Kpojemi 16:15 - BAIBLO ALOO NGMAMI KLƆUKLƆU Ɔ

¹⁵ Nyɔmtsɛ ɔ ke, “Hyɛ! I ma kaa julɔ! Nɔ nɛ huɔɔ, nɛ e peeɔ e tade klaalo ɔ, a gbaa lɛ! E be e he gu hɛɛe nɛ e zo ba je kpo!”

Somi He Ɔ

¹⁵ “Oʼɛ i ma kaa juɔ. A gbaa nɔ nɛ huɔɔ nɛ e hyɛɛ e tade ɔmɛ a nɔ saminya a, konɛ e ko nyɛɛ he gu nɛ e zo ba je kpo.”

Kpojemi 16:15 ပူးပေါင်းရင်းမြစ်များ

Mose II, 32:25

Benɛ Mose na kaa Aaron nine kpi ma a he, nɛ ma a ngɛ basabasa pee kɛ ngɛ a hɛ mi si puee ngɛ a he nyɛli ɔmɛ a hɛ mi ɔ,

Yesaya 47:3

Nihi maa na o he gu ɔ; a maa na o zo kpɔtɔɔ ɔ. Ma ha tue gblami maa ba, nɛ nɔ ko nɔ ko be ye nya tsie.”

Ezekiel 16:37

Zo ní nɛ ɔmɛ tsuo nɛ o tsu he je ɔ, ni nɛmɛ nɛ o suɔ mɛ, nɛ o kɛ mɛ fiɛ, kɛ ni nɛmɛ nɛ o sume a sane ɔ, ma bua mɛ tsuo a nya kɛ bɔle mo kɛ kpe; kɛkɛ ɔ, ma kpa o he bo tsuo ngɛ o he, konɛ mɛ tsuo a na o he gu saplapaa a.

Hosea 2:3

Ke pi ja a, ma kpa bo ngɛ e he, nɛ e he maa fɔ si paslapaa kaa bɔ nɛ a fɔ lɛ ɔ. Ma ha e maa pee kaa zugba gbigbli nɛ bɛ ní; nɛ nyu kuma maa gbe lɛ.

Habakuk 2:15

Mo nɛ o kɛ hɛdɔ wa o nyɛmimɛ yi mi, nɛ o pue a hɛ mi si, nɛ o ha a tataa si kaa nihi nɛ a tɔ dã a, musu tloo mo!

Mateo 25:13

Nɔ́ nɛ Yesu de kɛ gbe e munyu ɔ nya ji, “Lɔ ɔ he ɔ, nyɛɛ hyɛ nyɛ he nɔ saminya, ejakaa jamɛ a ligbi ɔ, loo jamɛ a ngmlɛfia a, nyɛ li.

Mateo 26:41

Nyɛɛ fɔ nyɔ nɛ nyɛɛ sɔle, konɛ nyɛ ko sɛ ka mi. Mumi ɔ lɛɛ e suɔ kaa e maa pee jã, se he lo ɔ gbede.”

Marko 14:38

Kɛkɛ nɛ e de mɛ ke, “Nyɛɛ huɔ nɛ nyɛɛ sɔle konɛ Abosiami ko ka nyɛ. Mumi ɔ suɔ kaa e maa pee, se nɔmlɔ tso ɔ nyɛ we kulaa.”

Luka 21:36

Nyɛɛ hyɛ nyɛ he nɔ saminya, nɛ nyɛɛ sɔle daa, konɛ Mawu nɛ ha nyɛ he wami nɛ nyɛ kɛ gblee ní nɛ ɔmɛ tsuo nɛ maa ba a a mi slɔkee, nɛ nyɛ nyɛ nɛ nyɛɛ da Nɔmlɔ Bi ɔ hɛ mi.”

Ni Tsumi 20:31

Lɔ ɔ he ɔ, nyɛ hɛ nɛ hi nyɛ he nɔ be tsuaa be, nɛ nyɛ kai kaa i nga vo nyu kɛ tsɔɔ nyɛ ní nyɔ kɛ pia jeha etɛ sɔuu.

2 Korintobi 5:3

Ke wa ngɔ lɔ ɔ kɛ ha wa he ɔ, nɔ ko be nae kaa wa hɛɛ wa he gu.

1 Tesalonikabi 5:4

Se nyɛmimɛ, nyɛɛ lɛɛ pi diblii mi nɛ nyɛ ngɛ nɛ ligbi ɔ ma ba ti nyɛ si kaa julɔ.

1 Tesalonikabi 5:6

Lɔ ɔ he ɔ, wa ko hwɔ mahe kaa bɔ nɛ ni kpahi peeɔ ɔ; se mohu waa hi hɛ ngmengmle, nɛ wa hɛ mi nɛ ka si.

1 Petro 4:7

Níhi tsuo a nyagbe ɔ su ta. Lɔ ɔ he ɔ, nyɛ hɛ nɛ dɔ, nɛ nyɛ hɛ nɛ ka si, konɛ nyɛ nyɛ́ nɛ nyɛɛ sɔle.

2 Petro 3:10

Se Nyɔmtsɛ ɔ ligbi ɔ maa ba kaa bɔ nɛ julɔ baa a. Jamɛ a ligbi ɔ, hiɔwe maa be kɛ ho kɛ kemi nɛ nya wa. Níhi nɛ ngɛ hiɔwe ɔ tsuo maa sã, nɛ a hɛ mi ma kpata, nɛ je ɔ, kɛ e mi nɔ́ tsuaa nɔ́ maa laa.

Kpojemi 22:7

Yesu ke, “Hyɛ! I ma nɔuu! A gbaa nɔ nɛ pɛtɛɔ munyuhi nɛ a gba ngɔ to nɛ ngɛ womi nɛ ɔ mi ɔ he!”

Kpojemi 3:11

I ma nɔuu! Nɔ́ nɛ ngɛ o dɛ ɔ, pɛtɛ he wawɛɛ, konɛ jlasi nɛ o ma na, ke o ye kunimi ɔ, nɔ ko nɛ ko kpɔ ngɛ o dɛ.

Kpojemi 3:18

Lɔ ɔ he ɔ, i ngɛ mo ga woe nɛ o ba he sika tsu ngɛ ye dɛ; ee, ba he sika tsu ngmingmiingmi ngɛ ye dɛ, konɛ o na ní. He ní hiɔ hu nɛ o wo, nɛ a ko na kaa o hɛɛ o he gu, ejakaa e ngɛ zo. Jehanɛ, he tsopa nɛ o nga ngɔ pue o hɛngmɛ nɔ, konɛ o hyɛ nɔ́.