Kpojemi 14:6 - BAIBLO ALOO NGMAMI KLƆUKLƆU Ɔ

⁶ Jehanɛ ɔ, i na bɔfo kpa nɛ te ngɛ hiɔwe lokoo kɛ bee. E hɛɛ sɛ gbi ko nɛ ngɛ kɛ yaa neneene. Sɛ gbi ɔ kɔɔ sane kpakpa a he, nɛ e yaa nɛ e ya fiɛ sɛ gbi nɛ ɔ ha nihi tsuo nɛ ngɛ je ɔ mi, mahi kɛ wɛtsohi, kɛ gbihi kɛ nimli tsuo.

Somi He Ɔ

⁶ Kɛkɛ nɛ i na hiɔwe bɔfo kpa ko nɛ e ngɛ tee ngɛ kɔɔhiɔ mi, nɛ e hɛɛ neneene Sane Kpakpa nɛ e yaa jaje ngɔ tsɔɔ nihi nɛ ngɛ zugba a nɔ kɛ je ma tsuaa je ma kɛ wɛtso tsuaa wɛtso kɛ mahi a nɔ gbi slɔɔtohi kɛ ma tsuaa ma a, nɛ e kɛ gbi ngua de ke:

Kpojemi 14:6 ပူးပေါင်းရင်းမြစ်များ

Mose I, 1:6

Enɛ ɔ se ɔ, Mawu fa ke, “Nɔ́ ko nɛ ba nɛ e ba gba nyu ɔ mi enyɔ”. Nɛ e ba mi ja. Kɛkɛ nɛ Mawu pee nɔ́ ko kɛ gba nyu ɔ mi; nyu ɔ fa ba je nɔ́ ɔ sisi, nɛ fa ba je e yi mi.

Samuel II, 23:5

Kikɛ nɛ ɔ Mawu maa gbaa ye weku kɛ nina. Mawu kɛ mi so neneene somi, somi nɛ a be mi poe gblegbleegble. Nɔ́ nɛ i ngɛ hlae ɔ pɛ ji nɛ ɔ nɛ; e maa pee ye kunimi yemi, nɛ Yawɛ ma ha nɛ e ba mi.

La 119:142

Dalɔ ji mo, nɛ ja o ngɛ kɛ yaa neneene; o mlaa a, anɔkuale sɔuu.

La 139:24

Hyɛ kaa yayami ko pa ngɛ ye mi lo, nɛ o ngɔ mi kɛ fɔ blɔ nɛ kɛ nɔ yaa neneene wami mi ɔ nɔ.

La 145:13

O matsɛ yemi ɔ ngɛ daa, nɛ o nɔ yemi ɔ ngɛ kɛ yaa neneene. Yawɛ yeɔ e siwo nɔ pɛpɛɛpɛ, nɛ nɔ́ tsuaa nɔ́ nɛ e peeɔ ɔ hi saminya.

Yesaya 40:8

Nga gbliɔ, nɛ mɔmɔ hu nglaa; se wa Mawu ɔ munyu ɔ lɛɛ e ngɛ kɛ yaa neneene.”

Yesaya 45:17

Se Israel ma a lɛɛ Yawɛ ma he a yi wami kɛ maa ya neneene; e be hae nɛ a hɛ mi ma pue si kɔkɔɔkɔ.’ ”

Yesaya 51:6

Nyɛ wo nyɛ yi nɔ nɛ nyɛɛ hyɛ hiɔwe, nɛ nyɛɛ kpale hyɛ zugba mi. Hiɔwe maa laa kaa la su ku nɛ se po; zugba ma puplee kaa tako piɛ, nɛ nimli nɛ ngɛ nɔ ɔ ma gbo kaa anunuhi. Se nyɛɛ lɛɛ ma he nyɛ yi wami daa; ma ye kunimi ha nyɛ kɛ maa ya neneene.

Yesaya 51:8

Ejakaa a hɛ mi ma kpata pɛsɛpɛsɛ kaa bo nɛ wɔyewɔye ye, loo kuutu nɛ gɔgɔ ye. Ma ye dami sane ha nyɛ daa, nɛ ma he nyɛ yi wami be tsuaa be; ma ye kunimi ha nyɛ kɛ maa ya neneene.”

Yesaya 6:2

Serafhi bɔle lɛ. A ti nɔ tsuaa nɔ ngɛ pɛli ekpa. Eko tsuaa eko ngɔ pɛli enyɔ ngɔ ha e hɛ mi, nɛ e ngɔ enyɔ hu ngɔ ha e he, nɛ enyɔ nɛ piɛ ɔ, e kɛ te.

Ezekiel 1:14

Hɛ kali ɔmɛ saa fo kɛ yaa kɛ baa kaa oslabai nɛ ngɛ gbae.

Daniel 4:1

Matsɛ Nebukadnezar kɛ sɛ gbi nɛ ɔ mane je ma amɛ a nɔ bi, kɛ nihi nɛ tuɔ gbi slɔɔtoslɔɔto ɔmɛ tsuo ke, “Nyɛ he manye!

