Kpojemi 11:19 - BAIBLO ALOO NGMAMI KLƆUKLƆU Ɔ

¹⁹ Mawu sɔlemi we ɔ nɛ ngɛ hiɔwe ɔ nya bli, nɛ a na e somi daka a nɛ fɔɔ si ngɛ lejɛ ɔ. Kɛkɛ nɛ oslabai gba; hiɔwe si, zugba mimiɛ, nɛ gbiɛ ngo ngu agboagbo nɛ pue zugba a nɔ.

Somi He Ɔ

¹⁹ Nɛ a bli Mawu sɔlemi tsu ɔ nya ngɛ hiɔwe, nɛ a na e somi daka a ngɛ sɔlemi tsu ɔ mi, nɛ oslaba, kɛ gbi kɛ hiɔwe simi kɛ zugba mimiɛmi kɛ gbiɛ ngo ngu loo hiɔmi tɛ babauu ba.

Kpojemi 11:19 ပူးပေါင်းရင်းမြစ်များ

La 105:32

E ha nɛ gbiɛ ngo ngu nɛ ngɛ hiɔmi nane mi, nɛ oslabai gba ngɛ zugba a nɔ tsuo.

La 18:12

Gbiɛ ngo ngu, kɛ la je oslabai mi ngɛ e hɛ mi kɛ gblee bɔku kpii ɔ mi kɛ be.

Yesaya 28:2

Nyɔmtsɛ ɔ ngɛ he walɔ katsɛ ko nɛ ma ba tua mɛ. E maa ba kaa gbiɛ ngo ngu; e maa fo dɔ kaa hiɔmi nyu nɛ bee lalaala, nɛ haa pa hyiɔ kɛ ywiaa nga kɛ haa zugba a nɔ.

Yesaya 29:6

Yawɛ Tabohiatsɛ ɔ ma he o yi wami. E ma ha hiɔmi ma si, zugba ma mimiɛ wawɛɛ, nɛ lejɛ ɔ tsuo maa pee hoo. Lasiogblee, ahumi, kɛ la gegeege maa ba;

Yesaya 30:30

Nɔ tsuaa nɔ maa na e he wami kpetekpleenyɛ ɔ nɛ ngɛ ní tsue, kɛ bɔ nɛ e mi mi fu wawɛɛ ɔ; la nɛ puɛɔ ní maa tso plamplam, nɛ ahumi maa fia; hiɔmi maa nɛ, nɛ gbiɛ ngo ngu ma pue si.

Yesaya 32:19

(Se gbiɛ ngo ngu maa nɛ pue a ngmɔ ɔmɛ a mi, nɛ a ma a hɛ mi ma kpata.)

Ezekiel 13:11

De ni nɛmɛ nɛ ngɔ kalo kɛ ngɛ gbogbo ɔ he kpae ɔ ke gbogbo ɔ maa nɔ si oo! Hiɔmi maa nɛ wawɛɛ; gbiɛ ngo ngu agbohi ma pue si, nɛ ahumi maa fia.

Ezekiel 13:13

Lɔ ɔ he ɔ, bɔ nɛ Nyɔmtsɛ Yawɛ ngɛ dee ji nɛ ɔ nɛ: “Ye mi mi ma fu wawɛɛ. Ma ha ahumi maa fia, nɛ hiɔmi maa nɛ; gbiɛ ngo ngu agbohi ma pue si, nɛ gbogbo ɔ maa hule.

Ezekiel 38:22

Ma ngɔ gbenɔ hiɔ, kɛ muɔ si puemi kɛ gbla Gog tue. Ma ha hiɔmi nɛ nya wa, kɛ gbiɛ ngo ngu maa nɛ wawɛɛ, nɛ la nɛ ngɛ tsoe gegeege maa je hiɔwe ma ba kpata e kɛ e ta a, kɛ je ma amɛ nɛ piɛ e he ɔ tsuo a hɛ mi.

Mose IV, 10:33

Kɛkɛ nɛ ma a hia kɛ je Yawɛ yo ɔ he, nɛ a nyɛɛ ligbi etɛ. Yawɛ somi daka a nyɛɛ a hɛ mi kɛ hla sito he ha mɛ.

Mose IV, 4:15

Ke be nɛ ma a maa hia kɛ je a sito he ɔ, Aaron kɛ e bimɛ ɔmɛ nɛ a ha ní klɔuklɔu ɔmɛ kɛ a he ní ɔmɛ tsuo a he, loko Kohat bi ɔmɛ nɛ a ba nɛ a ba tloo kɛ ho. Kohat bi ɔmɛ kó ta ní klɔuklɔu ɔmɛ a he, konɛ a ko gbo. Kpe he bo tsu ɔ he níhi nɛ Kohat bi ɔmɛ maa tloo be tsuaa be nɛ ma a maa hia ji nɛ ɔmɛ nɛ.

Mose IV, 4:5

“Ke be nɛ ma a maa hia kɛ je a sito he ɔ, Aaron kɛ e bimɛ ɔmɛ nɛ a ya sɛ bo tsu ɔ mi, nɛ a je tsu mi pomi bo ɔ nɛ ngɛ somi daka a nɛ somi womi ɔ ngɛ mi ɔ hɛ mi ɔ kɛ ha daka a he.

