Kpojemi 16:6 - BAIBLO ALOO NGMAMI KLƆUKLƆU Ɔ

⁶ Ejakaa adesa pue o ni klɔuklɔu ɔmɛ, kɛ gbali ɔmɛ a muɔ si. Enɛ ɔ he je ɔ, o ha mɛ muɔ ke a nu. Ee, nɔ́ pɛ nɛ sa mɛ ji nɛ ɔ nɛ!”

Somi He Ɔ

⁶ A pue klɔuklɔu bi ɔmɛ kɛ gbali ɔmɛ a muɔ si, nɛ lɔ ɔ he ɔ muɔ nɔuu o ha mɛ nɛ a nu, ejakaa e sa mɛ ja.”

Kpojemi 16:6 ပူးပေါင်းရင်းမြစ်များ

Matsɛmɛ II, 24:4

titli ɔ, kaa e pue nihi babauu nɛ pee we nɔ́ yayami ko a muɔ si ngɛ Yerusalem. Yawɛ kɛ nɔ́ nɛ Manase pee nɛ ɔ pɛ́ lɛ.

Mose II, 21:24

loo e hɛngmɛ pɛ, loo e lungu hia, loo e nine, loo e nane plaa,

Mose II, 7:17

Bɔ nɛ Yawɛ de ji nɛ ɔ nɛ: ‘Enɛ ɔ a kɛ maa le kaa imi ji Yawɛ. Ma wo tso nɛ ngɛ ye dɛ mi ɔ kɛ fia Nilo pa a, nɛ nyu ɔ ma plɛ muɔ.

Yesaya 49:26

Ma ha nihi nɛ ngɛ mo haoe ɔ maa ye mɛ nitsɛmɛ a he lo awi; mɛ nitsɛmɛ a muɔ maa de mɛ kaa wai. Kɛkɛ ɔ, nimli adesahi tsuo maa le kaa imi ji Yawɛ. Imi ji nɔ nɛ heɔ o yi wami, nɛ haa nɛ o yeɔ o he. A ma na le kaa imi ji Israel Mawu kpetekpleenyɛ ɔ nɛ.”

Yeremia 2:30

I gbla nyɛ bimɛ ɔmɛ a tue, se lɛ tsuo pee yaka; nyɛ sume tsɔsemi. Nyɛ nitsɛmɛ hu nyɛ gbe ye gbali ɔmɛ kaa bɔ nɛ jata tsɔtslɔɔ lohwe ɔ.

Yeremia 26:11

Kɛkɛ nɛ osɔfo ɔmɛ, kɛ gbali ɔmɛ, de ma nimeli ɔmɛ kɛ ma a ke, “Kaa bɔ nɛ nyɛ nitsɛmɛ nyɛ nu kɛ nyɛ tue ɔ, nyumu nɛ ɔ tu munyu kɛ si wa ma a. Lɔ ɔ he ɔ, ja a gbe lɛ!”

Yeremia 26:16

Kɛkɛ nɛ ma nimeli ɔmɛ, kɛ ma a tsuo de osɔfo ɔmɛ, kɛ gbali ɔmɛ ke, “Nyumu nɛ ɔ kɛ wɔ tu munyu ngɛ Yawɛ, wa Mawu ɔ biɛ mi; e sɛ kaa a gbeɔ lɛ.”

Kɔmɔ Yemi 4:13

Se e ba mi ja, ejakaa gbali ɔmɛ, kɛ osɔfo ɔmɛ pee yayami; a pue nihi nɛ peeɔ nɔ nɛ da ngɛ ma a mi ɔ a muɔ si.

Ezekiel 32:6

O muɔ ma pue si ngɛ zugba kɛ maa su benɛ yo ɔmɛ a nɔ tsuo ma pee kpɔtɔɔ, nɛ nyu dɔ ɔmɛ ma hyi kɛ o muɔ.

Mateo 7:2

Bɔ nɛ nyɛ kojoɔ nihi ɔ, jã Mawu hu maa kojo nyɛ. Susumi nɔ́ nɛ nyɛɛ kɛ susuu ha nihi ɔ, lɔ ɔ nɔuu a kɛ ma susu ha nyɛ.

Luka 12:48

Se nɔ nɛ li, nɛ e ya pee nɔ́ nɛ sa tue gblami ɔ, a maa fia lɛ kpa bɔɔ pɛ. Nɔ tsuaa nɔ nɛ a ha lɛ fuu ɔ, a ma bi fuu si ngɛ e dɛ; nɔ nɛ a tu nɔ́ nɛ pe ja po ngɔ wo e dɛ mi ɔ, a ma bi fuu si ngɛ e dɛ.

Hebribi 10:29

Lɛɛ nɔ ko nɛ hia nane kɛ si Mawu Bi ɔ, nɛ Kristo muɔ nɛ a kɛ sɔu somi ɔ nya kɛ tsu e he ɔ, e buu lɛ kaa yaka nɔ́ ko kɛkɛ, nɛ jehanɛ hu, e wo Mawu mumi ɔ mi mi la a, kɛ a maa pee lɛ kɛɛ? Anɛ e sɛ́ kaa a gblaa e tue wawɛɛ pe jã lo?

Kpojemi 11:18

Je ma amɛ a mi mi fu mo, se jehanɛ ɔ, be su nɛ mo hu o mi mi ma fu mɛ. Be su nɛ o maa kojo nihi tsuo nɛ gbo ɔ, nɛ o tsɔli nɛ ji gbali ɔmɛ, ni klɔuklɔu ɔmɛ, kɛ nimli wawihi kɛ nimli nguahi tsuo nɛ yee mo gbeye ɔ, be su nɛ o maa wo mɛ hiɔ. Nihi nɛ kpataa zugba a hɛ mi ɔ, be su nɛ o ma kpata mɛ hu a hɛ mi.”

Kpojemi 13:10

Ke a to ke a nu nɔ ko nyɔguɛ ɔ, ja a nu lɛ nyɔguɛ. Ke nɔ ko kɛ klaate gbe nɔ ɔ, ja a kɛ klaate gbe lɛ. Enɛ ɔ tsɔɔ kaa e hia kaa Mawu we bi nɛ to a tsui si, nɛ a pɛtɛ a hemi kɛ yemi ɔ he wawɛɛ.”

Kpojemi 13:15

Mawu ha lohwe awi yelɔ enyɔne ɔ blɔ kaa e mu mumi kɛ wo amaga a mi, konɛ amaga a nɛ na wami, nɛ e tu munyu. Kɛkɛ ɔ, e ma ha nɛ a gbe nihi tsuo nɛ ja we lɛ ɔ.

Kpojemi 18:20

Hiɔwe! Mo nya kaa a kpata Babilon hɛ mi! Nyɛ ni klɔuklɔuhi, bɔfohi, kɛ gbali, nyɛ nya! Ejakaa Mawu bu lɛ fɔ ha nyɛ ngɛ nɔ́ nɛ e pee nyɛ ɔ he!

Kpojemi 18:24

Babilon yeɔ fɔ kaa e gbe gbali ɔmɛ, kɛ ni klɔuklɔu ɔmɛ. Ee, Babilon pue ni kpahi babauu hu a muɔ si ngɛ je ɔ mi.

Kpojemi 19:2

E yeɔ dami sane; e gblaa nɔ tue bɔ nɛ sa! Yo ajuama kpanaku ɔ nɛ ngɔ yahomi kɛ ngɛ je ɔ puɛe ɔ, e bu lɛ fɔ. Mawu gbla e tue, ejakaa e gbe lɛ Mawu ɔ tsɔli ɔmɛ.”