayami etɛ nɛ ɔmɛ yaa je nɛ ɔ mi matsɛmɛ ɔmɛ tsuo a ngɔ, konɛ a ya bua a nya kɛ ha ta nɛ maa ba ligbi nguaa a nɛ Mawu Ope ɔ maa kojo je ɔ.

Kpojemi 2:10

Koo ye amanehlu nɛ ma o nɔ ɔ gbeye! Hyɛ! Abosiami miɔ nɛ e maa wo nyɛ ti ni komɛ tsu, konɛ a kɛ ka nyɛ; nɛ nyɛ maa na nɔ́ ligbi nyɔngma. Ye mi anɔkuale kɛ yaa si gbenɔ mi tete po, nɛ ma ha mo wami kaa kunimi nɛ o ye ɔ he jlasi.

Kpojemi 2:13

I le o hi he ɔ kaa Abosiami matsɛ sɛ ɔ ngɛ lejɛ ɔ. Se o pɛtɛ ye biɛ he. Nɛ benɛ a gbe Antipa tete po ɔ, hemi kɛ yemi nɛ o ngɛ ngɛ ye mi ɔ, o ngmɛɛ we he. Niinɛ, Antipa ye ye he odase nɛ e ye mi anɔkuale. Nɛ sane kpakpa a nɛ e ngɛ fiɛe ɔ he je ɔ, a gbe lɛ ngɛ nyɛ kpɛti ngɛ he nɛ Abosiami ngɛ ɔ.

Kpojemi 3:21

Ni nɛmɛ nɛ maa ye kunimi ɔ, ma ha mɛ blɔ nɛ a maa hi ye kasa nya ngɛ ye matsɛ sɛ ɔ nɔ kaa bɔ nɛ imi hu i ye kunimi, nɛ amlɔ nɛ ɔ, i hii si ngɛ Tsaatsɛ kasa nya ngɛ e matsɛ sɛ ɔ nɔ ɔ.