Kpojemi 11:10 - BAIBLO ALOO NGMAMI KLƆUKLƆU Ɔ

¹⁰ Nihi tsuo ngɛ je nɛ ɔ mi ɔ ma nya kaa nimli enyɔ nɛ ɔmɛ gbo. A tsui maa nɔ a mi, nɛ a maa ke a sibi ní, ejakaa jamɛ a gbali enyɔ ɔmɛ ngɔ haomi babauu kɛ ba je ɔ mi.

Somi He Ɔ

¹⁰ Nɛ nihi nɛ ngɛ zugba a nɔ ɔ ma nya ngɛ a gbenɔ ɔ he, nɛ a mi mi maa flii mɛ, nɛ a maa ke a he nihi, ejakaa kikɛmɛ a gbali enyɔ nɛ ɔmɛ hao ninɛmɛ nɛ ngɛ zugba a nɔ ɔ.

Kpojemi 11:10 ပူးပေါင်းရင်းမြစ်များ

Matsɛmɛ I, 18:17

Benɛ Ahab na lɛ ɔ, e bi ke, “Mo, Israel nya doolɔ ɔ ji nɛ ɔ?”

Matsɛmɛ I, 21:20

Benɛ Ahab na Eliya a, e bi lɛ ke, “Ye he nyɛlɔ, pe o nuu mi nɛ ɔ?” Eliya he nɔ ke, “Ee, i nuu mo. O ngɔ o he ngɔ ha yayami peemi, nɛ o pee nɔ́ nɛ dɛ ngɛ Yawɛ hɛ mi.

Matsɛmɛ I, 22:18

Ahab de Yehoshafat ke, “Anɛ i de we mo ke Mikaya gbɛ manye nɔ́ ko ha we mi hyɛ gblee, kaa nɔ́ yayami pɛ e gbaa lo?”

Matsɛmɛ I, 22:8

Ahab he nɔ ke, “Nɔ kake ngɛ; lɛ ji Imla binyumu Mikaya. Se i sume lɛ, ejakaa e gbɛ manye nɔ́ ko ha we mi hyɛ gblee, ja nɔ́ yayami pɛ.” Yehoshafat de lɛ ke, “Mo ko de ja!”

La 13:4

Ke pi ja a, ye he nyɛli ɔmɛ ma de ke, “Wa ye e nɔ.” A ma nya kaa a nine su ye nɔ.

La 35:19

Ko ha nɛ ye he nyɛli lakpatsɛmɛ ɔmɛ nɛ a nya. Nihi nɛ nyɛɔ mi yaka gu ɔ, ko ha nɛ a kpɛ mi.

La 89:42

O ha nɛ e he nyɛli ɔmɛ ye kunimi, nɛ mɛ tsuo a na bua jɔmi.

Abɛ Womi 24:17

Ke o he nyɛlɔ tɛ nɔ́, loo e nɔ si ɔ, ko nya.

Yeremia 38:4

Kɛkɛ nɛ ma nimeli ɔmɛ ho nɛ a ya de matsɛ ɔ ke, “Ha nɛ a gbe nyumu nɛ ɔ. Munyuhi nɛ e ngɛ tue ɔ ha nɛ ta buli nɛ piɛ ngɛ ma a mi, kɛ nihi tsuo nɛ ngɛ ma a mi ɔ a kɔni mi ngɛ jɔe. Nyumu nɛ ɔ, ma a si gbeemi e ngɛ hlae, se pi ma a nɔ yami.”

Yeremia 50:11

Bɔ nɛ Yawɛ de ji nɛ ɔ nɛ: “Babilonia bi, nyɛ kpata ye zugba a hɛ mi. Nyɛ kle tɔfutɔfu kaa na yihi nɛ ye niye ní kpakpa, nɛ nyɛ kpaa ngmlaa kɛ he wami kaa okpɔngɔ. Nyɛ bua jɔɔ nyɛ he, nɛ nyɛ nyaa.

