Kpojemi 14:11 - BAIBLO ALOO NGMAMI KLƆUKLƆU Ɔ

¹¹ La a nɛ a ma pii mɛ ngɛ mi ɔ maa tso gegeege kɛ maa ya neneene. He jɔmi ko be ha nihi nɛ jaa lohwe awi yelɔ ɔ kɛ e we amaga a, loo ni nɛmɛ nɛ a kɛ e biɛ kadi mɛ ɔ; a maa na nɔ́ nyɔ kɛ pia tsuo.”

Somi He Ɔ

¹¹ Nɛ a plaami ɔ lasuku ɔ tee si kɛ yaa neneene kɛ neneene; nɛ nihi nɛ ja lohwe ɔ kɛ e maga, a kɛ nɔ tsuaa nɔ nɛ he e biɛ ɔ okadi ɔ na we he jɔmi nyɔ kɛ pia.

Kpojemi 14:11 ပူးပေါင်းရင်းမြစ်များ

Kpojemi 19:3

Nɛ a kpa ngmlaa ekohu nɛ a de ke, “A je Mawu yi! La nɛ maa sã ma kpetekpleenyɛ ɔ be gboe gblegbleegble!”

Yesaya 34:10

E maa tso nyɔ kɛ pia, nɛ e be gboe. Zugba a nɔ maa je gu yi nɔhi babauu, nɛ nɔ ko nɔ ko be nɔ nyɛɛe hu.

Kpojemi 20:10

Kɛkɛ nɛ a hɛ Abosiami ɔ nɛ sisi mɛ ɔ ngɔ fɔ taku kɛ e mi la nɛ ngɛ tsoe gegeege ɔ mi he nɛ lohwe awi yelɔ ɔ, kɛ lakpa gbalɔ ɔ ngɛ ɔ. Nɛ a ma pii mɛ nyɔ kɛ pia kɛ ya neneene.

Mateo 25:46

Lɔ ɔ he ɔ, nimli nɛ ɔmɛ maa ya neneene he hiami mi; se dali ɔmɛ lɛɛ a maa ya neneene wami mi.”

Mateo 25:41

“Kɛkɛ ɔ, e ma de ni nɛmɛ nɛ ngɛ e muɔ nɔ ɔ ke, ‘Nyɛ nihi nɛ Mawu gbiɛ nyɛ, nyɛɛ je ye nɔ! Neneene la nɛ a dla ngɔ to Abosiami, kɛ e bɔfo ɔmɛ ɔ, nyɛ ya sɛ mi!

Kpojemi 18:18

Nɛ benɛ a sã ma a, nɛ a na la su ku nɛ je ɔ, a kpa ngmlaa, nɛ a de ke, “Ma ko ma ko be nɛ kle kaa ma kpetekpleenyɛ nɛ ɔ!”

Kpojemi 14:9

Mawu bɔfo etɛne ba ngɛ Mawu bɔfo enyɔ ɔmɛ a se. Nɛ e de kɛ gbi wawɛɛ ke, “Nihi tsuo nɛ jaa lohwe awi yelɔ ɔ, kɛ e we amaga a, nɛ a kɛ amaga a kadi a hɛ nya, loo a nine he ɔ, ja a nu wai nɛ daa si ha Mawu mi mi fumi ɔ. Enɛ ɔ ji wai ngmingmiingmi nɛ Mawu nitsɛ plɛ kɛ wo kplu nɛ daa si ha e mi mi fumi ɔ mi. A ma pii nimli nɛ ɔmɛ hulɔ ngɛ la nɛ ngɛ tsoe gegeege ɔ mi ngɛ Mawu bɔfo klɔuklɔu ɔmɛ, kɛ To bi ɔ a hɛ mi.

Yesaya 33:14

Yayami peeli nɛ ngɛ Zion ɔ nu sawale, nɛ a he ngɛ doe blibliibli. Nɔ́ nɛ a ngɛ a he bie ji, “La nɛ ngɛ ní puɛe nɛ ɔ, wa ti mɛnɔ ma nyɛ nya maa da? La nɛ ngɛ tsoe nɛ gbo we gblegbleegble nɛ ɔ nɛ, wa ti mɛnɔ ma nyɛ nya maa da?”

Mose I, 19:28

E hyɛ Sodom kɛ Gomora, kɛ kɔ̃ ɔ mi tsuo, nɛ e na la su ku nɛ ngɛ zugba a jee kaa flɔɔnɔɔ nguaa ko mi la su ku.

