Kpojemi 15:3 - BAIBLO ALOO NGMAMI KLƆUKLƆU Ɔ

³ Nɛ a ngɛ Mawu tsɔlɔ Mose la a, kɛ To bi ɔ la a lae ke, “Nyɔmtsɛ Mawu Ope, O ní tsumi ɔmɛ kle, nɛ a ngɛ nyakpɛ! Je ma amɛ a matsɛ, o ní peemi ní ɔmɛ tsuo da, anɔkuale sɔuu!

Somi He Ɔ

³ Nɛ a la Mawu tsɔlɔ Mose la a kɛ Tobi ɔ la a ke: “Nyɔmtsɛ Mawu Ope, O ni tsumi ɔmɛ kle, nɛ a ngɛ nyakpɛ! Mo je ma amɛ a nɔ matsɛ, O blɔ ɔmɛ da, nɛ anɔkuale ji mɛ.

Kpojemi 15:3 ပူးပေါင်းရင်းမြစ်များ

La 111:2

Yawɛ tsuɔ ní nguanguahi. Nihi nɛ nyaa ní nɛ ɔmɛ a he ɔ hlaa kaa a maa nu a sisi saminya.

La 139:14

I ngɛ o yi jee, ejakaa bɔ nɛ o plɛ kɛ bɔ mi ɔ, e ngɛ gbeye, nɛ e ngɛ nyakpɛ hulɔ. Níhi nɛ o pee ɔ ngɛ nyakpɛ loo! O le mi fitsofitso.

La 145:17

Nɔ́ tsuaa nɔ́ nɛ Yawɛ peeɔ ɔ da; e naa mɔbɔ be tsuaa be.

Hebribi 3:5

Mose ye anɔkuale ngɛ Mawu we ɔ kulaa nɔ kaa sɔmɔlɔ, nɛ e ye odase ngɛ níhi nɛ a ma de hwɔɔ se ɔ a he.

Yesaya 33:22

Jamɛ a lɛ ɔmɛ a mi tso ɔmɛ a he be se nami; a be hie kɛ abalaa womi. Wa ma kpɔ he nyɛli ɔmɛ a ní kpakpa amɛ tsuo ngɛ a dɛ. Ta yibu ní babauu nɛ a ma na a, a maa dla, nɛ nɔ tsuaa nɔ ma na eko; glɔtsɛmɛ po ma na a blɔ fa mi nɔ́. Yawɛ nitsɛ maa pee wa matsɛ. E maa ye wa nɔ, nɛ e maa bu wa he.

Hosea 14:9

Mɛnɔ ji ní lelɔ? Ha nɛ e nu ní nɛ ɔmɛ a sisi. Mɛnɔ lɛ nuɔ nɔ́ sisi? Ha nɛ e yɔse. Ejakaa Yawɛ blɔ ɔmɛ da tlɔmɔɔ, nɛ nihi nɛ peeɔ nɔ́ nɛ da a nyɛɛɔ nɔ tɛɛ. Se yayami peeli lɛɛ a tɛɔ nɔ́, nɛ a nɔɔ si.

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Yohane 1:17

Mawu ha wɔ mlaa kɛ gu Mose nɔ, se dloomi kɛ anɔkuale gu Yesu Kristo nɔ kɛ ba.

La 100:5

Yawɛ hi; e naa wɔ mɔbɔ daa, nɛ e we anɔkuale ɔ ngɛ kɛ yaa neneene.

Mose I, 17:1

Benɛ Abram ye jeha nyingmi nɛɛ kɛ nɛɛ ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji Mawu Ope ɔ nɛ. Moo bu mi, nɛ o pee nɔ́ nɛ da daa.

Kpojemi 19:2

E yeɔ dami sane; e gblaa nɔ tue bɔ nɛ sa! Yo ajuama kpanaku ɔ nɛ ngɔ yahomi kɛ ngɛ je ɔ puɛe ɔ, e bu lɛ fɔ. Mawu gbla e tue, ejakaa e gbe lɛ Mawu ɔ tsɔli ɔmɛ.”

Kpojemi 14:3

Nimli 144,000 ɔ daa si ngɛ matsɛ sɛ ɔ, kɛ hɛ kali eywiɛ ɔmɛ, kɛ nikɔtɔma amɛ a hɛ mi, nɛ a ngɛ la he ko lae. Nɔ ko nɔ ko nyɛ we nɛ e kase la nɛ ɔ ngɛ je ɔ mi tsuo, ja mɛ nimli 144,000 ɔ nɛ Mawu he a yi wami ɔ.

