Kpojemi 12:9 - BAIBLO ALOO NGMAMI KLƆUKLƆU Ɔ

⁹ A sake sinɔ nguaa a ngɔ fɔ he. Ee, jamɛ a blema sinɔ nguaa a nɛ a tsɛɛ lɛ Abosiami, loo Satan nɛ sisi nihi tsuo ngɛ je ɔ mi ɔ, a sake lɛ kɛ e bɔfo ɔmɛ tsuo ngɔ fɔ je ɔ mi.

Somi He Ɔ

⁹ Nɛ a sake sinɔ ngua kpetekpleenyɛ ɔ, nɔ nɛ ji blema sinɔ ɔ nɛ a tsɛɛ lɛ Nyapolɔ loo Abosiami nɛ sisiɔ je mluku ɔ tsuo ɔ, ngɔ fɔ zugba a nɔ, nɛ a sake e bɔfo ɔmɛ hu ngɔ fɔ zugba a nɔ ngɔ piɛ e he.

Kpojemi 12:9 ပူးပေါင်းရင်းမြစ်များ

Mose I, 3:1

Nga mi lohwehi tsuo nɛ Yawɛ Mawu pee ɔ, sinɔ ji gatsɛ pe mɛ tsuo. Sinɔ bi yo ɔ ke, “Anɛ Mawu de nyɛ niinɛ ke tso ɔmɛ nɛ ngɛ ngmɔ ɔ mi ɔ, nyɛ ko ye ekoeko nɔ yiblii lo?”

Mose I, 3:13

Yawɛ Mawu bi yo ɔ ke, “Mɛni ha nɛ o pee nɔ́ nɛ ɔ?” Yo ɔ he nɔ ke, “Sinɔ ɔ lɛ mlɔɔ mi; enɛ ɔ he je nɛ i ye ɔ nɛ.”

Kronika I, 21:1

Abosiami ba te si ngɔ wo Israel, nɛ e wo David ga yaya ke e kane Israel ma a.

Kronika II, 18:21

Mumi ɔ he nɔ ke, ‘Ke i ya a, ma ha nɛ Ahab gbali ɔmɛ tsuo maa ye lakpa.’ Yawɛ de lɛ ke, ‘Yaa nɛ o ya mlɔɔ lɛ; o maa ye manye.’ ”

La 109:6

A deɔ ke, ha nɛ yiwutsotsɛ ko kɛ lɛ nɛ to ní; lɛ nitsɛ e he nyɛlɔ nɛ ya po e nya ngɛ sane yemi he.

Yesaya 14:12

“Babilonia matsɛ, mo nɛ́ o ngɛ kaa nɔkɔ nɛ kpɛɔ hleii makɛ ɔ, o je hiɔwe ba nɔ si bum! Be ko nɛ be ɔ, o ye mahi a nɔ kunimi, se jehanɛ lɛɛ a tsɛ̃ mo ko si.

Yesaya 27:1

Jamɛ a ligbi ɔ, Yawɛ kɛ e klaate kpetekpleenyɛ ɔ maa gbe wo mi sinɔ agbo langalanga a.

Yesaya 65:25

Ogbetee kɛ jijɔ ma bla kɛ ye ní; jata ma kpe nga kaa na; nɛ sinɔ lɛɛ zu e maa ye. Nɔ ko be e nyɛmi awi yee, nɛ nɔ ko be e nyɛmi hɛ mi kpatae ngɛ ye yo klɔuklɔu ɔ nɔ. Imi, Yawɛ lɛ i de.”

Ezekiel 28:16

Be nɛ jua yemi ba ngɛ nɔ yae ɔ, amimi yemi hu ba hyi o mi tɔ, nɛ o pee yayami. Lɔ ɔ he ɔ, i ha o je ye yo klɔuklɔu ɔ nɔ; nɛ Mawu bɔfo nɛ bu o he ɔ fie mo kɛ je tɛ ɔmɛ nɛ ngɛ kpɛe kɛ la nylamnylam ɔ a kpɛti.

Mateo 13:39

He nyɛlɔ ɔ nɛ du hu ɔ ji Abosiami. Ngma kpami be ɔ ji je nɛ ɔ nyagbe, nɛ ngma kpali ɔmɛ ji hiɔwe bɔfo ɔmɛ.

Mateo 24:24

Ejakaa lakpa kristohi, kɛ lakpa gbali maa te si. A maa pee okadi nguahi, kɛ nyakpɛ níhi kɛ mlɔɔ nihi nɛ Mawu hla a tete.

