Kpojemi 11:13 - BAIBLO ALOO NGMAMI KLƆUKLƆU Ɔ

¹³ Jamɛ a be ɔ nɔuu ɔ, zugba mimiɛ wawɛɛ; ma a mi dlami nyɔngma mi kake hɛ mi kpata, nimli akpe kpaago gbo, nɛ ni nɛmɛ nɛ piɛ ɔ ye gbeye, nɛ a wo Mawu nɛ ngɛ hiɔwe ɔ hɛ mi nyami.

Somi He Ɔ

¹³ Nɛ lɛ ngmlɛfia a nɔ nɔuu ɔ, zugba mimiɛ wawɛɛ, nɛ ma a mi dlami nyɔngma mi kake hule, nɛ zugba mimiɛmi ɔ mi ɔ, a gbe nimli akpe kpaago. Ninɛmɛ nɛ piɛ ɔ ye gbeye, nɛ a ngɔ hɛ mi nyami ngɔ ha hiɔwe Mawu ɔ.

Kpojemi 11:13 ပူးပေါင်းရင်းမြစ်များ

Mose I, 6:4

Jamɛ a be ɔ mi, benɛ Mawu binyumu ɔmɛ kɛ nimli a biyi ɔmɛ, ba na bɔmi, nɛ a kɛ mɛ bɔni fɔmi ɔ, oblaihi ngɛ je ɔ mi. Mɛ ji blema katsɛmɛ, kɛ nimli nɛ a he biɛ.

Yesaya 29:6

Yawɛ Tabohiatsɛ ɔ ma he o yi wami. E ma ha hiɔmi ma si, zugba ma mimiɛ wawɛɛ, nɛ lejɛ ɔ tsuo maa pee hoo. Lasiogblee, ahumi, kɛ la gegeege maa ba;

Yeremia 13:16

Nyɛɛ wo Yawɛ, nyɛ Mawu ɔ hɛ mi nyami be mi nɛ e ha we nɛ diblii nɛ wo nyɛ nɛ nyɛ ba tɛ si ngɛ yoku ɔmɛ a nɔ, be mi nɛ e ha we nɛ la nɛ nyɛ ngɛ blɔ hyɛe ɔ nɛ plɛ pee diblii kpii.

Malaki 2:2

nyɛɛ pee nɔ́ nɛ da nɛ nyɛ kɛ wo ye hɛ mi nyami. Ke nyɛ bui nɔ́ nɛ i ngɛ nyɛ dee ɔ tue ɔ, ma gbiɛ nyɛ; nɛ gbaami nɛ i ko gbaa nyɛ ɔ ma plɛ pee tue gblami mohu. Niinɛ, i gbiɛ nyɛ momo, ejakaa nyɛ yi ye mlaa amɛ a nɔ bɔ nɛ sa.

Yohane 9:24

Yuda bi ɔmɛ kpale tsɛ nyumu ɔ nɛ a fɔ lɛ hɛ yuyuilɔ ɔ ekohu, nɛ a bi lɛ ke, “Ka wɔ kita ngɛ Mawu hɛ mi ngɛ hiɛmɛ nɛ ɔ kaa o maa tu wɔ anɔkuale! Wɔɔ lɛɛ wa le kaa nɔmlɔ nɛ tsa mo ɔ yayami peelɔ ji lɛ.”

Ni Tsumi 1:15

Be bɔɔ se ɔ, nihi maa pee lafa kɛ nyingmi enyɔ nɛ he Yesu ye ɔ ba bua a he nya. Kɛkɛ nɛ Petro te da si, nɛ e kɛ mɛ tu munyu ke,

Yoshua 7:19

Yoshua de Akan ke, “Ye bi, tu mi anɔkuale, nɛ o de mi nɔ́ nɛ o pee ɔ ngɛ Yawɛ, Israel Mawu ɔ hɛ mi. Mo de mi koo; mɛni o pee? Koo laa mi ba.”

Kpojemi 11:11

Ligbi etɛ kɛ fa a se ɔ, Mawu ha nɛ a kpale ba wami mi ekohu. A te si da a nane nɔ, nɛ nihi tsuo nɛ na mɛ ɔ ye gbeye wawɛɛ.

Kpojemi 11:19

Mawu sɔlemi we ɔ nɛ ngɛ hiɔwe ɔ nya bli, nɛ a na e somi daka a nɛ fɔɔ si ngɛ lejɛ ɔ. Kɛkɛ nɛ oslabai gba; hiɔwe si, zugba mimiɛ, nɛ gbiɛ ngo ngu agboagbo nɛ pue zugba a nɔ.

Kpojemi 14:7

Bɔfo ɔ de kɛ gbi nɛ wa ke, “Nyɛɛ ye Mawu gbeye, nɛ nyɛɛ wo e hɛ mi nyami! Ejakaa be ɔ su nɛ e maa kojo nihi tsuo nɛ ngɛ je ɔ mi. Nyɛ ja nɔ nɛ pee hiɔwe kɛ zugba, kɛ wo kɛ nyu hɛngmɛhi nɛ baa a!”

Kpojemi 15:4

Nyɔmtsɛ, nihi tsuo maa wo o hɛ mi nyami! Nihi tsuo ma de ke o kle; ejakaa mo pɛ ji nɔ klɔuklɔu. Nihi tsuo nɛ ngɛ je ɔ mi ɔ maa ba nɛ a ma ba ja mo; ejakaa dami sane nɛ o ngɛ yee ɔ, nɔ tsuaa nɔ na paa!”

Kpojemi 19:7

Nyɛ ha nɛ wa bua nɛ jɔ, nɛ wa nya! Nyɛ ha nɛ wa je e yi, ejakaa e kle! Ejakaa be ɔ su nɛ To bi ɔ maa kpee yo, nɛ ayɛflo ɔ dla e he ngɔ to.

Kpojemi 3:4

Se kɛ̃ ɔ, o ngɛ nihi bɔɔ ko ngɛ Sarde, nihi nɛ wui a tade ɔmɛ mu. Mɛɛ a maa wo nɔ́ hiɔ, nɛ a kɛ mi maa nyɛɛ, ejakaa a sa ja.

Kpojemi 6:12

Benɛ To bi ɔ tsɔ nya sɔumi nɔ́ ekpane ɔ, i nu nɛ zugba mimiɛ wawɛɛ. Pu kpa tsomi; diblii wo kpii, nɛ nyɔhiɔ pee tsutsuu kaa muɔ.

Kpojemi 8:5

Kɛkɛ nɛ bɔfo ɔ ngɔ tsopa kɛ e he via sami nɔ́ ɔ; e je la ngɛ bɔ sami la tɛ ɔ nɔ ngɔ wo mi tɔ, nɛ e hɛ ngɔ pue zugba a nɔ. Hiɔwe si, gbihi pɛ, oslabai gba, nɛ zugba mimiɛ.

Samuel I, 6:5

Lɔ ɔ he ɔ, nyɛɛ pee sika tsu tslɔɔ nɛ ɔmɛ, kɛ sika tsu kɔkue nɛ ɔmɛ nɛ daa si ha kɔkuehi nɛ ba ngɛ nyɛ zugba a hɛ mi kpatae ɔ, konɛ nyɛ ya wo Israel Mawu ɔ hɛ mi nyami kaa, alini e maa jɔɔ nyɛɛ kɛ nyɛ wɔ ɔmɛ, kɛ nyɛ zugba a tue gblami lo.