Kpojemi 11:12 - BAIBLO ALOO NGMAMI KLƆUKLƆU Ɔ

¹² Jehanɛ ɔ, gbali enyɔ ɔmɛ nu gbi ko nɛ pɛ wawɛɛ kɛ je hiɔwe. Gbi ɔ de mɛ ke, “Nyɛɛ ba hiɛmɛ nɛ ɔ!” Nɛ benɛ a he nyɛli ɔmɛ ngɛ mɛ hyɛe ɔ, a ho hiɔwe ya ngɛ bɔku mi.

Somi He Ɔ

¹² Nɛ gbali enyɔ ɔmɛ nu gbi kpetekpleenyɛ je hiɔwe de mɛ ke: “Nyɛɛ kuɔ kɛ ba hiɛ ɔ nɛ ɔ!” Nɛ a kuɔ kɛ ho hiɔwe ya ngɛ bɔku ɔ mi, nɛ a he nyɛli ɔmɛ na mɛ.

Kpojemi 11:12 ပူးပေါင်းရင်းမြစ်များ

Matsɛmɛ II, 2:1

Benɛ e piɛ bɔɔ nɛ Yawɛ maa ngɔ Eliya kɛ ho hiɔwe ya ngɛ lasiogblee mi ɔ, jamɛ a be ɔ, Eliya kɛ Elisha ngɛ nyɛɛe kɛ je Gilgal.

Matsɛmɛ II, 2:11

Benɛ a ngɛ ní sɛɛe kɛ yaa a, ta zugba lɛ nɛ la okpɔngɔhi ngɛ gblae ba gba mɛ ni enyɔ ɔmɛ a kpɛti; nɛ lasiogblee sá Eliya kɛ ho hiɔwe ya.

Matsɛmɛ II, 2:5

Kɛkɛ nɛ gbali a kuu ɔ nɛ ngɛ Yeriko ɔ ba Elisha ngɔ, nɛ a ba bi lɛ ke, “Anɛ o le kaa mwɔnɛ ligbi nɛ ɔ, Yawɛ maa ngɔ o nyɔmtsɛ ɔ kɛ je o he lo?” Elisha he nɔ ke, “Ee, i le; nyɛ ma nyɛ nya!”

Matsɛmɛ II, 2:7

nɛ gbali a kuu ɔ mi nihi nyingmi enuɔ nyɛɛ a se. Eliya kɛ Elisha ya da si ngɛ Yordan pa a nya, nɛ gbali nyingmi enuɔ ɔmɛ hu ho ya da si ngɛ a se, nɛ blɔ bɔɔ ngɛ a kpɛti.

La 112:10

Ke yiwutsotsɛ na kikɛ nɛ ɔ, e dɔɔ lɛ; e kpeɔ e lungu nya, nɛ e jeɔ lejɛ ɔ dii. Yiwutsotsɛ yi mi tomi peeɔ yaka.

La 15:1

Yawɛ, mɛnɔ maa hi o bo tsu ɔ mi? O yoku klɔuklɔu ɔ nɔ ɔ, mɛnɔ maa hi lejɛ ɔ?

La 24:3

Mɛnɔ lɛ ngɛ he blɔ nɛ e kuɔɔ Yawɛ yoku ɔ? Mɛnɔ maa ya e we klɔuklɔu ɔ?

La 86:17

Yawɛ, tsɔɔ mi o mɔbɔ nami ɔ he okadi ko, konɛ ye he nyɛli ɔmɛ nɛ a na, nɛ zo nɛ gbe mɛ kaa o piɛ ye he, nɛ o jɔɔ ye bua.

Mose II, 14:25

Yawɛ ha nɛ Egipt bi ɔmɛ a ta zugba lɛ ɔmɛ a nanehi pu zu, nɛ a nyɛɛmi pee dengme. Egipt bi ɔmɛ a nya hé gbi nɛ a de ke, “Nyɛ ha waa tu fo ngɛ Israel bi ɔmɛ a nya; ejakaa Yawɛ piɛ a he nɛ e kɛ wɔ Egipt bi ɔmɛ ngɛ fiae.”

