Kpojemi 13:12 - BAIBLO ALOO NGMAMI KLƆUKLƆU Ɔ

¹² E ngɔ jamɛ a he wami kpetekpleenyɛ ɔ nɛ lohwe awi yelɔ kake ɔ ngɛ ɔ, nɛ e kɛ tsu ní ja nɔuu ngɛ kekleekle nɔ́ ɔ nane mi. E nyɛ nihi tsuo nɛ ngɛ je ɔ mi ɔ a nɔ nɛ a ja kekleekle lohwe awi yelɔ ɔ nɛ e pa a gbo ɔ.

Somi He Ɔ

¹² Nɛ e tsuɔ kekle lohwe ɔ he blɔ ɔmɛ kulaa he ni ngɛ e hɛ mi, nɛ e haa zugba a kɛ nihi nɛ ngɛ nɔ ɔ jaa kekle lohwe ɔ nɛ a tsa e gbenɔ plaami ɔ.

Kpojemi 13:12 ပူးပေါင်းရင်းမြစ်များ

Kpojemi 19:20

A nu lohwe awi yelɔ ɔ, kɛ lakpa gbalɔ ɔ nɛ pee nyakpɛ níhi ngɛ e hɛ mi ɔ tsuo. E pee nyakpɛ ní ɔmɛ kɛ sisi nihi nɛ a kɛ lohwe ɔ kadi mɛ ɔ, kɛ ni nɛmɛ nɛ jaa lohwe ɔ we amaga a. A hɛ lohwe ɔ, kɛ lakpa gbalɔ ɔ tsuo ngɔ fɔ taku kɛ e mi la nɛ ngɛ tsoe gegeege ɔ mi hɛ ngmengmle.

Kpojemi 14:11

La a nɛ a ma pii mɛ ngɛ mi ɔ maa tso gegeege kɛ maa ya neneene. He jɔmi ko be ha nihi nɛ jaa lohwe awi yelɔ ɔ kɛ e we amaga a, loo ni nɛmɛ nɛ a kɛ e biɛ kadi mɛ ɔ; a maa na nɔ́ nyɔ kɛ pia tsuo.”

Kpojemi 14:9

Mawu bɔfo etɛne ba ngɛ Mawu bɔfo enyɔ ɔmɛ a se. Nɛ e de kɛ gbi wawɛɛ ke, “Nihi tsuo nɛ jaa lohwe awi yelɔ ɔ, kɛ e we amaga a, nɛ a kɛ amaga a kadi a hɛ nya, loo a nine he ɔ, ja a nu wai nɛ daa si ha Mawu mi mi fumi ɔ. Enɛ ɔ ji wai ngmingmiingmi nɛ Mawu nitsɛ plɛ kɛ wo kplu nɛ daa si ha e mi mi fumi ɔ mi. A ma pii nimli nɛ ɔmɛ hulɔ ngɛ la nɛ ngɛ tsoe gegeege ɔ mi ngɛ Mawu bɔfo klɔuklɔu ɔmɛ, kɛ To bi ɔ a hɛ mi.

2 Tesalonikabi 2:4

E maa te si ngɔ wo nɔ́ tsuaa nɔ́ nɛ a tsɛɛ mawu, loo nɔ́ ko nɛ a jaa a, nɛ e ma wo e he nɔ ngɛ mɛ tsuo a nɔ. E ma ya hi Mawu sɔlemi we ɔ mi tete po, nɛ e ma de ke lɛ ji Mawu.

Kpojemi 13:2

Lohwe awi yelɔ ɔ nɛ i na a ngɛ kaa ogbetee; e nane ngɛ kaa osisiblisi nane, nɛ e nya ngɛ kaa jata nya. Sinɔ nguaa a ha lohwe awi yelɔ ɔ e he wami kpetekpleenyɛ, kɛ he blɔ nɛ e ngɛ kaa nɔ nɛ yeɔ matsɛ ɔ eko.

Kpojemi 13:8

Nihi tsuo nɛ ngɛ je ɔ mi ɔ ma ja lɛ. Ni nɛmɛ nɛ a ngma a biɛ kɛ wo hɛ kali a womi ɔ mi loko a bɔ je ɔ, mɛ pɛ lɛ a be lɛ jae. To bi ɔ nɛ a gbe ɔ nɔ́ ji jamɛ a womi ɔ.

Kpojemi 16:2

Kekleekle bɔfo ɔ ho nɛ e ya plɛ e kplu ɔ mi nɔ́ ɔ ngɔ pue zugba. Kɛkɛ nɛ nihi nɛ lohwe awi yelɔ ɔ we okadi ɔ ngɛ a he, kɛ ni nɛmɛ nɛ jaa amaga a tsuo hia pa yaya nɛ yee nɔ.

Kpojemi 17:8

Lohwe ɔ nɛ o na a, be ko ɔ, e hɛ ngɛ, se piɔ lɛɛ e be je mi hu. E be kɛe nɛ e maa je muɔ voo ɔ mi kɛ ba, nɛ a ma kpata e hɛ mi pɛsɛpɛsɛ. Nɛ nihi tsuo nɛ ngɛ je ɔ mi nɛ a ngmɛ a biɛ ngɛ wami womi ɔ mi loko a bɔ je ɔ, ke a na lohwe ɔ, a nya maa kpɛ a he saminya. E hi si be ko; amlɔ nɛ ɔ lɛɛ e be je mi, se e maa kpale ba ekohu.

Kpojemi 20:4

Enɛ ɔ se ɔ, i na matsɛ sɛ komɛ nɛ nihi nɛ hii si ngɛ a nɔ ɔ, a ha mɛ he blɔ kaa a kojo. Jehanɛ ɔ, nihi nɛ ye Yesu he odase, kɛ ni nɛmɛ nɛ fiɛ Mawu munyu ɔ, nɛ lɔ ɔmɛ a he nɛ a gbe mɛ ɔ, i na mɛ hu a klaahi. Mɛɛ a ja we lohwe awi yelɔ ɔ, loo e we amaga a; a kɛ lohwe ɔ kadi we a hɛ nya, loo a nine he. A kpale ba wami mi ekohu, nɛ a kɛ Yesu ye matsɛ jeha akpe.