Kpojemi 13:14 - BAIBLO ALOO NGMAMI KLƆUKLƆU Ɔ

¹⁴ Mawu ngmɛ lohwe awi yelɔ enyɔne ɔ blɔ nɛ e pee nyakpɛ níhi ngɛ kekleekle lohwe ɔ hɛ mi. Kɛ gu nyakpɛ ní nɛ ɔmɛ a nɔ ɔ, e sisiɔ nihi tsuo nɛ ngɛ je ɔ mi ɔ, nɛ e haa a peeɔ yayami. E nyɛ a nɔ nɛ a puɛ amaga nɛ ngɛ kaa lohwe awi yelɔ kake ɔ nɛ a kɛ klaate plaa lɛ wawɛɛ se e gbo we ɔ.

Somi He Ɔ

¹⁴ Nɛ e kɛ nyakpɛ nihi nɛ e na he blɔ kaa e pee ngɛ lohwe ɔ hɛ mi ɔ sisiɔ ninɛmɛ nɛ ngɛ zugba a nɔ ɔ, nɛ e deɔ nihi nɛ ngɛ zugba a nɔ ɔ ke, a pee amaga ngɔ ha lohwe ɔ nɛ a kɛ klaate plaa lɛ nɛ e hɛ ngɛ ɔ.

Kpojemi 13:14 ပူးပေါင်းရင်းမြစ်များ

Matsɛmɛ II, 20:7

Enɛ ɔ se ɔ, Yesaya de matsɛ tsɔli ɔmɛ ke, “Nyɛɛ wɛɛ ngmɔkɔ, nɛ nyɛɛ ngɔ kɛ ya to e tslɔ ɔ nɔ kɛkɛ e ma na he wami.”

Matsɛmɛ II, 22:20

Lɔ ɔ he ɔ, tue gblami nɛ i kɛ maa ba Yerusalem nɔ ɔ, moo lɛɛ o be nae kɛ o hɛngmɛ; ma ha nɛ o ma gbo, nɛ a maa pu mo ngɛ he jɔmi mi loko tue gblami nɛ ɔ maa ba.” Tsɔli ɔmɛ kpale a se, nɛ a kɛ sɛ gbi nɛ ɔ ya ha Matsɛ Yosia.

Kronika II, 18:21

Mumi ɔ he nɔ ke, ‘Ke i ya a, ma ha nɛ Ahab gbali ɔmɛ tsuo maa ye lakpa.’ Yawɛ de lɛ ke, ‘Yaa nɛ o ya mlɔɔ lɛ; o maa ye manye.’ ”

Hiob 12:16

Mawu he wa, nɛ e le ní; nɔ sisilɔ, kɛ nɔ nɛ a sisi lɛ tsuo e níhi ji mɛ.

Mose II, 7:11

Kɛkɛ nɛ Farao ɔ hu tsɛ e ní leli ɔmɛ, kɛ kunya yeli ɔmɛ nɛ ji Egipt wɔnɔ ɔmɛ kɛ ba, nɛ mɛ hu a gu a ga blɔ ɔmɛ a nɔ kɛ pee ja nɔuu.

Yesaya 44:20

E ní pee mɔbɔ kaa nɔ nɛ ngɛ la zu yee; a mlɔɔ lɛ, nɛ e laa blɔ; lɔ ɔ he ɔ, e be nyɛe ma he lɛ nitsɛ e yi wami, loo nɛ e ma de ke, “Anɛ pi yaka nɔ́ nɔ nɛ i ngɔ ye hɛ ngɔ fɔ nɛ ɔ?”

Ezekiel 14:9

“Se ke a mlɔɔ gbalɔ ko nɛ e de nɔ́ ko ɔ, lɛɛ imi Yawɛ lɛ i mlɔɔ jamɛ a gbalɔ ɔ nɛ. Ma gbla e tue; ma kpata e hɛ mi; ma je lɛ kɛ je ye ma Israel ɔ a kpɛti.

Ezekiel 16:17

Lɔ ɔ se hu, o ngɔ o june kpakpa nɛ ji sika hiɔ, kɛ sika tsu nɛ imi nitsɛ i ha mo ɔ, nɛ o kɛ pee nyumu amagahi, nɛ o kɛ mɛ bɔ ajuama.