Mateo 25:41

“Kɛkɛ ɔ, e ma de ni nɛmɛ nɛ ngɛ e muɔ nɔ ɔ ke, ‘Nyɛ nihi nɛ Mawu gbiɛ nyɛ, nyɛɛ je ye nɔ! Neneene la nɛ a dla ngɔ to Abosiami, kɛ e bɔfo ɔmɛ ɔ, nyɛ ya sɛ mi!

Mateo 4:1

Jehanɛ ɔ, Mumi ɔ ngɔ Yesu kɛ ho nga a nɔ ya, konɛ Abosiami ya ka lɛ.

Mateo 4:10

Kɛkɛ nɛ Yesu de lɛ ke, “Satan, jee hiɛmɛ nɛ ɔ! Ngmami ɔ ke, ‘Ja Nyɔmtsɛ o Mawu ɔ, nɛ o sɔmɔ lɛ pɛ!’ ”

Mateo 4:5

Jehanɛ ɔ, Abosiami ngɔ Yesu kɛ ya Yerusalem, ma klɔuklɔu ɔ mi, nɛ e kɛ lɛ ya da sɔlemi we ɔ yi mi ploplooplo,

Mateo 4:8

Jehanɛ lɛɛ Abosiami ngɔ Yesu kɛ ya yo gagaaga ko nɔ. E tsɔɔ Yesu matsɛ yemihi tsuo nɛ ngɛ je ɔ mi, kɛ bɔ nɛ a hɛ mi ngɛ nyami ha,

Luka 10:18

Yesu he nɔ ke, “I na Satan nɛ je hiɔwe ba nɔ si kaa oslabai nɛ tsɔ.

Luka 13:16

Hyɛ, yo nɛ ɔ, Abraham nina ji lɛ, nɛ Satan bɔ lɛ pã jeha nyɔngma kɛ kpaanyɔ sɔuu. Anɛ e sɛ kaa a jeɔ lɛ ngɛ pã mi Hejɔɔmi ligbi ɔ lo?”

Luka 22:3

Abosiami ba sɛ ni nyɔngma kɛ enyɔ ɔmɛ a ti nɔ kake nɛ a tsɛɛ Yuda a mi. Yuda biɛ kpa ji Iskariot.

Luka 22:31

“Simon, Simon! Bu tue! Mawu ha Abosiami blɔ ke e ka nyɛ, nɛ e je nimli kpakpa amɛ kɛ je nimli yayami ɔmɛ a kpɛti kaa bɔ nɛ ngmɔ hulɔ saa ngma mi ɔ.

Luka 8:12

Wuhi nɛ ya pue blɔ mi ɔ daa si ha nihi nɛ nuɔ munyu ɔ. Se Abosiami baa nɛ e ba jeɔ munyu ɔ ngɛ a tsui mi, konɛ a ko he ye, nɛ a ko he a yi wami.

Yohane 12:31

Amlɔ nɛ ɔ, be ɔ su nɛ a maa kojo je ɔ, nɛ nɔ nɛ ngɛ je ɔ nɔ matsɛ yee ɔ, a ma kpa lɛ.

Yohane 14:30

I kɛ nyɛ be munyu tue be kɛkɛ hu, ejakaa nɔ nɛ yeɔ je nɛ ɔ nɔ matsɛ ɔ ma. E be he wami ko ngɛ imi ye nɔ;

Yohane 16:11

Nɛ a juɛmi ngɛ Mawu kojomi he ɔ hu dɛ, ejakaa nɔ nɛ yeɔ je ɔ nɔ matsɛ ɔ, a bu lɛ fɔ momo.

Yohane 8:44

Nyɛ tsɛ nɛ fɔ nyɛ ji Abosiami; nɛ nyɛ suɔ kaa nyɛ maa pee e suɔmi nya ní. Kɛ je sisije ɔ, nɔ gbelɔ ji lɛ, nɛ e kɛ anɔkuale yi gblegbleegble, ejakaa anɔkuale be e mi. Ke e ye lakpa a, e tsɔɔ bɔ nɛ e su ngɛ, ejakaa lakpatsɛ kpanaku ji lɛ.

Ni Tsumi 26:18

O ma ya bli a hɛngmɛ, konɛ a je diblii mi kɛ ba la he; o ma ya je mɛ kɛ je Abosiami ɔ he wami sisi kɛ ba Mawu ngɔ. Kɛkɛ ɔ, a ma he imi Yesu nɛ a ye, nɛ Mawu maa ngɔ a he yayami kɛ pa mɛ, nɛ a maa ba a hi he ngɛ nihi nɛ Mawu hla kɛ pee e ma a a kpɛti.’