Yesaya 14:13

O to o yi mi kaa o maa kuɔ kɛ ya hiɔwe lokoo nɛ o kɛ o matsɛ sɛ ɔ ya ma Mawu dodoe ɔmɛ nɛ ya hiɔwe pe kulaa a a se tɔɔ. O susu kaa o maa hi si kaa matsɛ ngɛ jamɛ a yo ɔ nɔ, ngɛ omleyi je he nɛ a kpee ngɛ ɔ.

Yesaya 40:31

Se ni nɛmɛ nɛ ngɔɔ a hɛ ngɔ fɔɔ Yawɛ nɔ ɔ, a naa he wami he kaa kɔle nɛ ngɛ tee; a tuɔ fo, nɛ pɔ tɔɛ mɛ, a nyɛɛɔ, nɛ a gbɔjɔɔ we.

Yesaya 60:8

Mɛnihi nɛ a ngɛ fo nɔ kɛ ma kaa bɔku, loo kaa lahuɛhi nɛ kpale kɛ ma a saflɛhi a mi nɛ ɔ?

Malaki 3:18

Jamɛ a be ɔ mi ɔ, ye ma a maa na slɔɔto nɛ ngɛ dalɔ kɛ yayami peelɔ a kpɛti; nyɛ maa na slɔɔto nɛ ngɛ nɔmlɔ nɛ sɔmɔɔ mi, kɛ nɔ nɛ sɔmɔ we mi ɔ a kpɛti.” Yawɛ Tabohiatsɛ ɔ lɛ de.

Luka 16:23

Benɛ e ngɛ haomi nɛ nya wa mi ngɛ gbeje, nɛ e wo e yi nɔ nɛ e maa hyɛ ɔ, Abraham ji nɛ ngɛ lokoo, kɛ Lazaro ngɛ e kasa nya.

Ni Tsumi 1:9

Benɛ e de enɛ ɔ se ɔ, a ngɛ lɛ hyɛe nɔuu nɛ a wo lɛ kɛ ho hiɔwe ya, nɛ bɔku ba sa lɛ kɛ ho nɛ a nɛ lɛ hu.

1 Tesalonikabi 4:17

Lɔ ɔ se ɔ, wɔ ni nɛmɛ nɛ wa hɛ ngɛ nɛ maa hi wami mi jamɛ a be ɔ, a ma sa waa kɛ mɛ tsuo kɛ ya kɔɔhiɔ mi ngɛ bɔku ɔmɛ a mi kɛ ya kpee Nyɔmtsɛ ɔ. Nɛ waa kɛ Nyɔmtsɛ ɔ maa hi si daa.

Kpojemi 12:5

Yo ɔ ba fɔ binyumu, nɔ nɛ maa ye je ɔ tsuo nɔ kɛ he wami kpetekpleenyɛ. Se bɔfo ko ba ngɔ bi nɛ ɔ kɛ ho Mawu ngɔ ya ngɛ e matsɛ sɛ ɔ nɔ.

Kpojemi 3:21

Ni nɛmɛ nɛ maa ye kunimi ɔ, ma ha mɛ blɔ nɛ a maa hi ye kasa nya ngɛ ye matsɛ sɛ ɔ nɔ kaa bɔ nɛ imi hu i ye kunimi, nɛ amlɔ nɛ ɔ, i hii si ngɛ Tsaatsɛ kasa nya ngɛ e matsɛ sɛ ɔ nɔ ɔ.

Kpojemi 4:1

Enɛ ɔ se ɔ, i na nina kpa. I na nɛ a bli sinya ko ngɔ fɔ si ngɛ hiɔwe. Nɛ gbi ɔ nɛ i nu nɛ pɛ kaa titimati, nɛ e kɛ mi ba tu munyu be ko ɔ de ke, “Ba hiɛ ɔ nɛ ma tsɔɔ mo níhi nɛ maa ba mi be kpiti mi.”