Ezekiel 8:10

Benɛ i sɛ tsu ɔ mi ɔ, i na nɛ a tɛni ní nɛ ɔmɛ ngɛ gbogbo ɔ he tsuo kɛ kpe: sinɔ slɔɔtohi babauu, lohwe nane eywiɛɛywiɛtsɛmɛ nɛ a hiee, kɛ Israel bi ɔmɛ a we amaga amɛ tsuo.

Daniel 11:36

“Siria matsɛ ɔ maa pee e suɔmi nya ní. E ma wo e he nɔ, nɛ e maa pee lɛ kaa e kle pe mawu ɔmɛ tsuo. Mawu Ope ɔ nitsɛ po, e maa tu musu munyuhi kɛ si lɛ hluu kɛ yaa si be nɛ Mawu maa gbla e tue. Ejakaa nɔ́ nɛ Mawu to kaa e maa pee ɔ, ja e pee.

2 Tesalonikabi 2:4

E maa te si ngɔ wo nɔ́ tsuaa nɔ́ nɛ a tsɛɛ mawu, loo nɔ́ ko nɛ a jaa a, nɛ e ma wo e he nɔ ngɛ mɛ tsuo a nɔ. E ma ya hi Mawu sɔlemi we ɔ mi tete po, nɛ e ma de ke lɛ ji Mawu.

Kpojemi 12:9

A sake sinɔ nguaa a ngɔ fɔ he. Ee, jamɛ a blema sinɔ nguaa a nɛ a tsɛɛ lɛ Abosiami, loo Satan nɛ sisi nihi tsuo ngɛ je ɔ mi ɔ, a sake lɛ kɛ e bɔfo ɔmɛ tsuo ngɔ fɔ je ɔ mi.

Kpojemi 13:1

Jehanɛ ɔ, i na lohwe awi yelɔ ko nɛ je wo ɔ mi kɛ ma. E ngɛ koli nyɔngma, kɛ yi kpaago. Jlasi ngɛ koli tsuaa koli he, nɛ a ngma biɛ nɛ ji musu bɔmi munyuhi kɛ si Mawu ngɛ yi tsuaa yi he.

Kpojemi 13:15

Mawu ha lohwe awi yelɔ enyɔne ɔ blɔ kaa e mu mumi kɛ wo amaga a mi, konɛ amaga a nɛ na wami, nɛ e tu munyu. Kɛkɛ ɔ, e ma ha nɛ a gbe nihi tsuo nɛ ja we lɛ ɔ.

Kpojemi 13:8

Nihi tsuo nɛ ngɛ je ɔ mi ɔ ma ja lɛ. Ni nɛmɛ nɛ a ngma a biɛ kɛ wo hɛ kali a womi ɔ mi loko a bɔ je ɔ, mɛ pɛ lɛ a be lɛ jae. To bi ɔ nɛ a gbe ɔ nɔ́ ji jamɛ a womi ɔ.

Kpojemi 14:11

La a nɛ a ma pii mɛ ngɛ mi ɔ maa tso gegeege kɛ maa ya neneene. He jɔmi ko be ha nihi nɛ jaa lohwe awi yelɔ ɔ kɛ e we amaga a, loo ni nɛmɛ nɛ a kɛ e biɛ kadi mɛ ɔ; a maa na nɔ́ nyɔ kɛ pia tsuo.”

Kpojemi 14:9

Mawu bɔfo etɛne ba ngɛ Mawu bɔfo enyɔ ɔmɛ a se. Nɛ e de kɛ gbi wawɛɛ ke, “Nihi tsuo nɛ jaa lohwe awi yelɔ ɔ, kɛ e we amaga a, nɛ a kɛ amaga a kadi a hɛ nya, loo a nine he ɔ, ja a nu wai nɛ daa si ha Mawu mi mi fumi ɔ. Enɛ ɔ ji wai ngmingmiingmi nɛ Mawu nitsɛ plɛ kɛ wo kplu nɛ daa si ha e mi mi fumi ɔ mi. A ma pii nimli nɛ ɔmɛ hulɔ ngɛ la nɛ ngɛ tsoe gegeege ɔ mi ngɛ Mawu bɔfo klɔuklɔu ɔmɛ, kɛ To bi ɔ a hɛ mi.