Ni Tsumi 5:3

Kɛkɛ nɛ Petro de lɛ ke, “Anania, mɛni he je Satan ba sɛ o mi nɛ o ye Mumi Klɔuklɔu ɔ lakpa kikɛ nɛ ɔ? Sika nɛ o na benɛ o jua zugba a, o ngɔ fa ngɔ to, pi jã?

Romabi 16:18

Ejakaa nimli kaa kikɛ nɛ ɔ, pi Kristo, wa Nyɔmtsɛ ɔ nɛ a ngɛ sɔmɔe. Se mɛ nitsɛmɛ a muklii mohu he mɔde nɛ a ngɛ bɔe. A kɛ munyu dɔkɔɔ gbeɔ nihi nɛ a juɛmi se ti we ɔ a yi mi, nɛ a sisiɔ mɛ.

Romabi 16:20

E be kɛe kulaa nɛ he jɔmi Mawu ɔ ma kpata Abosiami hɛ mi, nɛ wa maa ye e nɔ. Wa Nyɔmtsɛ Yesu Kristo dloomi ɔ kɛ nyɛ nɛ hi si.

2 Korintobi 11:14

Enɛ ɔ be nyakpɛ tete! Satan nitsɛ nyɛɔ tsakeɔ e he peeɔ bɔfo nɛ ngɛ kpɛe kaa la!

2 Korintobi 11:3

I ngɛ gbeye yee kaa nɔ́ nɛ ba Hawa nɔ be ko ɔ maa ba nyɛ hu nyɛ nɔ. Sinɔ ya sisi Hawa, nɛ Hawa pee yayami. Jã kɛ̃ lɛ a ma puɛ nyɛ tue, nɛ nyɛ be Kristo anɔkuale yee kɛ pi si hu.

2 Korintobi 12:7

Nyakpɛ ní nguanguahi nɛ a je tsɔɔ mi ɔ ma ha ma wó ye he nɔ. Lɔ ɔ he ɔ, bɔ nɛ pee nɛ e ko ba mi ja he je ɔ, Mawu ngɔ mio ko ngɔ wo ye he womi mi. Nɔ́ nɛ ɔ ngɛ kaa Satan bɔfo, nɛ e kongoɔ mi, konɛ ma ko wó ye he nɔ.

2 Korintobi 2:11

I peeɔ enɛ ɔ, bɔ nɛ pee nɛ Abosiami nɛ ko na he wami ngɛ wa nɔ, ejakaa wa le gahi nɛ e toɔ.

2 Korintobi 4:4

A he we sane kpakpa a yi, ejakaa je nɛ ɔ mi mawu ɔ yu a mumi mi hɛngmɛ; nɛ la nɛ ngɛ kpɛe ngɛ a nɔ ɔ, a nɛ. Sane kpakpa a nɛ woɔ Kristo hɛ mi nyami ɔ, la nɛ ɔ nɛ ngɛ lɛ gbɛe kɛ ngɛ fĩae. Kristo ɔ, e kɛ Mawu hɛɛ su kake.

Efesobi 4:14

Jehanɛ ɔ, wa be si hie hu kaa jokuɛwi nɛ heɔ tsɔɔmi yeɔ kaa kɔɔhiɔ mimiɛɔ nɔ́ kɛ yaa kɛ baa, konɛ nihi nɛ toɔ ga yaya, nɛ a yeɔ kutupɔ kɛ sisiɔ nɔ ɔ a nine ko su wa nɔ.

2 Tesalonikabi 2:3

Nyɛ ko ha nɛ nɔ ko nɛ sisi nyɛ ngɛ blɔ ko blɔ ko nɔ. Ja nyagbe atuã tsɔmi ɔ ba kekle loko ligbi ɔ maa ba. Dikalɔ ɔ nɛ hɛ mi ma kpata a maa je kpo.

1 Timoteo 2:14

Jehanɛ hu, pi Adam nɛ a sisi; yo ɔ mohu nɛ a sisi, nɛ e tɔ Mawu mlaa a.

2 Timoteo 3:13

Nimli yayamihi, kɛ nɔ sisili maa ya nɔ maa pee yayami kɛ be nɔ; a maa sisi nihi hluu kɛ yaa si a maa sisi mɛ nitsɛmɛ a he.

Hebribi 2:14

Lɔ ɔ he ɔ, akɛnɛ he lo kɛ muɔ ji bimɛ ɔmɛ ɔ, lɛ nitsɛ hu e pee he lo kɛ muɔ. E pee enɛ ɔ, konɛ kɛ gu e gbenɔ mi ɔ, e kpata Abosiami, nɔ nɛ hɛɛ gbenɔ he wami ɔ hɛ mi.