Daniel 9:21

Benɛ i ngɛ sɔlee kɛ mwɔɔ ɔ, Gabriel nɛ i na lɛ ngɛ kekleekle nina a mi ɔ te kɛ ba he nɛ i ngɛ ɔ. Jamɛ a be ɔ mi lɛ a sãã gbɔkuɛ bɔ ɔ nɛ.

Mateo 10:27

Nɔ́ nɛ i ngɛ nyɛ dee ngɛ diblii mi ɔ, nyɛɛ sɛɛ piani katakata; nɔ́ nɛ i ngɛ nyɛ tue mi woe nɛ i ngɛ nyɛ dee ɔ, nyɛɛ fiɛ ngɛ ma nɔ.

Marko 16:15

Kɛkɛ nɛ e de mɛ ke, “Nyɛɛ ya je ɔ mi tsuo nɛ nyɛ ya fiɛ sane kpakpa a ngɔ tsɔɔ nimli adesahi tsuo.

Romabi 16:25

Nyɛ ha wa je Mawu yi. Lɛ nɛ e ma ha nyɛ hemi kɛ yemi ɔ mi maa wa ngɛ Yesu Kristo he sane kpakpa a nɛ i fiɛ ha nyɛ ɔ mi. Kɛ je blema lokoo ɔ, nɔ ko nɔ ko li anɔkuale nɛ ɔ.

Kolosebi 1:23

Lɔ ɔ he ɔ, e hia kaa nyɛɛ hɛɛ hemi kɛ yemi ɔ mi; nyɛɛ da si kpitikplii, nɛ hɛ kɛ nɔ fɔmi nɛ nyɛ ná benɛ nyɛ nu sane kpakpa a, nyɛ ko ngmɛɛ he. Sane kpakpa nɛ ɔ nɛ a fiɛ ngɔ tsɔɔ bɔ níhi tsuo ngɛ je ɔ mi ɔ he lɛ imi Paulo i ba pee sɔmɔlɔ ngɛ.

2 Tesalonikabi 2:16

Wa Nyɔmtsɛ Yesu Kristo nitsɛ, kɛ wa Tsɛ Mawu, nɔ nɛ suɔ wɔ kikɛ nɛ ɔ, nɛ e gu e dloomi ɔ nɔ, nɛ e wo wɔ he wami, nɛ e ha wɔ hɛ kɛ nɔ fɔmi nɛ nya wa a,

Hebribi 13:20

He jɔmi Mawu ɔ, nɔ nɛ gu muɔ nɛ a kɛ sɔu neneene somi ɔ nya a nɔ, nɛ e je to ɔmɛ a hyɛlɔ ngua a nɛ ji wa Nyɔmtsɛ Yesu kɛ je gbeje kɛ ba wami mi ekohu ɔ,

1 Petro 1:25

Se Nyɔmtsɛ ɔ munyu ɔ ngɛ kɛ yaa neneene.” Munyu ɔ ji sane kpakpa a nɛ a fiɛ ha nyɛ ɔ nɛ.

Kpojemi 10:11

Nɛ a de mi ke, “Mawu sɛ gbi ɔ nɛ kɔɔ mahi, je mahi, gbihi, kɛ matsɛmɛ babauu a he ɔ, e sa kaa o fiɛ ekohu.”

Kpojemi 10:7

Se ke bɔfo kpaagone ɔ kpa e titimati ɔ, yi mi nɛ Mawu to ngɔ laa, nɛ e de e tsɔli nɛ ji gbali ɔmɛ ɔ, Mawu ma ha nɛ e ba mi.”

Kpojemi 13:7

A ngmɛ lɛ blɔ nɛ e kɛ ni klɔuklɔu ɔmɛ hwu ta, nɛ e ye a nɔ. A ha lɛ he wami ngɛ wɛtso munomuno, nimli munomuno, kɛ gbi munomuno tsuo a nɔ.

Kpojemi 3:10

I wo mo mlaa ke o to o tsui si ngɛ nɔ́ nami mi; nɛ o ye nɔ. Enɛ ɔ he je ɔ, amanehlu nguaa a nɛ ma je ɔ tsuo nɔ ɔ, ke be ɔ su ɔ, imi hu ma ha nɛ o maa ye o he. Ee, a kɛ amanehlu nɛ ɔ maa ka nihi tsuo ngɛ je ɔ mi.

Kpojemi 5:9

Hɛ kali ɔmɛ, kɛ ni kpa amɛ la la he kɛ ha To bi ɔ ke, “Mo nɛ o sa kaa o heɔ womi kpo ɔ, nɛ o tsɔɔ nya sɔumi ní ɔmɛ. Ejakaa a gbe mo, nɛ o kɛ o muɔ ɔ he adesahi tsuo, wɛtsohi, gbihi, mahi, kɛ je mahi kɛ ha Mawu.

Kpojemi 8:13

Kɛkɛ nɛ i hyɛ, nɛ i nu kɔle ko he nɛ te kɛ bee ngɛ hiɔwe lokoo. Kɔle ɔ ngɛ munyu tue kɛ gbi wawɛɛ ke, “Musu oo musu! Musu oo musu! Nihi tsuo nɛ maa hi je ɔ mi be mi nɛ bɔfo etɛ ɔmɛ ma kpa titimati ɔmɛ nɛ piɛ ɔ, musu tloo mɛ!”