Kpojemi 12:5 - BAIBLO ALOO NGMAMI KLƆUKLƆU Ɔ

⁵ Yo ɔ ba fɔ binyumu, nɔ nɛ maa ye je ɔ tsuo nɔ kɛ he wami kpetekpleenyɛ. Se bɔfo ko ba ngɔ bi nɛ ɔ kɛ ho Mawu ngɔ ya ngɛ e matsɛ sɛ ɔ nɔ.

Somi He Ɔ

⁵ Nɛ yo ɔ fɔ bi nyumu nɔ nɛ kɛ dade tso ma kpaka maje li ɔmɛ kulaa a; nɛ a sa e bi ɔ kɛ ho Mawu ngɔ ya ngɛ e matsɛ sɛ ɔ kasa nya.

Kpojemi 12:5 ပူးပေါင်းရင်းမြစ်များ

Yesaya 66:7

“Ye ma klɔuklɔu ɔ ngɛ kaa yo ko nɛ kpatu fɔ binyumu be mi nɛ e nui kɔɔmi.

Yesaya 7:14

Yoo, i nu. Nyɔmtsɛ ɔ nitsɛ ma ha nyɛ okadi ko; yiheyo ko maa ngɔ hɔ, nɛ e ma fɔ binyumu, nɛ e maa wo lɛ biɛ ke, ‘Yimanuel’.

Yeremia 31:22

Nyɛ ma nɛ nyɛ be hemi kɛ yemi! Kɛ yaa si mɛni be lɛ nyɛ yi mi maa pee nyɛ enyɔɔnyɔ? I bɔ nɔ́ he ko kɛ wo je ɔ mi; yo mohu maa bu nyumu he.”

Mika 5:3

Lɔ ɔ he ɔ, Yawɛ maa ngmɛɛ e ma a he kɛ yaa si be nɛ nɔ nɛ nu kɔɔmi ɔ ma fɔ e bi ɔ. Lɔ ɔ se ɔ, bi nɛ ɔ nyɛmimɛ nɛ piɛ ɔ, maa kpale kɛ ba a nyɛmimɛ Israel bi ɔmɛ a ngɔ ekohu.

Mateo 1:25

Se e kɛ lɛ na we nyumu kɛ yo bɔmi hluu kɛ ya su be nɛ Maria fɔ binyumu. Nɛ Yosef wo lɛ biɛ ke Yesu.

Marko 16:19

Benɛ Nyɔmtsɛ Yesu kɛ mɛ tu munyu se ɔ, a ngɔ lɛ kɛ ho hiɔwe ya, nɛ e ya hi si ngɛ Mawu hiɔ nɔ.

2 Korintobi 12:2

I le Kristo se nyɛɛlɔ ko nɛ a sa lɛ kɛ ya hiɔwe lokoo ɔ jeha nyɔngma kɛ eywiɛ ji nɛ. E ngɛ nɔmlɔ tso mi jio, e be nɔmlɔ tso mi jio, i li; Mawu lɛ le.

Kpojemi 11:12

Jehanɛ ɔ, gbali enyɔ ɔmɛ nu gbi ko nɛ pɛ wawɛɛ kɛ je hiɔwe. Gbi ɔ de mɛ ke, “Nyɛɛ ba hiɛmɛ nɛ ɔ!” Nɛ benɛ a he nyɛli ɔmɛ ngɛ mɛ hyɛe ɔ, a ho hiɔwe ya ngɛ bɔku mi.

Kpojemi 12:13

Benɛ sinɔ nguaa a na kaa a sake lɛ ba fɔ zugba a nɔ ɔ, e nyɛɛ yo ɔ nɛ fɔ binyumu ɔ se kɛ fo.

Kpojemi 12:2

Yo ɔ fɔmi be su, nɛ e nu kɔɔmi nɛ nya wa. Enɛ ɔ ha nɛ e bɔni ngmlaa kpami.

Kpojemi 19:15

Klaate nɛ nya ba je e nya mi, nɛ lɔ ɔ e kɛ maa fia je ma amɛ ní, nɛ e maa ye a nɔ kunimi. E maa ye tsɛ ngɛ a nɔ kɛ he wami kpetekpleenyɛ. E kɛ Mawu Ope ɔ we abofu, kɛ mi mi la ma kple a nɔ kaa bɔ nɛ a ngaa wai mi ngɛ wai ngami nɔ́ mi ɔ.