Obadia 1:12

Amanehlu nɛ o nyɛmimɛ Yuda bi ɔmɛ na a, e sɛ nɛ o bua jɔɔ he. E sɛ kaa o naa bua jɔmi ngɛ ligbi nɛ a kpata a hɛ mi ɔ nɔ. E sɛ nɛ o tuɔ he nɔ womi munyu ngɛ a haomi ligbi ɔ nɔ.

Mika 7:8

E sɛ kaa wa he nyɛli ɔmɛ yeɔ wa he fɛu. Wa nɔ si lɛɛ, se wa maa te si ekohu. Amlɔ nɛ ɔ wa ngɛ diblii mi, se Yawɛ ma ha wɔ la.

Mateo 10:22

Ye he ɔ, nihi tsuo maa nyɛ nyɛ. Se nɔ nɛ ma wlua lɛ kɛ yaa si nyagbe ɔ, a ma he e yi wami.

Yohane 16:20

I ngɛ nyɛ dee anɔkuale mi ke, nyɛɛ lɛɛ nyɛ ma kpa ngmlaa; nyɛ maa wo yana, se je ɔ ma nya. Nyɛ maa ye kɔmɔ, se nyɛ kɔmɔ yemi ɔ ma plɛ bua jɔmi.

Yohane 7:7

Je ɔ be nyɛ nyɛe, se a nyɛɔ mi, ejakaa a yeɔ odase kɛ siɔ mɛ ngɛ ní yayamihi nɛ a peeɔ ɔ he.

Ni Tsumi 5:33

Benɛ kpe ngua a mi bi ɔmɛ nu munyu nɛ ɔ, e wo a mi mi la wawɛɛ nitsɛ, nɛ e pee mɛ kaa a gbe bɔfo ɔmɛ.

1 Korintobi 13:6

Suɔmi nya we nɔ́ yayami he; anɔkuale mohu he nɛ e nyaa.

Kpojemi 12:13

Benɛ sinɔ nguaa a na kaa a sake lɛ ba fɔ zugba a nɔ ɔ, e nyɛɛ yo ɔ nɛ fɔ binyumu ɔ se kɛ fo.

Kpojemi 13:14

Mawu ngmɛ lohwe awi yelɔ enyɔne ɔ blɔ nɛ e pee nyakpɛ níhi ngɛ kekleekle lohwe ɔ hɛ mi. Kɛ gu nyakpɛ ní nɛ ɔmɛ a nɔ ɔ, e sisiɔ nihi tsuo nɛ ngɛ je ɔ mi ɔ, nɛ e haa a peeɔ yayami. E nyɛ a nɔ nɛ a puɛ amaga nɛ ngɛ kaa lohwe awi yelɔ kake ɔ nɛ a kɛ klaate plaa lɛ wawɛɛ se e gbo we ɔ.

Kpojemi 13:8

Nihi tsuo nɛ ngɛ je ɔ mi ɔ ma ja lɛ. Ni nɛmɛ nɛ a ngma a biɛ kɛ wo hɛ kali a womi ɔ mi loko a bɔ je ɔ, mɛ pɛ lɛ a be lɛ jae. To bi ɔ nɛ a gbe ɔ nɔ́ ji jamɛ a womi ɔ.

Kpojemi 16:10

Bɔfo enuɔne ɔ plɛ e kplu ɔ mi nɔ́ ɔ ngɔ pue lohwe awi yelɔ ɔ matsɛ sɛ ɔ nɔ. Diblii wo ngɛ lohwe ɔ matsɛ yemi ɔ mi, nɛ nihi a he hia mɛ, nɛ a ta a lilɛ.

Kpojemi 3:10

I wo mo mlaa ke o to o tsui si ngɛ nɔ́ nami mi; nɛ o ye nɔ. Enɛ ɔ he je ɔ, amanehlu nguaa a nɛ ma je ɔ tsuo nɔ ɔ, ke be ɔ su ɔ, imi hu ma ha nɛ o maa ye o he. Ee, a kɛ amanehlu nɛ ɔ maa ka nihi tsuo ngɛ je ɔ mi.