Mose V, 31:30

Enɛ ɔ se ɔ, Mose kane la a mi munyu ɔmɛ tsuo kɛ tsɔɔ Israel ma a, nɛ mɛ tsuo a bu tue kɛ ya si nyagbe:

Kpojemi 17:14

Lohwe ɔ, kɛ matsɛmɛ ɔmɛ ma ya tua To bi ɔ. Se To bi ɔ, kɛ e se nyɛɛli ɔmɛ maa ye a nɔ kunimi. Lɛ ji nyɔmtsɛmɛ a nyɔmtsɛ, kɛ matsɛmɛ a matsɛ, nɛ e se nyɛɛli ɔmɛ ji nihi nɛ Mawu tsɛ, nɛ e hla mɛ ngɔ to, nɛ a yeɔ lɛ anɔkuale.”

Kpojemi 11:17

nɛ a de ke, “Nyɔmtsɛ Mawu Ope, Mo nɛ o ngɛ amlɔ nɛ ɔ, nɛ o hi si hyɛ hulɔ ɔ, Wa naa mo si kaa o tsu o he wami kpetekpleenyɛ ɔ he ní, nɛ o bɔni matsɛ yemi!

Kpojemi 4:8

Hɛ kali eywiɛ ɔmɛ a ti nɔ tsuaa nɔ ngɛ pɛli ekpa, nɛ a mi mi je kɛ kpo nɔ je tsuo hɛngmɛ sɔuu. Nɛ nyɔ kɛ pia tsuo ɔ, a hii lae nɛ a kpa we ke, “Klɔuklɔu, klɔuklɔu, klɔuklɔu ji Nyɔmtsɛ Mawu Ope, nɔ nɛ ngɛ sa a, nɛ e ngɛ amlɔ nɛ ɔ, nɛ́ e maa ba a.”

Daniel 6:20

Benɛ e ya su lejɛ ɔ, e kɛ he hiami kpa ngmlaa tsɛ Daniel ke, “Daniel, mo Mawu hɛ kalɔ ɔ tsɔlɔ! Anɛ o Mawu ɔ nɛ o sɔmɔɔ lɛ daa a nyɛ́ je mo kɛ je jata amɛ a dɛ mi lo?”

Yesaya 45:21

Nyɛɛ kɛ nyɛ sane ɔ nɛ ba nɛ waa hyɛ mi. Nihi nɛ ma je a sane ɔ nya a, nyɛ ha nɛ a ya kpe yi! Nyɛ mawu ɔmɛ a kpɛti mɛnɔ nyɛ́ de nɔ́ ko kɛ to blema lokoo? Nɔ ko nɔ ko be. Anɛ pi imi Yawɛ lo? Anɛ pi imi Mawu nɛ da, nɛ heɔ e ma a yi wami ɔ lo? Ye se ɔ, Mawu kpa ko be hu.

La 145:6

Nihi maa fiɛ nyakpɛ ní, kɛ ní nguanguahi nɛ o pee ɔ, nɛ imi hu ma fiɛ ke o kle niinɛ.

La 99:4

Matsɛ kpetekpleenyɛ, mo nɛ o suɔ nɔ́ nɛ da! O to anɔkuale, kɛ dami sane yemi si ngɛ Israel.

Kpojemi 19:16

Nɛ a ngma biɛ ko ngɛ e tade klɔii ɔ, kɛ e fiɔ he ke, “Matsɛmɛ a matsɛ, kɛ nyɔmtsɛmɛ a nyɔmtsɛ.”

Zefania 3:5

Se Yawɛ ngɛ ma a mi; lɛɛ dalɔ ji lɛ; e pee we nɔ́ nɛ dɛ. Daa ligbi ɔ, e yeɔ dami sane. Se kɛ ɔ, yayami peeli ɔmɛ yaa nɔ nɛ a peeɔ yayami, nɛ nɔ́ nɛ ɔ pee we mɛ zo.

Mika 7:20

Wɔ o ma, Abraham kɛ Yakob a nina a, o maa gbaa wɔ, nɛ o maa na wɔ mɔbɔ daa kaa bɔ nɛ o wo wa nɛmɛ ɔmɛ si blema lokoo ɔ.

La 105:5

Nyɛ, Mawu tsɔlɔ Abraham nina! Yakob nina, nyɛ nɛ Mawu hla! Nyɛ kai nyakpɛ níhi nɛ Mawu pee, kɛ bɔ nɛ e kojo je ma amɛ.

La 78:12

Mawu pee nyakpɛ ní babauu ngɛ a nɛmɛ ɔmɛ a hɛ mi, ngɛ Zoan nga kplanaa a nɔ, ngɛ Egipt zugba a mi.

Hiob 5:9

Lɛ ji nɔ nɛ peeɔ ní nguanguahi nɛ wa juɛmi sui he, kɛ nyakpɛ ní hu babauu.

