Kpojemi 16:8 - BAIBLO ALOO NGMAMI KLƆUKLƆU Ɔ

⁸ Jehanɛ ɔ, bɔfo eywiɛne ɔ plɛ e kplu ɔ mi nɔ́ ɔ ngɔ pue pu nɔ. Enɛ ɔ ha nɛ pu ɔ dɔ la wawɛɛ, nɛ e sãã nimli adesahi.

Somi He Ɔ

⁸ Nɛ hiɔwe bɔfo nɛ ji eywiɛ ɔ plɛ e tsinesa a mi ni ɔmɛ ngɔ pue pu ɔ nɔ; nɛ a ha lɛ he wami nɛ e kɛ la nɛ sa nimli.

Kpojemi 16:8 ပူးပေါင်းရင်းမြစ်များ

Kpojemi 14:18

Bɔfo kpa hu nɛ ngɛ he wami ngɛ la nɔ je bɔ sami la tɛ ɔ he kɛ ba. E kpa ngmlaa wawɛɛ nɛ e de bɔfo ɔ nɛ hɛɛ ngma kpami ha nɛ nya ba a ke, “Ngɔɔ o ha nɛ nya ba a kɛ poo wai yiblii ɔmɛ, nɛ o bua nya. Wai yiblii ɔmɛ fu ngɛ ngmɔ ɔ nɔ.”

Ni Tsumi 2:20

Pu maa tsɔ diblii, nɛ nyɔhiɔ ma pee tsutsuutsu kaa muɔ loko Nyɔmtsɛ ɔ ligbi nguaa nɛ ngɛ gbeye ɔ maa ba.

Mateo 13:6

Se benɛ pu je ɔ, pu ɔ sãã mɛ, nɛ akɛnɛ a be sipoku he je ɔ, a ngla.

Yona 4:8

Benɛ pu te si ɔ, Mawu ha beleku kɔɔhiɔ ko nɛ dɔ la fia, nɛ pu ɔ sãã Yona yi mi, nɛ e miɔ nɛ e maa hɛli. Kɛkɛ nɛ e de ke, “E hi kaa ma gbo mohu pee kaa ma hi je mi.”

Kpojemi 9:2

Dodoe ɔ bli muɔ voo ɔ nya, nɛ la su ku kpii je mi kaa flɔɔnɔɔ nguaa mi la su ku; la su ku nɛ je muɔ ɔ mi ɔ ha nɛ pu, kɛ kɔɔhiɔ pee yumuu.

Kpojemi 8:12

Jehanɛ ɔ, bɔfo eywiɛne ɔ kpa e titimati ɔ, nɛ nɔ́ ko sa pu, nyɔhiɔ, kɛ dodoe ɔmɛ tsuo a he, nɛ a nyɛ we nɛ a tsu ní bɔ nɛ sa. Lɔ ɔ he ɔ, piani ɔ, pu nyɛ we nɛ e tso piani be ɔ mi dlami etɛ mi kake; nyɔ mi hu nyɔhiɔ, kɛ dodoe ɔmɛ nyɛ we nɛ a kpɛ nyɔ mi be ɔ mi dlami etɛ mi kake.

Kpojemi 7:16

Hwɔ be mɛ yee hu; kuma be mɛ yee hu. Pu, loo pu la nɛ nya wa hu be mɛ sããe,

Kpojemi 6:12

Benɛ To bi ɔ tsɔ nya sɔumi nɔ́ ekpane ɔ, i nu nɛ zugba mimiɛ wawɛɛ. Pu kpa tsomi; diblii wo kpii, nɛ nyɔhiɔ pee tsutsuu kaa muɔ.

Luka 21:25

“Nyakpɛ níhi maa ba pu, nyɔhiɔ, kɛ dodoehi a hɛ mi. Nihi babauu ngɛ je ɔ mi a kɔni mi ma jɔ̃; ke wo gli nɛ oslɔke pɛ kɛkɛ gbeye nu mɛ.

Yesaya 24:23

Nyɔhiɔ maa wo diblii, nɛ pu be tsoe hu, ejakaa Yawɛ Tabohiatsɛ ɔ maa ye matsɛ. E maa ye matsɛ ngɛ Yerusalem ngɛ Zion yo ɔ nɔ, nɛ ma nimeli ɔmɛ maa na e hɛ mi nyami ɔ.