Kpojemi 12:4 - BAIBLO ALOO NGMAMI KLƆUKLƆU Ɔ

⁴ Sinɔ ɔ ngɔ e hlemi kɛ gbla dodoehi nɛ ngɛ hiɔwe ɔ a mi dlami etɛ mi kake, nɛ e hɛ mɛ ngɔ pue zugba. Kɛkɛ nɛ e ya da yo nɛ miɔ nɛ e ma fɔ ɔ hɛ mi, konɛ ke e fɔ pɛ nɛ lɛ sinɔ ɔ nɛ ye bi ɔ.

Somi He Ɔ

⁴ Nɛ ehlemi ngɛ hiɔwe dodoehi a midlami etɛ mi kake gblae, nɛ e tsɔ mɛ ngɔ pue zugba a nɔ. Nɛ sinɔ ngua a ba da yo nɛ ma fɔ ɔ hɛ mi, konɛ, ke e fɔ ɔ nɛ e mi e bi ɔ.

Kpojemi 12:4 ပူးပေါင်းရင်းမြစ်များ

Kpojemi 12:9

A sake sinɔ nguaa a ngɔ fɔ he. Ee, jamɛ a blema sinɔ nguaa a nɛ a tsɛɛ lɛ Abosiami, loo Satan nɛ sisi nihi tsuo ngɛ je ɔ mi ɔ, a sake lɛ kɛ e bɔfo ɔmɛ tsuo ngɔ fɔ je ɔ mi.

Yohane 8:44

Nyɛ tsɛ nɛ fɔ nyɛ ji Abosiami; nɛ nyɛ suɔ kaa nyɛ maa pee e suɔmi nya ní. Kɛ je sisije ɔ, nɔ gbelɔ ji lɛ, nɛ e kɛ anɔkuale yi gblegbleegble, ejakaa anɔkuale be e mi. Ke e ye lakpa a, e tsɔɔ bɔ nɛ e su ngɛ, ejakaa lakpatsɛ kpanaku ji lɛ.

Kpojemi 9:19

Ejakaa he wami nɛ okpɔngɔ ɔmɛ kɛ tsuɔ ní ɔ, a nya mi, kɛ a hlemi nya e ngɛ. Okpɔngɔ ɔmɛ a hlemi ngɛ kaa sinɔ nɛ yi ngɛ he, nɛ lɔ ɔ a kɛ yeɔ awi.

Kpojemi 9:10

A ngɛ hlemi kɛ e nya duɔ kaa nyingmogblakoto hlemi. Nɛ hlemi nɛ ɔmɛ a mi lɛ he wami nɛ a kɛ ma pii nimli nyɔhiɔ enuɔ ɔ ngɛ.

Kpojemi 8:7

Kekleekle bɔfo ɔ kpa e titimati ɔ, nɛ gbiɛ ngo ngu, kɛ la nɛ muɔ futu mi ba pue zugba a nɔ, nɛ zugba a mi dlami etɛ mi kake, tsohi a mi dlami etɛ mi kake, kɛ ba mumu tsuo pɛpɛɛpɛ sã.

1 Petro 5:8

Nyɛ hɛ nɛ ka si; nyɛɛ pee klaalo! Nyɛ he nyɛlɔ, Abosiami ɔ ngɛ nyɛɛe kɛ ngɛ yae kɛ ngɛ bae kaa jata nɛ ngɛ huae, nɛ ngɛ nɔ ko hlae nɛ e tsɔtslɔɔ e mi.

Kpojemi 17:18

“Yo ɔ nɛ o na a daa si ha ma kpetekpleenyɛ ɔ nɛ e matsɛ ɔ yeɔ ma amɛ tsuo a nɔ ngɛ je ɔ mi ɔ.”

Yesaya 27:1

Jamɛ a ligbi ɔ, Yawɛ kɛ e klaate kpetekpleenyɛ ɔ maa gbe wo mi sinɔ agbo langalanga a.

