Kpojemi 13:4 - BAIBLO ALOO NGMAMI KLƆUKLƆU Ɔ

⁴ Ni ɔmɛ tsuo ja sinɔ nguaa a, ejakaa e ngɔ e blɔ nya a kɛ ha lohwe awi yelɔ ɔ. A ja lohwe awi yelɔ ɔ hulɔ, nɛ a de ke, “Mɛnɔ kɛ lohwe nɛ ɔ sɔ? Mɛnɔ ma nyɛ nɛ e kɛ lɛ maa hwu ta?”

Somi He Ɔ

⁴ Nɛ ni ɔmɛ tsuo ja sinɔ ngua a nɛ ngɔ he blɔ ɔ ngɔ ha lohwe ɔ, nɛ a ke: “Mɛnɔ ngɛ kaa lohwe, ɔ nɛ mɛnɔ ma nyɛ nɛ e kɛ lɛ maa hwu ta?”

Kpojemi 13:4 ပူးပေါင်းရင်းမြစ်များ

Mose II, 15:11

“Yawɛ lee, mɛnɔ ngɛ kaa mo? Mɛnɔ ngɛ kaa mo ngɛ mawu ɔmɛ a kpɛti? O je agbo; o he ngɛ gbeye; mo, mo nyakpɛ ní peelɔ.

Yesaya 46:5

“Yawɛ ngɛ bie ke, ‘Mɛnɔ he nyɛ maa ngɔ mi kɛ to? Nɔ ko ngɛ nɛ kɛ mi sɔ lo?’

2 Korintobi 4:4

A he we sane kpakpa a yi, ejakaa je nɛ ɔ mi mawu ɔ yu a mumi mi hɛngmɛ; nɛ la nɛ ngɛ kpɛe ngɛ a nɔ ɔ, a nɛ. Sane kpakpa a nɛ woɔ Kristo hɛ mi nyami ɔ, la nɛ ɔ nɛ ngɛ lɛ gbɛe kɛ ngɛ fĩae. Kristo ɔ, e kɛ Mawu hɛɛ su kake.

Mose V, 9:2

Oblaihi gojogojoo nɛ nyɛ nu nɛ a de ke nɔ ko nɔ ko nyɛ we mɛ ɔ ngɛ lejɛ ɔ.

2 Tesalonikabi 2:4

E maa te si ngɔ wo nɔ́ tsuaa nɔ́ nɛ a tsɛɛ mawu, loo nɔ́ ko nɛ a jaa a, nɛ e ma wo e he nɔ ngɛ mɛ tsuo a nɔ. E ma ya hi Mawu sɔlemi we ɔ mi tete po, nɛ e ma de ke lɛ ji Mawu.

Kpojemi 12:3

Nyakpɛ okadi nguaa kpa ko hu je kpo ngɛ hiɔwe. I na wo mi sinɔ nguaa ko. E ngɛ yi kpaago, kɛ koli nyɔngma, nɛ jlasi fi yi tsuaa yi.

Kpojemi 12:4

Sinɔ ɔ ngɔ e hlemi kɛ gbla dodoehi nɛ ngɛ hiɔwe ɔ a mi dlami etɛ mi kake, nɛ e hɛ mɛ ngɔ pue zugba. Kɛkɛ nɛ e ya da yo nɛ miɔ nɛ e ma fɔ ɔ hɛ mi, konɛ ke e fɔ pɛ nɛ lɛ sinɔ ɔ nɛ ye bi ɔ.

Kpojemi 13:11

Jehanɛ ɔ, i na lohwe awi yelɔ kpa ko nɛ je zugba a mi. E ngɛ koli enyɔ; koli ɔmɛ ngɛ kaa to bi kolihi, nɛ lohwe ɔ tu munyu kaa bɔ nɛ sinɔ nguaa a tuɔ munyu.

Kpojemi 13:15

Mawu ha lohwe awi yelɔ enyɔne ɔ blɔ kaa e mu mumi kɛ wo amaga a mi, konɛ amaga a nɛ na wami, nɛ e tu munyu. Kɛkɛ ɔ, e ma ha nɛ a gbe nihi tsuo nɛ ja we lɛ ɔ.

Kpojemi 13:2

Lohwe awi yelɔ ɔ nɛ i na a ngɛ kaa ogbetee; e nane ngɛ kaa osisiblisi nane, nɛ e nya ngɛ kaa jata nya. Sinɔ nguaa a ha lohwe awi yelɔ ɔ e he wami kpetekpleenyɛ, kɛ he blɔ nɛ e ngɛ kaa nɔ nɛ yeɔ matsɛ ɔ eko.

Kpojemi 17:14

Lohwe ɔ, kɛ matsɛmɛ ɔmɛ ma ya tua To bi ɔ. Se To bi ɔ, kɛ e se nyɛɛli ɔmɛ maa ye a nɔ kunimi. Lɛ ji nyɔmtsɛmɛ a nyɔmtsɛ, kɛ matsɛmɛ a matsɛ, nɛ e se nyɛɛli ɔmɛ ji nihi nɛ Mawu tsɛ, nɛ e hla mɛ ngɔ to, nɛ a yeɔ lɛ anɔkuale.”

Kpojemi 18:18

Nɛ benɛ a sã ma a, nɛ a na la su ku nɛ je ɔ, a kpa ngmlaa, nɛ a de ke, “Ma ko ma ko be nɛ kle kaa ma kpetekpleenyɛ nɛ ɔ!”

Kpojemi 9:20

Nihi tsuo nɛ piɛ, nɛ mɛɛ haomi nɛ ɔmɛ gbi mɛ ɔ, a tsakee we a tsui, nɛ níhi nɛ a kɛ mɛ nitsɛmɛ a nine pee ɔ, a ngmɛɛ we he. A kpa we mumi yayamihi jami. Amagahi nɛ a kɛ sika tsu, loo sika hiɔ, loo ayawa, loo tɛ, loo tso pee ɔ, pi kaa a kpa mɛ jami; pohu amaga amɛ hyɛ we nɔ́, a nui nɔ́, nɛ a nyɛɛ we hulɔ.

Samuel I, 17:24

Benɛ Israel bi ɔmɛ na nyumu ɔ, sawale nu mɛ, nɛ mɛ tsuo pɛpɛɛpɛ a tu fo.