1 Petro 5:8

Nyɛ hɛ nɛ ka si; nyɛɛ pee klaalo! Nyɛ he nyɛlɔ, Abosiami ɔ ngɛ nyɛɛe kɛ ngɛ yae kɛ ngɛ bae kaa jata nɛ ngɛ huae, nɛ ngɛ nɔ ko hlae nɛ e tsɔtslɔɔ e mi.

1 Yohane 5:19

Wa le kaa Mawu níhi ji wɔ, pohu je ɔ, Abosiami lɛ ngɛ nɔ yee.

Yuda 1:9

Mawu bɔfo nɔkɔtɔma Mikael tete po pee we enɛ ɔ. Benɛ e kɛ Abosiami pɛ, nɛ e kɛ lɛ sã nya kaa mɛnɔ lɛ sa kaa e ngɔ Mose flɔ̃ ɔ, Mikael jɛ we Abosiami; e yi e he fɛu hulɔ. Nɔ́ nɛ e de lɛ ji, “Nyɔmtsɛ ɔ nɛ ka o hɛ mi!”

Kpojemi 12:12

Lɔ ɔ he ɔ, nyɛ nihi tsuo nɛ nyɛ ngɛ hiɔwe ɔ, nyɛ bua nɛ jɔ! Se je ɔ, kɛ wo, nyɛɛ lɛɛ musu tloo nyɛ! Abosiami kple si kɛ ba nyɛ ngɔ. E mi mi fu wawɛɛ, ejakaa e le kaa be bɔɔ kɛkɛ nɛ piɛ ha lɛ.”

Kpojemi 12:3

Nyakpɛ okadi nguaa kpa ko hu je kpo ngɛ hiɔwe. I na wo mi sinɔ nguaa ko. E ngɛ yi kpaago, kɛ koli nyɔngma, nɛ jlasi fi yi tsuaa yi.

Kpojemi 12:7

Jehanɛ ɔ, ta ba te si ngɛ hiɔwe. Bɔfo nguaa a nɛ a tsɛɛ lɛ Mikael ɔ, kɛ e bɔfo ɔmɛ ya tua sinɔ nguaa a, nɛ sinɔ nguaa a, kɛ lɛ hu e bɔfo ɔmɛ kɛ mɛ hwu.

Kpojemi 12:8

Se a ye sinɔ nguaa a, kɛ e bɔfo ɔmɛ a nɔ, nɛ a ngmɛ́ mɛ blɔ nɛ a hi hiɔwe hu.

Kpojemi 13:14

Mawu ngmɛ lohwe awi yelɔ enyɔne ɔ blɔ nɛ e pee nyakpɛ níhi ngɛ kekleekle lohwe ɔ hɛ mi. Kɛ gu nyakpɛ ní nɛ ɔmɛ a nɔ ɔ, e sisiɔ nihi tsuo nɛ ngɛ je ɔ mi ɔ, nɛ e haa a peeɔ yayami. E nyɛ a nɔ nɛ a puɛ amaga nɛ ngɛ kaa lohwe awi yelɔ kake ɔ nɛ a kɛ klaate plaa lɛ wawɛɛ se e gbo we ɔ.

Kpojemi 16:14

Abosiami mumi nɛ tsuɔ nyakpɛ ní ji mɛ. Mumi yayami etɛ nɛ ɔmɛ yaa je nɛ ɔ mi matsɛmɛ ɔmɛ tsuo a ngɔ, konɛ a ya bua a nya kɛ ha ta nɛ maa ba ligbi nguaa a nɛ Mawu Ope ɔ maa kojo je ɔ.

Kpojemi 18:2

E kpa ngmlaa wawɛɛ ke, “Babilon hɛ mi kpata! Babilon ma kpetekpleenyɛ ɔ hɛ mi kpata! Piɔ lɛɛ e plɛ mumi yayamihi tsuo a si himi he; e plɛ lohwe pɛlitsɛmɛ, kɛ lohwe awi yeli nɛ a hiee tsuo a si himi he.

Kpojemi 18:23

Kane be tsoe ngɛ ma a mi hu; nɛ a be ayɛflo huno, kɛ ayɛflo nya nue hu. O jua yeli ɔmɛ ji nimli nguahi ngɛ je ɔ mi tsuo, nɛ o ngɔ kunya yemi kɛ sisi nihi tsuo ngɛ je ɔ mi!”

