Kpojemi 11:17 - BAIBLO ALOO NGMAMI KLƆUKLƆU Ɔ

¹⁷ nɛ a de ke, “Nyɔmtsɛ Mawu Ope, Mo nɛ o ngɛ amlɔ nɛ ɔ, nɛ o hi si hyɛ hulɔ ɔ, Wa naa mo si kaa o tsu o he wami kpetekpleenyɛ ɔ he ní, nɛ o bɔni matsɛ yemi!

Somi He Ɔ

¹⁷ de ke: “Wa naa mo si, mo Nyɔmtsɛ Mawu Ope, Mo nɔ nɛ o ngɛ nɛ o hi si ɔ, Kaa o ngɔ o he wami kpetekpleenyɛ ɔ Nɛ o bɔni matsɛyemi,

Kpojemi 11:17 ပူးပေါင်းရင်းမြစ်များ

Kpojemi 1:8

Nyɔmtsɛ Mawu Ope ɔ, nɔ nɛ ngɛ sa a, nɛ e ngɛ amlɔ nɛ ɔ, nɛ e maa ba a ke, “Imi ji kekleekle no kɛ nyagbe no.”

Kpojemi 16:5

Nɛ i nu nɛ bɔfo ɔ nɛ ngɛ he wami ngɛ nyu nɔ ɔ ngɛ Mawu dee ke, “Mo ji Mawu Klɔuklɔu ɔ nɛ. Mo ji Mawu nɛ ngɛ amlɔ nɛ ɔ, kɛ nɔ nɛ hi si sa a. O ye dami sane ngɛ o kojomi nɛ ɔmɛ a mi!

Kpojemi 19:6

Jehanɛ ɔ, i nu nɛ nɔ́ ko ngɛ pɛe ngɛ hiɔwe kaa nihi babauu a gbi, loo pa nɛ hia kɛ bee, loo hiɔwe nɛ ngɛ sie wawɛɛ. I nu nɛ a ngɛ dee ke, “A je Mawu yi! Ejakaa Nyɔmtsɛ, wa Mawu Ope ɔ ngɛ matsɛ yee!

Kpojemi 1:4

Imi Yohane nɛ i ngma womi nɛ ɔ ya ha asafo kpaago ɔmɛ ngɛ Asia. Dloomi kɛ he jɔmi nɛ je Mawu, nɔ nɛ ngɛ kɛ je blema, nɔ nɛ ngɛ amlɔ nɛ ɔ, nɛ e maa ba a dɛ mi ɔ ha nyɛ. Jehanɛ ɔ, mumi kpaago ɔmɛ nɛ ngɛ Mawu matsɛ sɛ ɔ hɛ mi ɔ,

Kpojemi 19:11

Jehanɛ ɔ, i na nɛ a bli hiɔwe nya, kɛkɛ nɛ ma hyɛ ɔ, okpɔngɔ hiɔ ko ji nɛ. Nɔ nɛ hii si ngɛ nɔ ɔ biɛ ji Anɔkualetsɛ kɛ Dalɔ; dami nya e kojoɔ, nɛ e hwuɔ ta.

Kpojemi 16:7

Kɛkɛ nɛ i nu nɛ gbi ko pɛ kɛ je bɔ sami la tɛ ɔ he de ke, “Nyɔmtsɛ Mawu Ope! O yeɔ dami sane, nɛ o gblaa nɔ tue bɔ nɛ sa!”

La 21:13

Yawɛ, wa ngɛ o yi jee ngɛ o he wami kpetekpleenyɛ ɔ he. Wa ma la kɛ je o yi, ejakaa o he wa wawɛɛ nitsɛ!

Kpojemi 16:14

Abosiami mumi nɛ tsuɔ nyakpɛ ní ji mɛ. Mumi yayami etɛ nɛ ɔmɛ yaa je nɛ ɔ mi matsɛmɛ ɔmɛ tsuo a ngɔ, konɛ a ya bua a nya kɛ ha ta nɛ maa ba ligbi nguaa a nɛ Mawu Ope ɔ maa kojo je ɔ.

Kpojemi 15:3

Nɛ a ngɛ Mawu tsɔlɔ Mose la a, kɛ To bi ɔ la a lae ke, “Nyɔmtsɛ Mawu Ope, O ní tsumi ɔmɛ kle, nɛ a ngɛ nyakpɛ! Je ma amɛ a matsɛ, o ní peemi ní ɔmɛ tsuo da, anɔkuale sɔuu!