Kpojemi 8:8

Kɛkɛ nɛ bɔfo enyɔne ɔ kpa e titimati ɔ, nɛ a sake nɔ́ ko nɛ ngɛ kaa yo nguaa ko nɛ ngɛ tsoe ngɔ fɔ wo ɔ mi. Wo ɔ mi dlami etɛ mi kake plɛ muɔ.

Kpojemi 8:9

Wo ɔ mi nibɔ ní hɛ ngmengmlehi a mi dlami etɛ mi kake gbo, nɛ lɛhi tsuo nɛ ngɛ wo ɔ nɔ ɔ a mi dlami etɛ mi kake hɛ mi kpata.

Kpojemi 8:10

Bɔfo etɛne ɔ kpa e titimati ɔ, nɛ dodoe nguaa ko nɛ ngɛ kpɛe kaa jatɛ je hiɔwe ba nɔ pahi, kɛ nyu hɛngmɛhi a mi dlami etɛ mi kake a mi.

Kpojemi 8:11

Dodoe ɔ biɛ ji Doomi. Nyu ɔ mi dlami etɛ mi kake plɛ pee nɔ́ nɛ dooɔ. Nɛ nihi babauu nɛ nu nyu ɔ gbo, ejakaa nyu ɔ dooɔ.

Kpojemi 8:12

Jehanɛ ɔ, bɔfo eywiɛne ɔ kpa e titimati ɔ, nɛ nɔ́ ko sa pu, nyɔhiɔ, kɛ dodoe ɔmɛ tsuo a he, nɛ a nyɛ we nɛ a tsu ní bɔ nɛ sa. Lɔ ɔ he ɔ, piani ɔ, pu nyɛ we nɛ e tso piani be ɔ mi dlami etɛ mi kake; nyɔ mi hu nyɔhiɔ, kɛ dodoe ɔmɛ nyɛ we nɛ a kpɛ nyɔ mi be ɔ mi dlami etɛ mi kake.

Kpojemi 12:7

Jehanɛ ɔ, ta ba te si ngɛ hiɔwe. Bɔfo nguaa a nɛ a tsɛɛ lɛ Mikael ɔ, kɛ e bɔfo ɔmɛ ya tua sinɔ nguaa a, nɛ sinɔ nguaa a, kɛ lɛ hu e bɔfo ɔmɛ kɛ mɛ hwu.

Kpojemi 13:2

Lohwe awi yelɔ ɔ nɛ i na a ngɛ kaa ogbetee; e nane ngɛ kaa osisiblisi nane, nɛ e nya ngɛ kaa jata nya. Sinɔ nguaa a ha lohwe awi yelɔ ɔ e he wami kpetekpleenyɛ, kɛ he blɔ nɛ e ngɛ kaa nɔ nɛ yeɔ matsɛ ɔ eko.

Kpojemi 13:4

Ni ɔmɛ tsuo ja sinɔ nguaa a, ejakaa e ngɔ e blɔ nya a kɛ ha lohwe awi yelɔ ɔ. A ja lohwe awi yelɔ ɔ hulɔ, nɛ a de ke, “Mɛnɔ kɛ lohwe nɛ ɔ sɔ? Mɛnɔ ma nyɛ nɛ e kɛ lɛ maa hwu ta?”

Kpojemi 16:13

Kɛkɛ nɛ i na mumi yayami etɛ nɛ a ngɛ kaa ovɔnɔhi. A je sinɔ nguaa a, kɛ lohwe awi yelɔ ɔ, kɛ lakpa gbalɔ ɔ a nya mi kɛ ma.

Kpojemi 20:2

E nu sinɔ nguaa a, jamɛ a blema sinɔ ɔ nɛ a tsɛ lɛ Abosiami, loo Satan ɔ, nɛ e kɛ kɔsɔkɔsɔ ɔ fi lɛ, konɛ e hi si jeha akpe.