Kpojemi 16:4 - BAIBLO ALOO NGMAMI KLƆUKLƆU Ɔ

⁴ Bɔfo etɛne ɔ plɛ e kplu ɔ mi nɔ́ ɔ ngɔ wo pahi, kɛ nyu hɛngmɛhi a mi, nɛ a pee kaa muɔ.

Somi He Ɔ

⁴ Nɛ hiɔwe bɔfo nɛ ji etɛ ɔ plɛ e tsinesa a mi ni ɔmɛ ngɔ wo pahi kɛ nyu hɛngmɛ ɔmɛ a mi, nɛ nyu ɔ plɛ muɔ.

Kpojemi 16:4 ပူးပေါင်းရင်းမြစ်များ

La 78:44

E ha nɛ pa amɛ plɛ pee muɔ, nɛ Egipt bi ɔmɛ nɛ nyu nɛ a nu.

Mose II, 8:5

Yawɛ de Mose ke, “Mo de Aaron ke e wo e tso ɔ nɔ ngɛ pa amɛ, kɛ nyu dɔ ɔmɛ, kɛ taku ɔmɛ a nɔ, nɛ́ e ha ovɔnɔhi nɛ ba Egipt zugba a nɔ.”

Yesaya 50:2

“Mɛni he je lɛ benɛ i ba a, nɔ ko be lejɛ ɔ? Benɛ i tsɛ nyɛ ɔ, mɛni he je nɔ ko pui mi ɔ? Anɛ nyɛ susuɔ kaa ye nine ngɛ kuku nɛ i be nyɛe ma kpɔ nyɛ kɛ je he nyɛlɔ ɔ dɛ mi lo? Ke i wo gbi ɔ, wo miiɔ, nɛ pahi plɛɔ peeɔ nga kplanaa. Ke nyu ɔ mii ta a, lo gboɔ nɛ e saa.

Ezekiel 35:8

Ma ha nɛ yo ɔmɛ a nɔ ma hyi kɛ ni gbogboehi sɔuu; nihi nɛ nɔ ngɛ ta mi ɔ, a gbogboehi babauu maa hi lejɛ ɔ, kɛ yo ɔmɛ a kpɛ, kɛ kɔ̃ ɔmɛ a mi.

Hosea 13:15

Ke Israel ma a ngɛ plɔkee, nɛ e pee plɔplɔɔplɔ kaa nga po, ma ha kɔɔhiɔ nɛ mi dɔ la maa fia kɛ je nga kplanaa a nɔ ngɛ beleku je kɛ ba. Kɔɔhiɔ ɔ ma ha nɛ nyu maa ta a vu ɔmɛ a mi, nɛ pa amɛ maa mii. Ma ha a juetli tsuo maa ta.

Kpojemi 11:6

Mawu ha mɛ he wami nɛ a ma nyɛ nga hiɔwe nya nɛ hiɔmi be nɛe be mi nɛ a ngɛ gbae ɔ. A ngɛ he wami ngɛ nyu nɔ kaa a ma ha nɛ nyu nɛ plɛ pee muɔ; a ngɛ he wami hulɔ kaa a kɛ gbenɔ hiɔ slɔɔtohi baa zugba a nɔ si abɔ nɛ a suɔ.

Kpojemi 14:7

Bɔfo ɔ de kɛ gbi nɛ wa ke, “Nyɛɛ ye Mawu gbeye, nɛ nyɛɛ wo e hɛ mi nyami! Ejakaa be ɔ su nɛ e maa kojo nihi tsuo nɛ ngɛ je ɔ mi. Nyɛ ja nɔ nɛ pee hiɔwe kɛ zugba, kɛ wo kɛ nyu hɛngmɛhi nɛ baa a!”

Kpojemi 16:5

Nɛ i nu nɛ bɔfo ɔ nɛ ngɛ he wami ngɛ nyu nɔ ɔ ngɛ Mawu dee ke, “Mo ji Mawu Klɔuklɔu ɔ nɛ. Mo ji Mawu nɛ ngɛ amlɔ nɛ ɔ, kɛ nɔ nɛ hi si sa a. O ye dami sane ngɛ o kojomi nɛ ɔmɛ a mi!