Kpojemi 14:19 - BAIBLO ALOO NGMAMI KLƆUKLƆU Ɔ

¹⁹ Kɛkɛ nɛ bɔfo ɔ bɔni ní tsumi ngɛ zugba a nɔ kɛ e ngma kpami ha a. E poo wai yiblii ɔ ngɛ ngmɔ ɔ nɔ, nɛ e sake ngɔ pue wai ngami nɔ́ kpetekpleenyɛ ɔ mi. Enɛ ɔ tsɔɔ bɔ nɛ Mawu maa gbla yayami peeli a tue.

Somi He Ɔ

¹⁹ Nɛ bɔfo ɔ sake e ha a ngɔ fɔ zugba a nɔ, nɛ e bua zugba a nɔ wai yiblii ɔmɛ a nya, nɛ e kɛ wo Mawu mi mi la wai ngami nɔ kpetekpleenyɛ ɔ mi.

Kpojemi 14:19 ပူးပေါင်းရင်းမြစ်များ

Yesaya 63:2

“Mɛni he je nɛ e tade tsu kikɛ nɛ ɔ kaa nɔ ko nɛ ngɛ wai yiblii ngae kɛ pee dã e tade ɔ?”

Yoel 3:13

Yiwutsotsɛmɛ ji mɛ; poo mɛ ngɔ pue si kaa bɔ nɛ a pooɔ blɛfo tsohi pueɔ si ngɛ ní kpami be mi ɔ; ngaa a mi kaa bɔ nɛ a ngaa wai yiblii mi ngɛ wai ngami he kɛ ya siɔ e hyiɔ muɔ ɔ, nɛ e pueɔ si ɔ.”

Kpojemi 14:18

Bɔfo kpa hu nɛ ngɛ he wami ngɛ la nɔ je bɔ sami la tɛ ɔ he kɛ ba. E kpa ngmlaa wawɛɛ nɛ e de bɔfo ɔ nɛ hɛɛ ngma kpami ha nɛ nya ba a ke, “Ngɔɔ o ha nɛ nya ba a kɛ poo wai yiblii ɔmɛ, nɛ o bua nya. Wai yiblii ɔmɛ fu ngɛ ngmɔ ɔ nɔ.”