Kpojemi 11:15

Jehanɛ ɔ, bɔfo kpaagone ɔ kpa e titimati ɔ, nɛ i nu gbihi nɛ ngɛ pɛe wawɛɛ ngɛ hiɔwe ke, “Amlɔ nɛ ɔ, wa Nyɔmtsɛ ɔ kɛ e Kristo ɔ nɛ a ngɛ je ɔ nɔ yee. Nɛ a maa ye matsɛ kɛ maa ya neneene!”

1 Timoteo 1:12

I naa wa Nyɔmtsɛ Kristo Yesu si kaa e ha mi he wami nɛ ma kɛ tsu ní. I naa lɛ si kaa e sa e hɛ mi kaa e hla mi nɛ ma ba sɔmɔ lɛ.

Luka 10:21

Jamɛ a be ɔ, Mumi Klɔuklɔu ɔ ha Yesu na bua jɔmi, nɛ e de ke, “Tsaatsɛ, hiɔwe kɛ zugba Nyɔmtsɛ, i naa mo si kaa níhi nɛ o ngɔ kɛ laa ní leli ɔ, o je tsɔɔ ni guhi. Ee, Tsaatsɛ, nɔ́ nɛ sa o hɛ mi ɔ, lɔ ɔ o pee ɔ nɛ.

Mateo 11:25

Jamɛ a be ɔ mi ɔ, Yesu de ke, “Tsaatsɛ, hiɔwe kɛ zugba Nyɔmtsɛ! I naa mo si, ejakaa níhi nɛ o ngɔ kɛ laa ní leli, kɛ ga leli ɔ, o je kɛ tsɔɔ nihi nɛ li nɔ́ ko.

La 57:11

Mawu, ha nɛ o he wami kpetekpleenyɛ ɔ nɛ je kpo ngɛ hiɔwe lokoo, konɛ a na o hɛ mi nyami ɔ ngɛ je ɔ mi tsuo.

Mose I, 17:1

Benɛ Abram ye jeha nyingmi nɛɛ kɛ nɛɛ ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji Mawu Ope ɔ nɛ. Moo bu mi, nɛ o pee nɔ́ nɛ da daa.

2 Korintobi 9:15

Nyɛ ha waa na Mawu si ngɛ e nike ní nɛ nɔ ko be nyɛe maa kale ɔ he.

Daniel 6:10

Benɛ Daniel nu kaa matsɛ ɔ ngɔ e nine kɛ wo mlaa a sisi ɔ, e je kɛ ho e we mi ya. Daniel ngɛ hiɔwe tsu ko ngɛ e we ɔ mi, nɛ o ma nyɛ maa hyɛ Yerusalem kɛ gu saflɛ ɔmɛ a mi ngɛ lejɛ ɔ. Kɛkɛ nɛ Daniel kpla si ngɛ e nakutso nya, ngɛ saflɛ nɛ bli kɛ fɔɔ si ɔ nya, nɛ e sɔle nɛ e na e Mawu ɔ si si etɛ kaa bɔ nɛ e peeɔ daa a.

Yesaya 52:10

Yawɛ ma je e he wami klɔuklɔu ɔ kpo; e ma he e ma a yi wami, nɛ je ɔ tsuo maa na.

2 Korintobi 2:14

Se sina ha Mawu! Mawu haa Kristo yeɔ yayami he wami ɔ nɔ kunimi daa, nɛ kikɛmɛ a kunimi yemi nɛ ɔ peeɔ wɔ bɔfo ɔmɛ hu wa nɔ́. Mawu guu wa nɔ kɛ fiɛɔ sɛ gbi nɛ kɔɔ Kristo he ɔ kɛ yaa he tsuaa he kaa bɔ nɛ nɔ́ ko he via yaa tsitsaa a.

Yohane 11:41

Jehanɛ a je tɛ ɔ; kɛkɛ nɛ Yesu wo e hɛ nɔ nɛ e hyɛ hiɔwe, nɛ e de ke, “Tsaatsɛ, i naa mo si kaa o buɔ mi tue.

Daniel 2:23

Ye nɛmɛ a Mawu, i ngɛ mo si nae, nɛ i ngɛ o yi jee. O ha mi nile kɛ he wami; o bu wa kue fami ɔ tue; nɛ o tsɔɔ mi nɔ́ nɛ wa ma de matsɛ ɔ.”

Kpojemi 18:8

Enɛ ɔ he je ɔ, haomi nɛ ɔmɛ maa ba e nɔ ligbi kake too: gbenɔ hiɔ, aywilɛho, kɛ hwɔ. Nɛ a kɛ la maa sã lɛ, ejakaa Nyɔmtsɛ Mawu ɔ nɛ maa kojo lɛ ɔ, e kle.”