Kronika II, 24:6

Enɛ ɔ he je ɔ, matsɛ ɔ tsɛ Yehoyada, a nyatsɛ ɔ, nɛ e bi lɛ ke, “Tó ɔ nɛ Yawɛ tsɔlɔ Mose de ke ma a nɛ tsu konɛ a kɛ tsu Yawɛ kpe he bo tsu ɔ he ní ɔ, mɛni he je o hyɛ we nɛ Levi bi ɔmɛ ya tsu ngɛ Yuda ma a amɛ a mi, kɛ Yerusalem ɔ?”

Kronika I, 6:49

Aaron kɛ e nina lɛɛ a ní tsumi ji kaa a sã sami bɔ, kɛ tsopa kɛ e he via ngɛ bɔ sami la tɛ ɔ nɔ kaa bɔ nɛ a to blɔ nya kɛ ha jami ngɛ he klɔuklɔu pe kulaa a. Mɛ nɔuu ji ni nɛmɛ nɛ daa Israel ma a tsuo nane mi kɛ sãã kpatami bɔ kaa bɔ nɛ Mawu tsɔlɔ Mose fa mɛ ke a pee ɔ.

Kpojemi 14:8

Bɔfo enyɔne ba ngɛ kekleekle nɔ́ ɔ se, nɛ e ngɛ dee ke, “Babilon hɛ mi kpata! Babilon ma kpetekpleenyɛ ɔ hɛ mi kpata! Babilon yakayaka ní peemi ɔmɛ ha nɛ je ɔ tsuo puɛ; e ngɛ kaa dã nɛ nya wa nɛ e ha mɛ nɛ a nu.”

Daniel 9:11

Israel ma a tsuo tɔ o mlaa amɛ, nɛ a bui o gbi tue. Wa pee yayami kɛ si mo, nɛ lɔ ɔ he nɛ o ngɔ gbiɛmi ɔmɛ nɛ a ngma ngɛ o tsɔlɔ Mose mlaa womi ɔ mi ɔ kɛ ba wa nɔ ɔ nɛ.

Nehemia 9:14

O tsɔɔ mɛ kaa a ye Hejɔɔmi ligbi ɔ klɔuklɔu, nɛ o gu o tsɔlɔ Mose nɔ kɛ ha mɛ o mlaa amɛ.

Mose V, 34:5

Yawɛ tsɔlɔ Mose gbo ngɛ lejɛ ɔ, ngɛ Moab zugba a nɔ kaa bɔ nɛ Yawɛ de to ɔ.

Mose V, 32:3

Ma wo Yawɛ biɛ ta kɛ je e yi, nɛ e ma a maa wo e hɛ mi nyami.

Yoshua 22:5

Nyɛɛ hyɛ saminya, nɛ nyɛɛ ye mlaa amɛ nɛ Yawɛ tsɔlɔ Mose wo nyɛ ɔ a nɔ. Nyɛɛ suɔ Yawɛ, nyɛ Mawu ɔ; nyɛɛ pee e suɔmi nya ní; nyɛɛ ye e mlaa amɛ a nɔ, nyɛɛ ye lɛ anɔkuale, nɛ nyɛ sɔmɔ lɛ kɛ nyɛ tsui tsuo, kɛ nyɛ klaa tsuo.”

Hiob 36:24

Nihi ngɛ Mawu yi jee ngɛ e ní tsumi kpetekpleenyɛ ɔmɛ a he; mo hu mo je e yi koo.

La 18:30

Mawu nɛ ɔ loo! E ní peemi níhi hi kɛ pi si. Ke e wo si ɔ, e baa mi. Nihi tsuo nɛ ya saa we ngɛ e ngɔ ɔ, e buu a he.

La 92:5

Yawɛ, bɔ nɛ o ní tsumi ɔmɛ kle ɔ, ja nɔuu o juɛmi hu mi kuɔ.

La 111:7

E yeɔ anɔkuale kɛ dami sane ngɛ níhi tsuo a mi; nɛ e mlaa amɛ ɔ, anɔkuale sɔuu.

1 Timoteo 1:17

Mawu kake too, Neneene Matsɛ, nɔ nɛ ngɛ daa nɛ a nɛ lɛ ɔ, a je e yi, nɛ a wo e hɛ mi nyami kɛ ya neneene! Amen.

Kpojemi 1:8

Nyɔmtsɛ Mawu Ope ɔ, nɔ nɛ ngɛ sa a, nɛ e ngɛ amlɔ nɛ ɔ, nɛ e maa ba a ke, “Imi ji kekleekle no kɛ nyagbe no.”