Kpojemi 15:2

Enɛ ɔ se ɔ, i na nɔ́ ko gbajaa ngɛ ye hɛ mi kaa wo; e hɛ mi tsɔ ngleinglei kaa ahuhuɛ, nɛ la ngɛ tsoe ngɛ mi. I na ni nɛmɛ nɛ ye kunimi ɔ hulɔ; a hɛɛ kpa sakuhi nɛ Mawu ha mɛ ɔ ngɛ a dɛ mi, nɛ a daa si ngɛ wo nɛ e hɛ mi tsɔ ngleinglei kaa ahuhuɛ ɔ kasa nya. Ee, a ye lohwe awi yelɔ ɔ, kɛ e we amaga a, kɛ nɔ nɛ yibɔ ko daa si ha e biɛ ɔ a nɔ kunimi.

Kpojemi 16:13

Kɛkɛ nɛ i na mumi yayami etɛ nɛ a ngɛ kaa ovɔnɔhi. A je sinɔ nguaa a, kɛ lohwe awi yelɔ ɔ, kɛ lakpa gbalɔ ɔ a nya mi kɛ ma.

Kpojemi 16:2

Kekleekle bɔfo ɔ ho nɛ e ya plɛ e kplu ɔ mi nɔ́ ɔ ngɔ pue zugba. Kɛkɛ nɛ nihi nɛ lohwe awi yelɔ ɔ we okadi ɔ ngɛ a he, kɛ ni nɛmɛ nɛ jaa amaga a tsuo hia pa yaya nɛ yee nɔ.

Kpojemi 18:23

Kane be tsoe ngɛ ma a mi hu; nɛ a be ayɛflo huno, kɛ ayɛflo nya nue hu. O jua yeli ɔmɛ ji nimli nguahi ngɛ je ɔ mi tsuo, nɛ o ngɔ kunya yemi kɛ sisi nihi tsuo ngɛ je ɔ mi!”

Kpojemi 19:20

A nu lohwe awi yelɔ ɔ, kɛ lakpa gbalɔ ɔ nɛ pee nyakpɛ níhi ngɛ e hɛ mi ɔ tsuo. E pee nyakpɛ ní ɔmɛ kɛ sisi nihi nɛ a kɛ lohwe ɔ kadi mɛ ɔ, kɛ ni nɛmɛ nɛ jaa lohwe ɔ we amaga a. A hɛ lohwe ɔ, kɛ lakpa gbalɔ ɔ tsuo ngɔ fɔ taku kɛ e mi la nɛ ngɛ tsoe gegeege ɔ mi hɛ ngmengmle.

Kpojemi 2:10

Koo ye amanehlu nɛ ma o nɔ ɔ gbeye! Hyɛ! Abosiami miɔ nɛ e maa wo nyɛ ti ni komɛ tsu, konɛ a kɛ ka nyɛ; nɛ nyɛ maa na nɔ́ ligbi nyɔngma. Ye mi anɔkuale kɛ yaa si gbenɔ mi tete po, nɛ ma ha mo wami kaa kunimi nɛ o ye ɔ he jlasi.

Kpojemi 20:10

Kɛkɛ nɛ a hɛ Abosiami ɔ nɛ sisi mɛ ɔ ngɔ fɔ taku kɛ e mi la nɛ ngɛ tsoe gegeege ɔ mi he nɛ lohwe awi yelɔ ɔ, kɛ lakpa gbalɔ ɔ ngɛ ɔ. Nɛ a ma pii mɛ nyɔ kɛ pia kɛ ya neneene.

Kpojemi 3:10

I wo mo mlaa ke o to o tsui si ngɛ nɔ́ nami mi; nɛ o ye nɔ. Enɛ ɔ he je ɔ, amanehlu nguaa a nɛ ma je ɔ tsuo nɔ ɔ, ke be ɔ su ɔ, imi hu ma ha nɛ o maa ye o he. Ee, a kɛ amanehlu nɛ ɔ maa ka nihi tsuo ngɛ je ɔ mi.