Kpojemi 14:5 - BAIBLO ALOO NGMAMI KLƆUKLƆU Ɔ

⁵ A yi lakpa hyɛ; sé ko be a he.

Somi He Ɔ

⁵ A nɛ́ lakpa ko ngɛ a nya mi, ejakaa piami ko be a he.

Kpojemi 14:5 ပူးပေါင်းရင်းမြစ်များ

La 32:2

A gbaa nɔ nɛ Yawɛ nɛ yayami ko ngɛ e he; nɔ nɛ sisi we nɔ.

La 34:13

Hyɛ nɛ o ko tu munyu nɛ sɛ́! Hyɛ nɛ o ko ye lakpa!

La 55:11

Nihi a hɛ mi sɔuu a ngɛ kpatae ngɛ ma a mi; gbɛjegbɛ ɔmɛ a nɔ hu, yi mi wami, kɛ amimi yemi sɔuu lɛ ngɛ nɔ yae.

Abɛ Womi 8:8

Ye nya mi munyuhi tsuo da; ekoeko be nɛ kpɛ̃; ekoeko be nɛ ji lakpa.

Lahi 4:7

Ye afɛu yo, o he ngɛ fɛu tsɔ; o he ngɛ fɛu kɛ pi si!

Yesaya 53:9

E gbo ngɛ yayami peeli a kpɛti, nɛ a pu lɛ ngɛ niatsɛ ko yɔkɔ mi; se anɔkuale mi ɔ, e yi nɔ ko awi hyɛ, nɛ lakpa ko hu ji e nya hyɛ.”

Daniel 6:4

Enɛ ɔ he je ɔ, amlaalo ɔmɛ, kɛ nikɔtɔma enyɔ ɔmɛ bɔ mɔde hla kaa a maa na tɔmi ko ngɛ Daniel ma nɔ yemi ní tsumi ɔ he lo. Se a nɛ nɔ́ ko nɛ a maa da nɔ kɛ po e nya. A nɛ tɔmi ko ngɛ e he; ejakaa e yeɔ anɔkuale, nɛ e pee we nɔ́ nɛ dɛ.

Hosea 10:2

A yi Mawu anɔkuale, lɔ ɔ he ɔ, a maa gbla a tue ngɛ a yayami ɔmɛ a he. Yawɛ maa ku a bɔ sami la tɛ ɔmɛ, kɛ titima amɛ kɛ pue si.

Zefania 3:13

Israel bi nɛ maa piɛ ɔ, a be nɔ́ yayami pee; a be lakpa yee, nɛ a be nɔ sisie hulɔ. A ma plɔke, nɛ a he mi maa jɔ mɛ, nɛ nɔ ko nɔ ko be nyɛe maa wo a he gbeye.”

Malaki 2:6

A tsɔɔ nɔ́ nɛ ji anɔkuale ɔ, se pi nɔ́ nɛ dɛ. A kɛ mi hi si saminya. Pi kaa mɛ nitsɛmɛ a peeɔ nɔ́ nɛ da kɛkɛ, se a ha nɛ nihi babauu hu kpa yayami peemi.

Mateo 12:34

Nyɛ sinɔhi a nina! Nyɛ nimli yayamihi! Kɛ nyɛ maa pee kɛ tu munyu kpakpa kɛɛ? Ejakaa nɔ́ nɛ hyi tsui mi tɔ ɔ, lɔ ɔ nya deɔ.

Luka 23:4

Jehanɛ ɔ, Pilato de osɔfo nikɔtɔma amɛ, kɛ ma kpekpemi ɔ nɛ ngɛ lejɛ ɔ ke, “I nɛ nɔ́ yayami ko ngɛ nyumu nɛ ɔ he nɛ buɔ lɛ fɔ.”

Yohane 1:47

Benɛ Yesu na Natanael nɛ ma e ngɔ ɔ, e de ke, “Israel no ngmingmiingmi ji nɛ ɔ nɛ; sé ko be e he.”

Efesobi 5:27

E pee enɛ ɔ, konɛ e ngɔ asafo ɔ ngɔ pee lɛ nitsɛ e nɔ́. Asafo ɔ ngɛ kaa nɔ ko nɛ he ngɛ fɛu saminya; sé ko be e he ɔ, e hɛ mi kuã we, nɛ nɔ́ yaya kpa ko hu be e he. Ee, asafo ɔ maa hi klɔuklɔu nɛ piami ko piami ko be e he hie.

Kolosebi 1:22

Se amlɔ nɛ ɔ, kɛ gu e Bi ɔ nɛ ba ngɛ he lo mi ɔ gbenɔ ɔ nɔ ɔ, e kɛ nyɛ ba kpata. E pee enɛ ɔ, bɔ nɛ pee nɛ nyɛɛ pee klɔuklɔu, nɛ piami, loo sé ko kó hi nyɛ he ngɛ e hɛ mi.

Hebribi 9:14

Ke enɛ ɔmɛ ngɛ mi niinɛ ɔ, lɛɛ Kristo muɔ nɛ e gu Mumi Klɔuklɔu nɛ ngɛ daa a nɔ nɛ e kɛ pue si ɔ tsu ní kulaa pe jã. Bɔ ɔ nɛ Kristo nɛ sé ko be e he ɔ ngɔ e he kɛ sã, nɛ e gbo ngɛ wa he ɔ ma ha nɛ wa ma je wa hɛ kɛ je kusumihi nɛ a he be se nami ɔ a he, nɛ wa ma sɔmɔ Mawu hɛ kalɔ ɔ.

1 Petro 1:19

se mohu, gbenɔ nɛ Kristo gbo, nɛ e ngɔ e he kɛ sã bɔ nɛ he jua wa a. Ee, Kristo ngɛ kaa to bi nɛ kpa, aloo mu ko be e he.

1 Petro 2:22

E pee we yayami ko ɔ, lakpa ko hu ji e nya.

1 Petro 3:10

Ngmami ɔ ke, “Nɔ tsuaa nɔ nɛ suɔ kaa e na bua jɔmi, nɛ e se nɛ kɛ ngɛ je mi ɔ, e kpa lakpa yemi, kɛ nɔ he munyu yaya tumi.

Yuda 1:24

Lɛ nɔ nɛ e ngɛ he wami nɛ e kɛ maa hyɛ nyɛ nɛ nyɛ be si nɔe, nɛ e maa hɛɛ nyɛ kɛ bua jɔmi kɛ ba e hɛ mi nyami klɔuklɔu ɔ mi nɛ piami ko be nyɛ he hie ɔ,