Yoshua 10:11

Be mi nɛ Amor bi ɔmɛ ngɛ fo tue ngɛ Israel bi ɔmɛ a ta a nya kɛ gu yo kpɛ blɔ ɔ kɛ yaa a, Yawɛ ha gbiɛ ngo ngu nguahi je hiɔwe ba nɔɔ a nɔ. Nihi nɛ gbiɛ ngo ngu ɔ gbe ɔ hiɛ kulaa pe nihi nɛ Israel bi ɔmɛ kɛ klaate gbe.

Kpojemi 11:13

Jamɛ a be ɔ nɔuu ɔ, zugba mimiɛ wawɛɛ; ma a mi dlami nyɔngma mi kake hɛ mi kpata, nimli akpe kpaago gbo, nɛ ni nɛmɛ nɛ piɛ ɔ ye gbeye, nɛ a wo Mawu nɛ ngɛ hiɔwe ɔ hɛ mi nyami.

Kpojemi 11:15

Jehanɛ ɔ, bɔfo kpaagone ɔ kpa e titimati ɔ, nɛ i nu gbihi nɛ ngɛ pɛe wawɛɛ ngɛ hiɔwe ke, “Amlɔ nɛ ɔ, wa Nyɔmtsɛ ɔ kɛ e Kristo ɔ nɛ a ngɛ je ɔ nɔ yee. Nɛ a maa ye matsɛ kɛ maa ya neneene!”

Kpojemi 12:1

Enɛ ɔ se ɔ, nyakpɛ okadi nguaa ko je kpo ngɛ hiɔwe. I na yo ko; tade nɛ e wo ji pu. Nɛ nyɔhiɔ ngɛ e nane si, nɛ jlasi kɛ e mi dodoe nyɔngma kɛ enyɔ fi e yi.

Kpojemi 16:1

Jehanɛ ɔ, i nu gbi ko nɛ ngɛ pɛe gegeege kɛ je sɔlemi we ɔ. Gbi ɔ ngɛ bɔfo kpaago ɔmɛ dee ke, “Wai ɔ nɛ daa si ha Mawu mi mi fumi ɔ nɛ ngɛ kplu kpaago ɔmɛ a mi ɔ, nyɛɛ ya nɛ nyɛ ya plɛ ngɔ pue zugba.”

Kpojemi 16:18

Kɛkɛ nɛ oslabai gba, nɛ hiɔmi si, nɛ zugba mimiɛ wawɛɛ. Kɛ je be nɛ a bɔ adesa a, zugba mimiɛ we kaa kikɛ nɛ ɔ hyɛ. Zugba nɛ mimiɛ jamɛ a ligbi ɔ, a nɛ eko hyɛ.

Kpojemi 16:21

Gbiɛ ngo ngu lokpolokpohi nɛ eko tsuaa eko jiimi ji kilo nyingmi enuɔ je hiɔwe ba nɔɔ nimlihi a nɔ. Nimli adesahi tu musu bɔmi munyu kɛ si Mawu ngɛ gbiɛ ngo ngu nɛ e kɛ hao mɛ ɔ he, ejakaa nɔ́ ɔ nya wa tsɔ.

Kpojemi 19:11

Jehanɛ ɔ, i na nɛ a bli hiɔwe nya, kɛkɛ nɛ ma hyɛ ɔ, okpɔngɔ hiɔ ko ji nɛ. Nɔ nɛ hii si ngɛ nɔ ɔ biɛ ji Anɔkualetsɛ kɛ Dalɔ; dami nya e kojoɔ, nɛ e hwuɔ ta.

Kpojemi 4:1

Enɛ ɔ se ɔ, i na nina kpa. I na nɛ a bli sinya ko ngɔ fɔ si ngɛ hiɔwe. Nɛ gbi ɔ nɛ i nu nɛ pɛ kaa titimati, nɛ e kɛ mi ba tu munyu be ko ɔ de ke, “Ba hiɛ ɔ nɛ ma tsɔɔ mo níhi nɛ maa ba mi be kpiti mi.”

Kpojemi 4:5

I na nɛ oslabai gba, nɛ i nu gbihi, nɛ hiɔwe hu si kɛ je matsɛ sɛ ɔ mi. Jatɛ kpaago nɛ a su, ngɛ tsoe ngɛ matsɛ sɛ ɔ hɛ mi; lɔ ɔ ɔmɛ ji mumi slɔɔto kpaago ɔmɛ nɛ sɔmɔɔ Mawu ɔ nɛ.

Kpojemi 7:15

Enɛ ɔ he je nɛ a ngɛ Mawu matsɛ sɛ ɔ hɛ mi, nɛ a jaa lɛ nyɔ kɛ pia ngɛ e sɔlemi we ɔ nɛ. Nɔ nɛ hii si ngɛ matsɛ sɛ ɔ nɔ ɔ maa baa a yi.

Kpojemi 8:5

Kɛkɛ nɛ bɔfo ɔ ngɔ tsopa kɛ e he via sami nɔ́ ɔ; e je la ngɛ bɔ sami la tɛ ɔ nɔ ngɔ wo mi tɔ, nɛ e hɛ ngɔ pue zugba a nɔ. Hiɔwe si, gbihi pɛ, oslabai gba, nɛ zugba mimiɛ.

Kpojemi 8:7

Kekleekle bɔfo ɔ kpa e titimati ɔ, nɛ gbiɛ ngo ngu, kɛ la nɛ muɔ futu mi ba pue zugba a nɔ, nɛ zugba a mi dlami etɛ mi kake, tsohi a mi dlami etɛ mi kake, kɛ ba mumu tsuo pɛpɛɛpɛ sã.