Kpojemi 16:11 - BAIBLO ALOO NGMAMI KLƆUKLƆU Ɔ

¹¹ A tu musu bɔmi munyuhi kɛ si Mawu nɛ ngɛ hiɔwe ɔ ngɛ nɔ́ nɛ a ngɛ nae, kɛ pa nɛ a hia a he. Se ní yayahi nɛ a pee ɔ, lɔ ɔmɛ lɛɛ a tsakee we a tsui ngɛ he.

Somi He Ɔ

¹¹ nɛ a tu musu bɔmi munyuhi kɛ si Mawu ngɛ hiɔwe ɔ ngɛ a nɔ nami kɛ a pa amɛ a he, se a tsakee we a tsui kɛ ji a ni tsumi ɔmɛ a mi.

Kpojemi 16:11 ပူးပေါင်းရင်းမြစ်များ

Kronika II, 28:22

Kikɛmɛ a Matsɛ Ahaz nɛ ɔ, benɛ e yi ba fi wawɛɛ nitsɛ po, e pee yayami babauu kɛ si Yawɛ pe kekle ɔ.

Kronika II, 36:23

“Nɔ́ nɛ imi Persia matsɛ, Sirus, i ngɛ dee ji nɛ ɔ nɛ: ‘Yawɛ, hiɔwe Mawu ɔ tu je ma amɛ a matsɛ yemi ɔmɛ tsuo ngɔ wo ye dɛ mi; nɛ e fa mi ke ma ya po we ngɔ ha lɛ ngɛ Yerusalem ngɛ Yuda. Lɔ ɔ he ɔ, nyɛ ti nɔ tsuaa nɔ nɛ ngɛ Mawu blɔ fa mi ɔ, e ba be kɛ ho lejɛ ɔ ya. Yawɛ, nyɛ Mawu ɔ nɛ piɛ nyɛ he.’ ”

Ezra 1:2

“Bɔ nɛ Persia matsɛ, Sirus de ji nɛ ɔ nɛ: Yawɛ, Mawu nɛ ngɛ hiɔwe ɔ wo mi nɔ yelɔ ngɛ je ɔ tsuo nɔ, nɛ e ngɔ tsumi nɛ he hia nɛ ɔ ngɔ ha mi. E ke ma ma we ha lɛ ngɛ Yerusalem ngɛ Yuda zugba a nɔ.

Ezra 6:10

Nyɛɛ pee jã, konɛ a nyɛ nɛ a sã bɔhi nɛ maa sa Mawu nɛ ngɛ hiɔwe ɔ hɛ mi, nɛ a kpa pɛɛ ha imi nitsɛ, kɛ ye bimɛ ɔmɛ nɛ wa yi nɛ na wami.

Ezra 7:12

“Osɔfo Ezra, mo womi ngmalɔ nɛ o le Mawu nɛ ngɛ hiɔwe ɔ mlaa a saminya; imi Matsɛ Artaherhes nɛ i ngɛ mo womi nɛ ɔ ngmae. Mo he manye!

Ezra 7:21

“Imi Matsɛ Artaherhes, i ngɛ nyɛ matsɛ nito he ɔ nɔ hyɛli tsuo nɛ ngɛ Yufrate pa a se ɔ mlaa woe ke nɔ́ tsuaa nɔ́ nɛ osɔfo Ezra, Mawu nɛ ngɛ hiɔwe ɔ mlaa tsɔɔlɔ ɔ ma bi nyɛ ɔ, nyɛ ha lɛ esɔ.

Ezra 7:23

“Nɔ́ tsuaa nɔ́ nɛ Mawu nɛ ngɛ hiɔwe ɔ ma fa nyɛ ke nyɛ tsu ngɛ we ɔ he ɔ, nyɛɛ pee pɛpɛɛpɛ, bɔ nɛ pee nɛ e mi mi ko ba fu imi, loo nihi nɛ ma ba ye tsɛ ngɛ ye se ɔ.

Nehemia 1:4

Benɛ i nu amaniɛ nɛ ɔ, i hi si nɛ i fo ya. I ye kɔmɔ ligbi babauu, nɛ i ha hwɔ. I sɔle nɛ i tsɛ Mawu ke,

Nehemia 2:4

Matsɛ ɔ bi mi ke, “Mɛni ji nɔ́ nɛ o ngɛ hlae?” I sɔle nɛ i bi Mawunɛ ngɛ hiɔwe ɔ gbi,

La 136:26

Nyɛɛ na Mawu nɛ ngɛ hiɔwe ɔ si; ejakaa e suɔmi ɔ ngɛ kɛ yaa neneene!

Daniel 2:44

Matsɛmɛ nɛ ɔmɛ a yi nɔ ɔ, Mawu nɛ ngɛ hiɔwe ɔ maa to matsɛ yemi ko sisi, nɛ e se be poe gblegbleegble. Matsɛ yemi nɛ ɔ, nɔ ko nɔ ko be nyɛe maa ye e nɔ; e ma kpata matsɛ yemi kpa amɛ tsuo a hɛ mi, nɛ e maa hi si kɛ maa ya neneene.

Yona 1:9

Yona ha mɛ heto ke, “Hebri no ji mi, nɛ i jaa Yawɛ, hiɔwe Mawu ɔ, nɔ nɛ pee wo kɛ zugba a.”

2 Timoteo 3:13

Nimli yayamihi, kɛ nɔ sisili maa ya nɔ maa pee yayami kɛ be nɔ; a maa sisi nihi hluu kɛ yaa si a maa sisi mɛ nitsɛmɛ a he.

Kpojemi 11:13

Jamɛ a be ɔ nɔuu ɔ, zugba mimiɛ wawɛɛ; ma a mi dlami nyɔngma mi kake hɛ mi kpata, nimli akpe kpaago gbo, nɛ ni nɛmɛ nɛ piɛ ɔ ye gbeye, nɛ a wo Mawu nɛ ngɛ hiɔwe ɔ hɛ mi nyami.

Kpojemi 16:2

Kekleekle bɔfo ɔ ho nɛ e ya plɛ e kplu ɔ mi nɔ́ ɔ ngɔ pue zugba. Kɛkɛ nɛ nihi nɛ lohwe awi yelɔ ɔ we okadi ɔ ngɛ a he, kɛ ni nɛmɛ nɛ jaa amaga a tsuo hia pa yaya nɛ yee nɔ.

Kpojemi 16:21

Gbiɛ ngo ngu lokpolokpohi nɛ eko tsuaa eko jiimi ji kilo nyingmi enuɔ je hiɔwe ba nɔɔ nimlihi a nɔ. Nimli adesahi tu musu bɔmi munyu kɛ si Mawu ngɛ gbiɛ ngo ngu nɛ e kɛ hao mɛ ɔ he, ejakaa nɔ́ ɔ nya wa tsɔ.

Kpojemi 16:9

Pu la nɛ nya wa a sãã mɛ saminya, nɛ a tu musu bɔmi munyuhi kɛ si Mawu, nɔ nɛ ngɛ he wami ngɛ kikɛmɛ a haomi nɛ ɔmɛ a nɔ ɔ. Se a tsakee we a tsui, konɛ a wo Mawu hɛ mi nyami.

Kpojemi 2:21

I ha lɛ be, konɛ e kɛ tsake e tsui, se e sume kaa e ma kpa e yakayaka nyɛɛmi ɔ.