Kpojemi 11:15

Jehanɛ ɔ, bɔfo kpaagone ɔ kpa e titimati ɔ, nɛ i nu gbihi nɛ ngɛ pɛe wawɛɛ ngɛ hiɔwe ke, “Amlɔ nɛ ɔ, wa Nyɔmtsɛ ɔ kɛ e Kristo ɔ nɛ a ngɛ je ɔ nɔ yee. Nɛ a maa ye matsɛ kɛ maa ya neneene!”

Kpojemi 7:12

nɛ a de ke, “Amen! Wa Mawu! Wa ngɛ o yi jee; wa ngɛ o hɛ mi nyami woe, nɛ wa ngɛ mo si nae kɛ yaa neneene. Ejakaa o le ní; o kle, nɛ o je agbo! Amen!”

Hebribi 1:8

Bi ɔ lɛɛ Mawu de ngɛ e he ke, “Mawu ji mo; o maa ye matsɛ kɛ maa ya neneene! Nɛ dami sane yemi maa pee o matsɛ tso.

La 145:1

Ye Mawu kɛ ye matsɛ, ma wo o hɛ mi nyami, nɛ ma na mo si daa.

La 10:16

Yawɛ ji matsɛ kɛ je neneene kɛ yaa neneene. Je ma amɛ gbo ta e zugba a nɔ.

Mose II, 15:18

Yawɛ maa ye matsɛ kɛ maa ya neneene.”

Kpojemi 22:5

Diblii be si hie hu, nɛ kane, loo pu la he be mɛ hiae, ejakaa Nyɔmtsɛ Mawu ma ha mɛ la, nɛ a maa ye matsɛ kɛ maa ya neneene.

Kpojemi 13:12

E ngɔ jamɛ a he wami kpetekpleenyɛ ɔ nɛ lohwe awi yelɔ kake ɔ ngɛ ɔ, nɛ e kɛ tsu ní ja nɔuu ngɛ kekleekle nɔ́ ɔ nane mi. E nyɛ nihi tsuo nɛ ngɛ je ɔ mi ɔ a nɔ nɛ a ja kekleekle lohwe awi yelɔ ɔ nɛ e pa a gbo ɔ.

Mateo 11:28

“Nyɛ nihi tsuo nɛ nyɛ tloo tlomi nɛ pɔ tɔ nyɛ, nyɛɛ ba ye ngɔ, nɛ ma ha nɛ nyɛɛ jɔɔ nyɛ he.

Yoel 2:30

“Ma ha a maa na jamɛ a ligbi ɔ he okadi nɛ ɔmɛ ngɛ hiɔwe, kɛ zugba a nɔ: muɔ, kɛ la, kɛ la su ku kpii.

Yesaya 57:20

Se yiwutsotsɛmɛ lɛɛ a ngɛ kaa wo nɛ gli nɛ e we oslɔke ɔmɛ ngɛ kue; a ngɛ kaa wo nɛ ngɛ mu níhi, kɛ mɔsɔ jee kɛ ngɛ he puee daa nɛ.

Mose V, 28:65

Nyɛ be tue mi jɔmi nae ngɛ he ko he ko; he ko be nɛ nyɛ ma tsɛ ke nyɛ nitsɛmɛ nyɛ nɔ́; Yawɛ ma ha nyɛ tsui maa hi poe; nyɛ hɛ kɛ nɔ fɔmi maa ta, nɛ nyɛ nine mi maa je wu.

Yesaya 34:8

Yawɛ to be ko nɛ e ma he Zion yi wami, nɛ e maa gbla a he nyɛli ɔmɛ a tue.

Daniel 3:6

Nɔ nɛ be si kplae nɛ e ja amaga nɛ ɔ, a sake lɛ ngɔ fɔ flɔɔnɔɔ kɛ e mi la nɛ ngɛ tsoe gegeege mi.”

Kpojemi 13:15

Mawu ha lohwe awi yelɔ enyɔne ɔ blɔ kaa e mu mumi kɛ wo amaga a mi, konɛ amaga a nɛ na wami, nɛ e tu munyu. Kɛkɛ ɔ, e ma ha nɛ a gbe nihi tsuo nɛ ja we lɛ ɔ.

Kpojemi 13:17

Nɔ ko nɔ ko be nyɛe ma he ní, loo e maa jua ní, kaa ja a kadi lɛ kikɛ nɛ ɔ kɛ kekleekle lohwe awi yelɔ ɔ biɛ, loo yibɔ nɛ daa si ha biɛ ɔ.

Kpojemi 18:9

Je nɛ ɔ mi matsɛmɛ ɔmɛ nɛ a kɛ Babilon bɔ ajuama, nɛ a fiɛ a yi nɔ ɔ, ke be nɛ a sã ma a, nɛ a na la su ku nɛ ngɛ jee ɔ, a maa wo yana, nɛ a ma nya awe ha ma a.