Kpojemi 19:20

A nu lohwe awi yelɔ ɔ, kɛ lakpa gbalɔ ɔ nɛ pee nyakpɛ níhi ngɛ e hɛ mi ɔ tsuo. E pee nyakpɛ ní ɔmɛ kɛ sisi nihi nɛ a kɛ lohwe ɔ kadi mɛ ɔ, kɛ ni nɛmɛ nɛ jaa lohwe ɔ we amaga a. A hɛ lohwe ɔ, kɛ lakpa gbalɔ ɔ tsuo ngɔ fɔ taku kɛ e mi la nɛ ngɛ tsoe gegeege ɔ mi hɛ ngmengmle.

Kpojemi 2:13

I le o hi he ɔ kaa Abosiami matsɛ sɛ ɔ ngɛ lejɛ ɔ. Se o pɛtɛ ye biɛ he. Nɛ benɛ a gbe Antipa tete po ɔ, hemi kɛ yemi nɛ o ngɛ ngɛ ye mi ɔ, o ngmɛɛ we he. Niinɛ, Antipa ye ye he odase nɛ e ye mi anɔkuale. Nɛ sane kpakpa a nɛ e ngɛ fiɛe ɔ he je ɔ, a gbe lɛ ngɛ nyɛ kpɛti ngɛ he nɛ Abosiami ngɛ ɔ.

Kpojemi 2:24

“Se nyɛ ni nɛmɛ nɛ piɛ ngɛ Tiatira a, nyɛɛ lɛɛ nyɛ ya nyɛɛ we tsɔɔmi nɛ ɔ se; nɔ́ nɛ ni kpa amɛ tsɛɔ Abosiami laami sanehi nɛ a mi kuɔ ɔ hu, nyɛ kase we. Nyɛɛ lɛɛ i ngɛ nyɛ dee ke, i hla we nɔ́ kpa ko ngɛ nyɛ dɛ

Kpojemi 2:9

I le o haomi ɔmɛ! I le kaa nɔ́ ko be o dɛ lɛɛ, se kɛ̃ ɔ, niatsɛ ji mo. Nihi nɛ deɔ ke Yuda bi ji mɛ, pohu e be mi ja a, ní yayahi nɛ a deɔ ngɛ o he ɔ, i le lɛ tsuo. Abosiami jali a kuu ji mɛ!

Kpojemi 20:10

Kɛkɛ nɛ a hɛ Abosiami ɔ nɛ sisi mɛ ɔ ngɔ fɔ taku kɛ e mi la nɛ ngɛ tsoe gegeege ɔ mi he nɛ lohwe awi yelɔ ɔ, kɛ lakpa gbalɔ ɔ ngɛ ɔ. Nɛ a ma pii mɛ nyɔ kɛ pia kɛ ya neneene.

Kpojemi 20:8

nɛ e ma ya sisi je ma amɛ nɛ gbɛ fĩa je ɔ mi tsuo ɔ. A tsɛɛ je ma nɛ ɔmɛ ke Gog, kɛ Magog. Satan ma bua mɛ tsuo a nya kɛ ba nɛ a ba hwu ta. A hiɛ babauu kaa wo nya zia.

Kpojemi 3:9

Hyɛ! Ni ɔmɛ nɛ je Abosiami jali a kuu ɔ mi ɔ, lakpatsɛmɛ ɔmɛ nɛ deɔ ke Yuda bi ji mɛ, pohu e be mi ja a, nɔ́ nɛ ma pee mɛ ji nɛ ɔ nɛ. Ma ha nɛ a maa ba nɛ a ma ba kpla si ngɛ o nane nya. Nɛ mɛ tsuo a ma na le kaa i suɔ mo.

Kpojemi 9:1

Jehanɛ ɔ, bɔfo enuɔne ɔ kpa e titimati ɔ, nɛ i na dodoe ko nɛ je hiɔwe ba nɔ zugba, nɛ a ha lɛ muɔ voo ɔ nya safe ɔ.

Kpojemi 9:20

Nihi tsuo nɛ piɛ, nɛ mɛɛ haomi nɛ ɔmɛ gbi mɛ ɔ, a tsakee we a tsui, nɛ níhi nɛ a kɛ mɛ nitsɛmɛ a nine pee ɔ, a ngmɛɛ we he. A kpa we mumi yayamihi jami. Amagahi nɛ a kɛ sika tsu, loo sika hiɔ, loo ayawa, loo tɛ, loo tso pee ɔ, pi kaa a kpa mɛ jami; pohu amaga amɛ hyɛ we nɔ́, a nui nɔ́, nɛ a nyɛɛ we hulɔ.