Kpojemi 16:21 - BAIBLO ALOO NGMAMI KLƆUKLƆU Ɔ

²¹ Gbiɛ ngo ngu lokpolokpohi nɛ eko tsuaa eko jiimi ji kilo nyingmi enuɔ je hiɔwe ba nɔɔ nimlihi a nɔ. Nimli adesahi tu musu bɔmi munyu kɛ si Mawu ngɛ gbiɛ ngo ngu nɛ e kɛ hao mɛ ɔ he, ejakaa nɔ́ ɔ nya wa tsɔ.

Somi He Ɔ

²¹ Nɛ gbiɛ ngo ngu loo hiɔmi tɛ babauu nɛ kake jiɔmi maa pee sɛni mi tɛ jiɔmi pau lafa nɛ kɛ je hiɔwe ba pue nimli a nɔ; nɛ nimli ɔmɛ tu musu bɔmi munyuhi kɛ si Mawu ngɛ gbiɛ ngo ngu ɔmɛ a haomi ɔ he, ejakaaa a haomi ɔ nya wa tsɔ.

Kpojemi 16:21 ပူးပေါင်းရင်းမြစ်များ

Hiob 38:22

Hehi nɛ i toɔ snoo, kɛ gbiɛ ngo ngu ngɛ ɔ, o ya lejɛ ɔmɛ hyɛ lo?

Hiob 38:23

I ngɔ mɛ ngɔ to lejɛ ɔ ngɛ haomi, loo ta nɛ maa ba he.

Mose II, 9:18

hwɔɔ maa pee be nɛ ɔ mi ɔ, ma ha gbiɛ ngo ngu maa nɛ bɔ nɛ a nɛ eko ngɛ Egipt hyɛ kɛ je be nɛ a to ma a sisi kɛ ba si mwɔnɛ ɔ.

Mose II, 9:22

Kɛkɛ nɛ Yawɛ de Mose ke, “Mo wo o nine kɛ tsɔɔ hiɔwe, nɛ gbiɛ ngo ngu nɛ́ nɛ kɛ pue zugba a tsuo nɔ, kɛ pue nimli, lohwehi, kɛ nga nɔ tsohi a nɔ.”

Yesaya 30:30

Nɔ tsuaa nɔ maa na e he wami kpetekpleenyɛ ɔ nɛ ngɛ ní tsue, kɛ bɔ nɛ e mi mi fu wawɛɛ ɔ; la nɛ puɛɔ ní maa tso plamplam, nɛ ahumi maa fia; hiɔmi maa nɛ, nɛ gbiɛ ngo ngu ma pue si.

Yesaya 8:21

Ni komɛ maa wo lalaalo ngɛ zugba a nɔ; hwɔ maa ye mɛ, nɛ a ní maa pee mɔbɔ. Mi mi fumi, kɛ hwɔ nɛ ngɛ mɛ yee he je ɔ, a maa gbiɛ a matsɛ ɔ, kɛ a mawu ɔmɛ. A ma wo a yi nɔ kɛ hyɛ hiɔwe,

Ezekiel 13:11

De ni nɛmɛ nɛ ngɔ kalo kɛ ngɛ gbogbo ɔ he kpae ɔ ke gbogbo ɔ maa nɔ si oo! Hiɔmi maa nɛ wawɛɛ; gbiɛ ngo ngu agbohi ma pue si, nɛ ahumi maa fia.

Ezekiel 13:13

Lɔ ɔ he ɔ, bɔ nɛ Nyɔmtsɛ Yawɛ ngɛ dee ji nɛ ɔ nɛ: “Ye mi mi ma fu wawɛɛ. Ma ha ahumi maa fia, nɛ hiɔmi maa nɛ; gbiɛ ngo ngu agbohi ma pue si, nɛ gbogbo ɔ maa hule.

Yoshua 10:11

Be mi nɛ Amor bi ɔmɛ ngɛ fo tue ngɛ Israel bi ɔmɛ a ta a nya kɛ gu yo kpɛ blɔ ɔ kɛ yaa a, Yawɛ ha gbiɛ ngo ngu nguahi je hiɔwe ba nɔɔ a nɔ. Nihi nɛ gbiɛ ngo ngu ɔ gbe ɔ hiɛ kulaa pe nihi nɛ Israel bi ɔmɛ kɛ klaate gbe.

Kpojemi 11:19

Mawu sɔlemi we ɔ nɛ ngɛ hiɔwe ɔ nya bli, nɛ a na e somi daka a nɛ fɔɔ si ngɛ lejɛ ɔ. Kɛkɛ nɛ oslabai gba; hiɔwe si, zugba mimiɛ, nɛ gbiɛ ngo ngu agboagbo nɛ pue zugba a nɔ.

Kpojemi 16:11

A tu musu bɔmi munyuhi kɛ si Mawu nɛ ngɛ hiɔwe ɔ ngɛ nɔ́ nɛ a ngɛ nae, kɛ pa nɛ a hia a he. Se ní yayahi nɛ a pee ɔ, lɔ ɔmɛ lɛɛ a tsakee we a tsui ngɛ he.

Kpojemi 16:9

Pu la nɛ nya wa a sãã mɛ saminya, nɛ a tu musu bɔmi munyuhi kɛ si Mawu, nɔ nɛ ngɛ he wami ngɛ kikɛmɛ a haomi nɛ ɔmɛ a nɔ ɔ. Se a tsakee we a tsui, konɛ a wo Mawu hɛ mi nyami.

Kpojemi 8:7

Kekleekle bɔfo ɔ kpa e titimati ɔ, nɛ gbiɛ ngo ngu, kɛ la nɛ muɔ futu mi ba pue zugba a nɔ, nɛ zugba a mi dlami etɛ mi kake, tsohi a mi dlami etɛ mi kake, kɛ ba mumu tsuo pɛpɛɛpɛ sã.