Kpojemi 16:16 - BAIBLO ALOO NGMAMI KLƆUKLƆU Ɔ

¹⁶ Jehanɛ ɔ, mumi yayami ɔmɛ ngɔ matsɛmɛ ɔmɛ kɛ ba he ko nɛ a tsɛɛ ngɛ Hebri gbi mi ke Harmagedon ɔ.

Somi He Ɔ

¹⁶ Kɛkɛ nɛ mumi yayami ɔmɛ bua matsɛmɛ ɔmɛ a nya kɛ ho he ko nɛ a tsɛɛ lejɛ ɔ ngɛ Hebri gbi mi ke Harmagedon ɔ ya.

Kpojemi 16:16 ပူးပေါင်းရင်းမြစ်များ

Kronika II, 35:22

Se Yosia to e yi mi momo kaa e kɛ lɛ maa hwu. Nɔ́ nɛ Mawu ngɛ lɛ dee kɛ gu Matsɛ Neko nɔ ɔ, e bui fɛɛ; mohu ɔ, e tsake e he nɛ e ya gba ta kɛ ho Megido nga kplanaa a nɔ ya.

Zakaria 12:11

Jamɛ a be ɔ, a maa nyɛ ya wawɛɛ ngɛ Yerusalem kaa bɔ nɛ a pee ha Hadadrimon ngɛ Magido nga a nɔ ɔ.

Yohane 19:13

Benɛ Pilato nu kikɛmɛ a munyu nɛ ɔ, e kɛ Yesu je kpo, nɛ e ya hi kojomi sɛ ɔ nɔ ngɛ he nɛ a ka tɛ ngɛ, nɛ Hebri mi ɔ, a tsɛɛ “Gabata” a.

Yohane 19:17

nɛ lɛ nitsɛ e tloo e sɛumi tso ɔ kɛ je ma a mi kɛ ya he nɛ a tsɛɛ “Yikoklodonya”, nɛ Hebri mi ɔ a tsɛɛ lɛ “Golgata” a.

Yohane 5:2

Taku ko kɛ e he kue enuɔ ngɛ To Agbo ɔ nɛ ngɛ Yerusalem ɔ kasa nya. Hebri gbi mi ɔ, a tsɛɛ taku nɛ ɔ Betesda.

Ni Tsumi 26:14

Wɔ tsuo wa ya nɔ si, nɛ i nu gbi ko nɛ kɛ mi tu munyu ngɛ Hebri mi ke, ‘Saulo, Saulo! Mɛni he je nɛ o ngɛ mi yi mi wae? Ke o ke o kɛ mi ná a, o he awi kɛkɛ o ngɛ yee, kaa na nɛ ngɛ e tsɔ̃lɔ tso koli hɛɛe.’

Kpojemi 17:14

Lohwe ɔ, kɛ matsɛmɛ ɔmɛ ma ya tua To bi ɔ. Se To bi ɔ, kɛ e se nyɛɛli ɔmɛ maa ye a nɔ kunimi. Lɛ ji nyɔmtsɛmɛ a nyɔmtsɛ, kɛ matsɛmɛ a matsɛ, nɛ e se nyɛɛli ɔmɛ ji nihi nɛ Mawu tsɛ, nɛ e hla mɛ ngɔ to, nɛ a yeɔ lɛ anɔkuale.”

Kpojemi 9:11

Matsɛ nɛ yeɔ a nɔ ji bɔfo ɔ nɛ ngɛ muɔ voo ɔ nya a. Hebri gbi mi ɔ, e biɛ ji Abadon, se Hela gbi mi lɛɛ a tsɛɛ lɛ Apolion.

Manyadali 4:7

Ma ha Yabin tatsɛ Sisera kɛ e ta zugba lɛ ɔmɛ, kɛ e ta buli ɔmɛ kɛ mo ma ba kpe ngɛ Kishon pa a nya; nɛ ma ngɔ lɛ ngɔ wo o dɛ mi.’ ”

Manyadali 5:19

Matsɛmɛ ɔmɛ ba Taanak ba hwu ta ngɛ Megido pa a nya; Kanaan matsɛmɛ ɔmɛ ba hwu ta, se a nɛ sika hiɔ nɔ́ ko nɛ a ha.